શું હોય છે હલાલ સર્ટિફાઇડ પ્રોડક્ટ્સ, જેના પર યોગી સરકારે લગાવ્યો પ્રતિબંધ

ઉત્તર પ્રદેશની યોગી આદિત્યનાથ સરકારે હલાલ સર્ટિફાઇડ પ્રોડક્ટ્સ પર પ્રતિબંધ લગાવી દીધો છે. આરોપ લગાવ્યો છે કે તેના નામ પર કરોડો રૂપિયાની ગેરકાયદેસર કમાણી કરવામાં આવી રહી છે. આ પૈસાઓથી આતંકવાદી સંગઠનોને ભારત વિરોધી ગતિવિધિઓ માટે ફંડિંગ આપવામાં આવે છે. FIR મુજબ, હલાલ ઈન્ડિયા પ્રાઇવેટ લિમિટેડ ચેન્નાઈ, જમીયત ઉલેમા એ હિન્દ હલાલ ટ્રસ્ટ દિલ્હી, હલાલ કાઉન્સિલ ઓફ ઈન્ડિયા મુંબઈ, જમીયત ઉલેમા મહારાષ્ટ્ર મુંબઈ વગેરે દ્વારા એક ધર્મ વિશેષના ગ્રાહકોને ધર્મના નામથી કેટલાક પ્રોડક્ટ્સ પર હલાલ પ્રમાણપત્ર પ્રદાન કરીને તેનું વેચાણ વધારવા માટે આર્થિક લાભ લઈને ગેરકાયદેસર બિઝનેસ ચલાવવામાં આવી રહ્યો છે.

શું હોય છે હલાલ સર્ટિફિકેટ?

આ હલાલ સર્ટિફિકેટ પહેલી વખત વર્ષ 1974માં વધ કરવામાં આવેલા માંસ ઉત્પાદનો પર લાગૂ કરવામાં આવ્યું હતું. પછી તેને અન્ય ખાદ્ય પદાર્થો અને સૌદર્ય પ્રસાધનો, દવાઓ વગેરે પર પણ લાગૂ કરી દેવામાં આવ્યું. અરબીમાં હલાલનો અર્થ છે અનુમતિ પ્રાપ્ત અને હલાલ પ્રમાણિત તાત્પર્યથી ઇસ્લામિક કાયદાનું પાલન કરતા તૈયાર કરવામાં આવેલા ભોજન સાથે છે. હલાલ માંસ એક એવા પશુનું માંસ છે જેને ગળાની નસોને કાપીને અથવા જિહબ કરીને મારવામાં આવ્યું છે. તેને કરોડરજ્જુના હાડકાથી કાપીને અથવા ઝટકાથી મારવામાં આવ્યું નથી.

વર્ષ 2022માં સુપ્રીમ કોર્ટમાં એક અરજી દાખલ કરીને હલાલ પ્રમાણીકરણ પર પૂર્ણ પ્રતિબંધ લગાવવાની માગ કરવામાં આવી હતી અને કહેવામાં આવ્યું હતું કે, 15 ટકા વસ્તીના કારણે 85 ટકા નાગરિકોના મૌલિક અધિકારોનું ઉલ્લંઘન થઈ રહ્યું છે.

ચાલુ ટ્રેનમાં થયો હતો વિવાદ

ટ્રેનમાં હલાલ પ્રમાણિત ચા પીરસવાથી નારાજ એક યાત્રી અને રેલવેના એક કર્મચારી વચ્ચે તીખી બહેસનો વીડિયો વાયરલ થયો હતો. વીડિયોમાં યાત્રીને રેલવે કર્મચારીને સવાલ કરતો જોઈ શકાય છે કે હલાલ પ્રમાણિત ચા શું છે અને તેને શ્રાવણ મહિનામાં કેમ પીરસવામાં આવી રહી છે. કર્મચારી નારાજ યાત્રીને સમજાવી રહ્યો છે કે ચા આમ પણ શાકાહારી છે. યાત્રીએ રેલવે અધિકારીને પૂછ્યું કે, શ્રાવણનો મહિનો ચાલી રહ્યો છે અને તમે અમને હલાલ સર્ટિફાઇડ ચા પીવાડી રહ્યા છો? પેકેટની તપાસ કરતા અધિકારીએ પૂછ્યું કે, આ શું છે?

યાત્રીએ કહ્યું કે, તમે જાણો છો, તમે સમજાવો કે હલાલ પ્રમાણિત શું છે? અમને એ ખબર હોવી જોઈએ. અમે ISI પ્રમાણપત્ર જાણીએ છે, તમે બતાવો કે હલાલ પ્રમાણપત્ર શું છે. રેલવે કર્મીએ કહ્યું કે, આ મસાલા ચા પ્રીમિક્સ છે. હું સમજાવું છું. એ 100 ટકા શાકાહારી છે. તેના પર યાત્રીએ કહ્યું કે, પરંતુ હલાલ પ્રમાણિત શું છે? મારે ત્યારબાદ પૂજા કરવી પડશે. રેલવે કર્મચારીએ કહ્યું કે, શું તમે વીડિયો બનાવી રહ્યા છો? આ 100 ટકા શાકાહારી છે. ચા શાકાહારી જ હોય છે સર. યાત્રીએ કહ્યું કે, મને કોઈ ધાર્મિક પ્રમાણપત્ર જોઈતું નથી. કૃપયા આ ભાવનાઓને ધ્યાનમાં રાખો. પછી સ્વસ્તિક પ્રમાણપત્ર લગાવો. સ્ટાફે કહ્યું સારું, તેનું ધ્યાન રાખીશ.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.