આજે દેશ જોઈ શકે છે કે મોદી અલગ માટીનો વ્યક્તિ છે... :PM મોદીએ આઝમગઢ સભામાં કહ્યુ

PM નરેન્દ્ર મોદી આગામી લોકસભાની ચૂંટણી પહેલા દરેક રાજ્યવાર જાહેરાતો કરી રહ્યા છે. PM મોદીએ ઉત્તર પ્રદેશના આઝમગઢથી પણ ઘણી મોટી જાહેરાતો કરી હતી. તેમણે કહ્યું કે, એરપોર્ટ, હાઈવે અને રેલ્વે સંબંધિત ઈન્ફ્રાસ્ટ્રક્ચરની સાથે અન્ય વિકાસ કાર્યો પણ તેજ ગતિએ થઈ રહ્યા છે. PM મોદીએ કહ્યું કે, 'આઝમગઢ હવે એક એવો કિલ્લો છે કે, તે આજન્મગઢ છે... આ આજન્મગઢ જીવનભર વિકાસનો કિલ્લો બની રહેશે, આજન્મ રહેશે અને અનંતકાળ સુધી વિકાસનો કિલ્લો બની રહેશે, આ મોદીની ગેરંટી છે.'

PM મોદીએ કહ્યું, 'તમે જોઈ શકો છો કે, છેલ્લા કેટલાક દિવસોથી, હું એક જ જગ્યાએથી દેશના ઘણા પ્રોજેક્ટ્સનું ઉદ્ઘાટન કરી રહ્યો છું. જ્યારે લોકો ઘણા એરપોર્ટ, ઘણા રેલ્વે સ્ટેશન, ઘણા IIM, ઘણા AIIMs વિશે સાંભળે છે, ત્યારે તેઓ આશ્ચર્યચકિત થઈ જાય છે. કેટલીકવાર, તેઓ જૂની માનસિકતાને પણ એક જ પરંપરામાં મૂકી રાખે છે, કે આ ચૂંટણીની મોસમ છે.'

PM મોદીએ વધુમાં કહ્યું કે, 'ચૂંટણીની મોસમમાં પહેલા શું થતું હતું? અગાઉની સરકારોમાં, લોકો સામાન્ય જનતાને છેતરવા માટે જાહેરાતો કરતા હતા... જ્યારે હું વિશ્લેષણ કરું છું, તો મને ખબર પડે છે કે, 30-35 વર્ષ પહેલા જાહેરાતો કરવામાં આવતી હતી. ચૂંટણી પહેલા. , તેઓ તકતીઓ લગાવતા અને પછી ગાયબ થઈ જતા હતા, નેતાઓ પણ ગાયબ થઈ જતા હતા... આજે દેશ જોઈ શકે છે કે, 'મોદી અલગ જ માટીના વ્યક્તિ છે.'

PM નરેન્દ્ર મોદીએ કહ્યું, '2019 ની ચૂંટણીમાં કોઈ પણ જાહેરાત કે જે શિલાન્યાસ કર્યો તેના સમાચાર હેડલાઈન બનતા હતા કે, ચૂંટણી માટે જાહેરાત કરવામાં આવે છે. આજે દેશ જોઈ રહ્યો છે કે મોદી બીજી માટીના બનેલા છે. 2019 માં પણ જેનો શિલાન્યાસ કર્યો તે ફક્ત ચૂંટણી માટે નથી કર્યો, આજે તેનું ઉદ્ઘાટન કરી ચુક્યા છીએ.'

PM મોદીએ કહ્યું કે, 'દેશના પછાત વિસ્તારોમાં ગણાતા આઝમગઢ આજે દેશ માટે વિકાસનો નવો અધ્યાય લખી રહ્યું છે. આજે આઝમગઢથી ઘણા રાજ્યોમાં લગભગ 34 હજાર કરોડ રૂપિયાના પ્રોજેક્ટ્સનું ઉદ્ઘાટન અને શિલાન્યાસ કરવામાં આવ્યો છે. 2024માં પણ કરવામાં આવેલા શિલાન્યાસને કોઈએ ચૂંટણીની નજરથી ન જોવું જોઈએ, આ મારી વિકાસની અવિરત યાત્રાનું પરિણામ છે.'

PM મોદીએ કહ્યું, '2047 સુધીમાં, હું દેશને વિકસિત ભારત બનાવવા માટે ઝડપી ગતિએ દોડી રહ્યો છું અને હું દેશ ને તેજ ગતિએ દોડાવી રહ્યો છું. તમારો આ પ્રેમ અને આઝમગઢનો આ વિકાસ... જાતિવાદ, પરિવારવાદ અને વોટ બેંકના ભરોસે બેઠેલા ગઠબંધનની ઉંઘ ઉડાવી રહ્યો છે.'

#WATCH | Azamgarh, Uttar Pradesh | PM Narendra Modi says, "Your love and development of Azamgarh is making INDI alliance, that is dependent on casteism, dynasty and vote bank, lose its sleep. For decades, Purvanchal saw the politics of casteism and appeasement. In last 10 years,… pic.twitter.com/UaNF3WVcnx

— ANI (@ANI) March 10, 2024

PM નરેન્દ્ર મોદીએ કહ્યું, 'પૂર્વાંચલમાં દાયકાઓથી જાતિવાદ અને તુષ્ટિકરણની રાજનીતિ જોવા મળી છે અને છેલ્લા 10 વર્ષથી આ પ્રદેશે વિકાસની રાજનીતિ પણ જોઈ છે. અહીંના લોકોએ માફિયા રાજ અને કટ્ટરવાદના જોખમો પણ જોયા છે અને હવે અહીંના લોકો કાયદાના શાસનનું પાલન કરવા તૈયાર છે.'

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.