મફત પુસ્તકોનું મોટું કૌભાંડ!હજારો પુસ્તકો પસ્તીવાળાને ત્યાં કચરાના ઢગલામાં મળ્યા

રાયપુરમાં બાળકોને મફતમાં આપવામાં આવતા પુસ્તકો મામલે મોટો ખુલાસો થયો છે. 'મફત પાઠ્યપુસ્તક વિતરણ' કાર્યક્રમ હેઠળ ઘણી સરકારી શાળાઓમાં બાળકોની સંખ્યા વધી છે, પરંતુ આ સફળતા પાછળ એક મોટું કૌભાંડ પ્રકાશમાં આવ્યું છે. લાખો પુસ્તકો, જે બાળકો માટે તૈયાર કરવામાં આવ્યા હતા, તે ભંગાર તરીકે વેચી નાંખવામાં આવ્યા છે. આ પુસ્તકો રાયપુરથી 30 કિલોમીટર દૂર રિસાયક્લિંગ સેન્ટરમાંથી મળી આવ્યા હતા. આના પરથી સ્પષ્ટ થાય છે કે, બાળકોના શિક્ષણ સાથે છેડછાડ કરવામાં આવી છે.

આ કૌભાંડનો પર્દાફાશ કરનારા કોંગ્રેસના પૂર્વ ધારાસભ્ય વિકાસ ઉપાધ્યાયે તેમની પ્રેસ કોન્ફરન્સમાં આરોપ લગાવ્યો છે કે, પાઠ્યપુસ્તકો ભંગાર કંપનીઓને વેચવામાં આવી હતી, જેના કારણે તેનો નાશ કરવામાં આવ્યો હતો. સરકારે હવે છત્તીસગઢ પાઠ્યપુસ્તક નિગમના MD IAS રાજેન્દ્ર કટારાના નેતૃત્વમાં એક સમિતિની રચના કરીને સંપૂર્ણ તપાસ શરૂ કરી છે. આ સમિતિનો ઉદ્દેશ્ય કેટલી હદે ભ્રષ્ટાચાર કરવામાં આવ્યો છે તેનો પર્દાફાશ કરવાનો અને ગુનેગારોને જવાબદાર ઠેરવવાનો છે. BJPના યુવા નેતા ગોરી શંકર શ્રીવાસ તેમની સરકારનો અસરકારક રીતે બચાવ કરતા જોવા મળ્યા હતા. તેમણે કહ્યું કે 'કોરોના સમયગાળા દરમિયાન, જ્યારે વિદ્યાર્થીઓ ઓનલાઈન વર્ગો લેતા હતા, ત્યારે લાખો પુસ્તકો પ્રકાશિત થયા હતા અને ભંગાર તરીકે વેચાયા હતા.'

છત્તીસગઢ પાઠ્યપુસ્તક નિગમને ભ્રષ્ટાચારનો અડ્ડો બનાવનારા લોકો હવે આપણી તરફ આંગળી ચીંધી રહ્યા છે? BJP સરકાર પોતાની જવાબદારી સમજે છે અને આ બાબતને ગંભીરતાથી લઈ રહી છે. આ સંવેદનશીલ મુદ્દાથી રાજકારણને દૂર રાખવું જોઈએ. મીડિયા સૂત્રોએ આ વાતને તેવા માતાપિતાને પહોંચાડી છે, જેઓ આ શૈક્ષણિક વર્ષમાં તેમના બાળકો માટે મફત પાઠયપુસ્તકો ખરીદવા માટે સંઘર્ષ કરી રહ્યા છે. આ પ્રચંડ ભ્રષ્ટાચારના કારણે તેમના બાળકો પાઠ્યપુસ્તકો વિના આગામી પરીક્ષાઓનો સામનો કરી રહ્યા હોવાથી આ વાલીઓએ તેમની વેદના વ્યક્ત કરી હતી. રાયપુરની સ્થાનિક શાળાઓએ તેની અસર પહેલેથી જ અનુભવી રહી છે અને સંભવ છે કે, આ ભ્રષ્ટાચાર વધુ દૂરના જિલ્લાઓ સુધી ફેલાઈ ગયો છે.

ઘણા વાલીઓએ અચકાતા અમને કહ્યું, 'અમે આ મુદ્દો શિક્ષકોની સામે ઘણી વખત ઉઠાવ્યો છે, ત્યાં સુધી કે, સરકારી શાળાના પ્રિન્સિપાલ સાથે પણ અમે આ મુદ્દો ઉઠાવ્યો છે, પરંતુ ખાતરી સિવાય અમને કંઈ મળ્યું નથી. મારા બાળકોને થોડા જ દિવસોમાં પરીક્ષા આપવાની છે. અમે અમારા સંબંધીઓ પાસેથી ગુમ થયેલ પાઠયપુસ્તકો ઉછીના લીધા છે, જેથી બાળક કોઈપણ અવરોધ વિના પરીક્ષા આપી શકે.' શાળાના વિદ્યાર્થીઓએ હિન્દી પાઠ્યપુસ્તકો ન મળવાની ફરિયાદ કરી હતી. વિદ્યાર્થીઓએ એક જ સૂરમાં મીડિયા સૂત્રને કહ્યું હતું કે, 'થોડા દિવસોમાં અમારી પરીક્ષા છે. અને અમારી પાસે હજુ સુધી પુસ્તકો નથી. અમે વાંચવા માંગીએ છીએ, પરંતુ પુસ્તકોના અભાવે તે અમારા માટે મુશ્કેલ બની જાય છે.

મીડિયા સૂત્ર રિપોર્ટ આપવા માટે જ્યાં આ પુસ્તકો પડ્યા છે તે રિસાયક્લિંગ સેન્ટરની મિલકત સુધી પહોંચી ગયા હતા. હવે વધુ તપાસ માટે મિલકત સીલ કરવામાં આવી છે. ઘણા વિદ્યાર્થીઓ માટે, સહાધ્યાયીઓ પાસેથી પાઠ્યપુસ્તકો ઉછીના લેવા એ જ એકમાત્ર રસ્તો બચ્યો છે, જેથી કરીને નજીક આવી રહેલી પરીક્ષામાં તેમની તૈયારીમાં અવરોધ ઊભો ન થાય.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.