હિમાચલમાં વધુ એક મસ્જિદ સામે હજારો હિંદુઓ બહાર નીકળ્યા, જુઓ વીડિયો

હિમાચલ પ્રદેશમાં એક પછી એક મસ્જિદને લઈને હંગામો થઈ રહ્યો છે. શિમલા પછી હવે કુલ્લુમાં પણ હિંદુ સંગઠનોએ મસ્જિદને ગેરકાયદેસર ગણાવીને તોડી પાડવાની માંગ ઉઠાવી છે. સોમવારે મંદિરથી મસ્જિદ સુધી એક શોભાયાત્રા પણ કાઢવામાં આવી હતી. આ દરમિયાન દેખાવકારોની પોલીસ સાથે ઘર્ષણ પણ થયું હતું. આ દરમિયાન એક મુસ્લિમ સંગઠને કહ્યું છે કે, રાજ્યમાં કોઈપણ મસ્જિદ ગેરકાયદેસર નથી, પરંતુ નકશાને મંજૂરી આપવામાં વિલંબને કારણે સમસ્યાઓ સર્જાઈ રહી છે.

'હિન્દુ ધર્મ જાગરણ યાત્રા' અંતર્ગત આયોજિત વિરોધ પ્રદર્શનમાં હજારો લોકોએ ભાગ લીધો હતો. કડક સુરક્ષા વચ્ચે અખાડા બજારમાં સ્થિત હનુમાન મંદિરથી જામા મસ્જિદ સુધી શોભાયાત્રા કાઢવામાં આવી હતી. દેખાવકારોના હાથમાં ભગવા ઝંડા અને પોસ્ટર અને બેનરો હતા. આ પ્રદર્શનમાં મોટી સંખ્યામાં મહિલાઓ પણ જોડાઈ હતી. મહિલાઓએ પરંપરાગત વસ્ત્રો પહેરીને ભાગ લીધો હતો અને સંગીતના સાધનો પણ વગાડવામાં આવ્યા હતા.

દેખાવકારોએ જોરદાર સૂત્રોચ્ચાર કર્યા અને મસ્જિદને ગેરકાયદેસર ગણાવીને તોડી પાડવાની માંગ કરી. એક સમય એવો પણ આવ્યો કે જ્યારે પ્રદર્શનકારીઓ અને પોલીસ વચ્ચે ઘર્ષણ થયું હતું. અથડામણમાં કોઈને ગંભીર ઈજા થઈ હોવાના અહેવાલ નથી. પ્રદર્શનના ઘણા વીડિયો સોશિયલ મીડિયા પર વાયરલ થઈ રહ્યા છે.

હિમાચલમાં મસ્જિદ વિવાદ શિમલાના ઉપનગર સંજૌલીમાં એક લડાઈ પછી શરૂ થયો હતો. અહીં સલૂન ચલાવતા મુસ્લિમ યુવકનો હિંદુ વેપારી સાથે ઝઘડો થયો હતો. આરોપ છે કે, 30 ઓગસ્ટના રોજ થયેલી લડાઈ પછી આરોપી મસ્જિદમાં છુપાઈ ગયો હતો. સ્થાનિક લોકોનો દાવો છે કે, મસ્જિદનો મોટો ભાગ ગેરકાયદેસર છે. હિન્દુ સંગઠનો તેને તોડી પાડવાની માંગ કરી રહ્યા છે. આ પછી રાજ્યમાં એક પછી એક અનેક મસ્જિદો પર સવાલો ઉઠવા લાગ્યા છે.

देवभूमि जिला कुल्लू जिला में उमड़ा हिंदू समाज का जनसैलाब । हिंदू जाग चुका है।।#Kullu #Himachal #Devbhoomi pic.twitter.com/7DD76Zbc1t

— Gems of Himachal (@GemsHimachal) September 30, 2024

મુસ્લિમ કલ્યાણ સમિતિના મંડીના વડા નઈમ અહેમદે સોમવારે કહ્યું, 'હિમાચલ પ્રદેશમાં કોઈ મસ્જિદ ગેરકાયદેસર નથી, પરંતુ નકશા અને અન્ય પ્રક્રિયાઓને મંજૂરી આપવામાં વિલંબ થઈ રહ્યો છે. જો ગેરકાયદેસર જણાશે, તો અમે જાતે જ તે માળખું દૂર કરીશું.' તેમણે વધુમાં કહ્યું કે, રવિવારે મંડીના બાલહ વિસ્તારમાં મુસ્લિમ સમુદાયના પ્રતિનિધિઓની બેઠક યોજાઈ હતી. તેમણે કહ્યું કે, લઘુમતી સમુદાયની રાજ્ય સ્તરીય સમિતિ CMને મળશે અને રાજ્યની સ્થિતિ વિશે તેમને માહિતગાર કરશે તેવું નક્કી કરવામાં આવ્યું છે.

देवभूमि हिमाचल शांत नहीं बैठा है।
देवभूमि हिमाचल के हितों के संरक्षण के लिए अभी भी सड़कों पर है।।।
आज हिंदू समाज कुल्लू की सड़कों पर उतरा।।#Kullu #Himachal #Devbhoomi pic.twitter.com/ivtS12cK5a

— Gems of Himachal (@GemsHimachal) September 30, 2024

અહેમદે કહ્યું કે, મુસ્લિમ નેતાઓનું માનવું છે કે કેટલાક લોકો નફરત ફેલાવી રહ્યા છે અને આને રોકવું જોઈએ. અન્ય રાજ્યોમાંથી આવતા તમામ લોકોની તપાસ થવી જોઈએ, પછી ભલે તે કોઈપણ ધર્મનો હોય. આ પહેલા રવિવારે કુલ્લુ જિલ્લા પ્રશાસને કહ્યું હતું કે, અખાડા બજારમાં આવેલી મસ્જિદ ગેરકાયદેસર નથી. તેને કહેવામાં આવ્યું હતું કે, સરકારી રેકોર્ડ અને મસ્જિદ દ્વારા આવરી લેવામાં આવેલા વિસ્તાર વચ્ચે થોડો તફાવત છે. આ બાબત ટાઉન પ્લાનીંગ વિભાગમાં પેન્ડીંગ છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.