શું સુરંગથી 41 લોકોને કાઢવામાં લાગશે 1 મહિનો? વિદેશથી આવેલા એક્સપર્ટે ચોંકાવ્યા

ઉત્તરકાશીમાં રેસ્ક્યૂ બંધ થયા બાદ 41 મજૂરો બહાર આવવાની રાહ લાંબી થઈ ગઈ છે. 14 દિવસ બાદ પણ સુરંગમાં જિંદગીઓ બહાર કાઢવાને લઈને સસ્પેન્સ બનેલું છે. અંદર 41 જિંદગીઓ છે અને બહાર રેસ્ક્યૂ ઓપરેશનના પડકારોથી ઝઝૂમતી બચાવ ટીમના સભ્ય. સુરંગમાં  ડ્રિલ કરવા માટે મોકલવામાં આવેલી ઓગર મશીન નિષ્ફળ રહી છે. હવે વર્ટિકલ એટલે કે સુરંગના ઉપરના હિસ્સા પર ડ્રિલિંગની તૈયારી છે. ઘડિયાળના કાંટા પોતાની સ્પીડથી ચાલતા જઈ રહ્યા છે.

કેલેન્ડરની તારીખ બદલાતી જઈ રહી છે, પરંતુ જો જે કંઇ બદલાઈ રહ્યું નથી તો એ છે પરિસ્થિતિ. રોજ દિવસ આશા સાથે શરૂ થઈ રહ્યો છે અને સાંજ નિરાશાથી પસાર થઈ રહી છે. આ દરમિયાન અમેરિકાથી આવેલા એક્સપર્ટ દ્વારા આપવામાં આવેલા નિવેદને બધાને ચોંકાવી દીધા છે. એક્સપર્ટે પોતાના તાજા નિવેદનમાં કહ્યું છે કે, મજૂર ક્રિસમસ એટલે કે 25 ડિસેમ્બર સુધી પોતાના ઘર પર હશે. આ દરમિયાન પીડિતોના પરિવારજનોની પરેશાની હજુ વધી છે.

હેરાનીની વાત એ છે કે રેસ્ક્યૂ ઓપરેશનની દેખરેખ કરનારી ટીમના જવાબદાર અધિકારી અત્યાર સુધી રોજ નિવેદન બદલી રહ્યા છે. તેઓ પોતાના નિવેદનોમાં નવી નવી ડેડલાઇન બતાવતા રહે છે. આ નિવેદનથી સ્પષ્ટ છે કે અત્યારે 41 મજૂરોના રેસ્ક્યૂમાં લાંબો સમય લાગી શકે છે કેમ કે મુશ્કેલીઓ સમાપ્ત થવાનું નામ લઈ રહી નથી. સિલ્ક્યારા તરફથી ખોદકામ બંધ થઈ ગયું છે. સળિયાની જાળમાં ફસાવાથી ઓગર મશીન ગત રાત્રે ખરાબ થઈ ગયું. હવે અમેરિકન એક્સપર્ટ અર્નોલ્ડ ડિક્સે કહી દીધું છે કે હવે ઓગર મશીનનો ઉપયોગ નહીં થાય.

મજૂરોની જિંદગી બચાવવા માટે સુરંગ ઉપરથી ખોદકામની તૈયારી છે. વર્ટિકલ ડ્રિલિંગ માટે મશીન સુરંગના ઉપરના હિસ્સા પર લઈ જવામાં આવી રહી છે. અમેરિકન વિશેષજ્ઞ અર્નોલ્ડ ડિક્સે ક્રિસમસની ડેડલાઇન આપી છે. તેમણે મીડિયા સાથે વાત કરતા કહ્યું કે, ક્રિસમસ અગાઉ મજૂર પોતાના ઘર પર હશે. તેઓ સુરક્ષિત છે. જો રેસ્ક્યૂમાં ઉતાવળ કરવામાં આવી તો હજુ મુશ્કેલી વધી શકે છે. એટલે પૂરી સાવધાની સાથે સુરંગમાં રેસ્ક્યૂ ઓપરેશન ચલાવવામાં આવી રહ્યું છે.

તેમણે કહ્યું કે, તેનો અર્થ છે કે અત્યારથી એક મહિનામાં 41 લોક ઘરે સુરક્ષિત હશે. મને જરાય ખબર નથી કે ક્યારે. મારો અર્થ છે કે આપણે ઉતાવળ ન કરવી જોઈએ. આપણે બસ સૌથી મહત્ત્વપૂર્ણ વાત પર વિચાર કરવું જોઈએ અને તે એ છે કે બધા સુરક્ષિત ઘરે આવે. મને વિશ્વાસ છે કે ક્રિસમસ પર બધા ઘરે હશે. મેં ક્યારેય વાયદો કર્યો નહોતો કે તે જલદી થઈ જશે. મેં ક્યારેય વાયદો કર્યો નથી કે એ સરળ હશે. મેં ક્યારેય કહ્યું નથી કે, એ કાલે થઈ જશે. મેં ક્યારેય કહ્યું નથી કે એ રાજે રાત્રે થશે. તેઓ સુરક્ષિત રહેશે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.