બે મંડપ, 9 હવન કુંડ, 121 પૂજારી... અયોધ્યામાં રામ લલ્લાના અભિષેકની તૈયારીઓ શરૂ

22 જાન્યુઆરીએ અયોધ્યામાં નવનિર્મિત રામ મંદિરમાં રામલલાની મૂર્તિની પ્રાણ પ્રતિષ્ઠા કરવામાં આવશે. PM નરેન્દ્ર મોદી 22 જાન્યુઆરીએ પ્રાણ પ્રતિષ્ઠા કાર્યક્રમમાં યજમાન તરીકે હાજરી આપશે. પરંતુ 16 જાન્યુઆરીથી જ ધાર્મિક વિધિ મુજબ પૂજાની પ્રક્રિયા શરૂ થઇ થશે. આ સંદર્ભે તૈયારીઓ શરૂ કરી દેવામાં આવી છે. જે અંતર્ગત પ્રાણ પ્રતિષ્ઠા માટે 2 મંડપ અને 9 હવન કુંડ બનાવવામાં આવી રહ્યા છે.

એટલું જ નહીં, કાશીના વિદ્વાન પંડિત લક્ષ્મીકાંત દીક્ષિત સમગ્ર પ્રાણ પ્રતિષ્ઠાની પૂજાની અધ્યક્ષતા કરશે. દેશભરમાંથી વિવિધ શાખાઓના 121 બ્રાહ્મણો આ પૂજા કરશે, જેમાં કાશીના લગભગ 40 વિદ્વાનો ભાગ લેશે.

કાશીના પંડિત લક્ષ્મીકાંત દીક્ષિત અને તેમના પુત્ર અરુણ દીક્ષિત, જેમણે અયોધ્યામાં રામલલાની મૂર્તિના પ્રાણ પ્રતિષ્ઠા માટેની સમગ્ર વિધિની અધ્યક્ષતા કરી હતી, તેમણે ખાસ વાતચીતમાં જણાવ્યું કે, પૂજા સાથે સંબંધિત એક યજ્ઞકુંડ બનાવવામાં આવનાર છે. જેમાં કુલ 9 કુંડ હશે.

તેમણે કહ્યું, આ સંબંધમાં અમે બધા 1 ડિસેમ્બરના રોજ અયોધ્યા પૂજા સ્થળ ગયા હતા. પૂજા માટે મુખ્ય મંદિરની સામે જમીન નક્કી કરવામાં આવી છે. આ જમીન પર દરેક 45-45 હાથના બે મંડપ બનાવવામાં આવશે. હાલ તો મંડપ બનાવવાનું બાંધકામ પણ શરૂ થઈ ગયું છે. થોડા દિવસોમાં 2 મંડપ અને 9 હવન કુંડ પણ બનાવવામાં આવશે. મંડપ અને કુંડ બનાવવાનું કામ 10 જાન્યુઆરી સુધીમાં પૂર્ણ થવાની શક્યતા છે.

પંડિત લક્ષ્મીકાંત દીક્ષિતે વધુમાં જણાવ્યું હતું કે, ગણેશ પૂજા અને રામ પૂજા સહિતની તમામ પૂજાઓ એક જ મંડપમાં થશે. જ્યારે, બીજા નાના મંડપમાં, ભગવાન રામની મૂર્તિની તમામ વિધિઓ કરવામાં આવશે, જેમાં 100 કલશથી સ્નાન, અન્નાધિવાસ અને જલાધિવાસ સાથે સ્નાન કરવામાં આવશે. લક્ષ્મીકાંત દીક્ષિતના જણાવ્યા મુજબ, ભારતભરના તમામ રાજ્યોમાંથી તમામ શાખાઓના વિદ્વાનો આવવાના છે. તેમને આમંત્રણ આપવામાં આવી રહ્યું છે.

श्री राम जन्मभूमि मंदिर निर्माण कार्य - प्रथम तल

Shri Ram Janmabhoomi Mandir Construction - First Floor pic.twitter.com/6mqAEftXd2

— Shri Ram Janmbhoomi Teerth Kshetra (@ShriRamTeerth) November 27, 2023

જ્યારે, અરુણ દીક્ષિતે કહ્યું કે, એવું નક્કી કરવામાં આવ્યું છે કે સમગ્ર ભારતમાંથી 121 ઉચ્ચ પદ ધરાવતા બ્રાહ્મણો પૂજા કરશે. જેમાં તમામ વેદોના વિદ્વાનોનો સમાવેશ કરવામાં આવશે. 121 બ્રાહ્મણોમાં કાશીના 40 જેટલા વિદ્વાનોનો સમાવેશ કરવામાં આવશે. પ્રાણ પ્રતિષ્ઠા સંબંધિત પૂજા 16 જાન્યુઆરીથી શરૂ થશે, જેમાં ટ્રસ્ટ દ્વારા નિયુક્ત વ્યક્તિ મુખ્ય યજમાન હશે. જ્યારે મુખ્ય પૂજામાં PM નરેન્દ્ર મોદી 22 જાન્યુઆરીએ યોજાનારી પ્રાણ પ્રતિષ્ઠામાં યજમાનની ભૂમિકા નિભાવશે. પ્રાણ પ્રતિષ્ઠાના સમય વિશે અરુણે જણાવ્યું કે, પ્રાણ પ્રતિષ્ઠા મૃગશિરા નક્ષત્રમાં 11 થી 12 દરમિયાન થશે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.