સફાઇકર્મી-ગાર્ડ મળીને ચોરતા હતા મોલમાંથી સાબુ, તેલ, બિસ્કિટ, ઘરમાં ખજાનો મળ્યો

ગ્વાલિયરમા શોપિંગ કોમ્પ્લેક્સ વિશાળ મેગા માર્ટમાં છેલ્લા કેટલાક દિવસોની સામાનની ચોરી થઈ રહી હતી. મેગા માર્ટના અધિકારી આ વાતથી હેરાન હતા કે અંતે સામાન ક્યાં ગાયબ થઈ રહ્યો છે, પરંતુ જ્યારે આ ચોરીનો ખુલાસો થયો તો પોલીસ પણ હેરાન રહી ગઈ, કેમ કે ચોરી કરનાર વ્યક્તિ કોઈ બીજું નહીં, પરંતુ મેગા માર્ટમાં કામ કરનારા કર્મચારી જ નીકળ્યા. શહેરના ગોલાના મંદિર વિસ્તારમાં સંચાલિત વિશાળ મેગા માર્ટમાં છેલ્લા કેટલાક સમયથી સતત સામાન ચોરી થઈ રહ્યો હતો.

જ્યારે સ્ટોક મળાવવામાં આવ્યો તો એ વાતનો ખુલાસો થયો કે સ્ટોકમાં ગરબડી છે. જ્યારે મેગા માર્ટના મેનેજર ઉપેન્દ્ર શર્માએ તેના પર સૂક્ષ્મતાથી નજર રાખી તો ખબર પડી કે મેગા માર્ટની અંદર કેટલાક લોકો ચોરીની ઘટનાને અંજામ આપી રહ્યા છે. હાઇપર માર્કેટની અંદર CCTV કેમેરાની પણ તપાસ કરવામાં આવી, તો તેમાં કર્મચારી જ અન્ય લોકો સાથે મળીને ચોરી કરતા નજરે પડ્યા. ત્યારબાદ ઉપેન્દ્ર શર્માએ આ વાતની ફરિયાદ ગોલા મંદિર પોલીસ સ્ટેશનમાં નોંધાવી આવી. પોલીસે આ કેસમાં ધર્મેન્દ્ર જાટવ, પ્રદીપ રાઠોર, દિનેશ કોળી અને ધર્મેન્દ્ર રાઠોરની ઘરપકડ કરી છે.

ખાસ વાત એ છે કે ધર્મેન્દ્ર જાટવ વિશાળ મેગા માર્ટમાં સુરક્ષા ગાર્ડ છે, જ્યારે ધર્મેન્દ્ર રાઠોર વિશાળ મેગા માર્ટમાં સફાઇ કર્મચારી છે. આ બંનેએ પોતાના બે અન્ય સહયોગી, દિનેશ કોળી અને પ્રદીપ સાથે મળીને વિશાળ મેગા માર્ટમાં સતત ચોરીની ઘટનાને અંજામ આપ્યો. સુરક્ષા ગાર્ડ ધર્મેન્દ્ર જાટવને ચોરીનો માલ વેચવા પર 20 ટકા નફાનો ભાગીદાર બનાવ્યો હતો. જ્યારે પકડાયા તો ચોરોએ આપેલી નિશાની પર એક ઘરમાં ચોરી થયેલા માલને જપ્ત કર્યો તો પોલીસ પણ હેરાન રહી ગઈ.

મીડિયા રિપોર્ટ મુજબ, શોપિંગ મોલમાં કામ કરનારા કર્મચારી મોટા ભાગે મોલથી રાતના સમયે સામાન ચોરી કરતા હતા. જ્યારે રાત્રે મોલ બંધ થઈ જતો હતો અને વિસ્તારમાં આવવા જવાનું પણ ઓછું થઈ જતું હતું. તો સિક્યોરિટી ગાર્ડ પાછળનો દરવાજો ખોલી દેતો હતો, જેથી ચોર પોતાના લોડિંગ ઓટોને લાવીને તેમાં માલ ભરી લેતા હતા. આ કારણે તેમણે લાખો રૂપિયાના માલની ચોરી કરી અને તેને ચોરીનો માલ દૂર લઈ જવાની જગ્યાએ પોતાના જ ઘરમાં ભરી દીધો. જેમાં ગૃહસ્થીના સામાનથી લઈને બ્રાન્ડેડ ચશ્મા અને કપડાં પણ મળ્યા.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.