શું છે 'માનસ',140 કરોડ ભારતીયોને મળશે ફાયદો,PM મોદીએ 'મન કી બાત'માં કરી જાહેરાત

PM નરેન્દ્ર મોદીએ આજે (28 જુલાઈ) રેડિયો શો 'મન કી બાત'ના 112મા એપિસોડને સંબોધિત કર્યું. 2024ની લોકસભા ચૂંટણીની જીત પછી PM મોદીનો આ બીજો એપિસોડ છે અને બજેટ પછીનો પહેલો એટલે કે 112મો એપિસોડ છે. આ કાર્યક્રમમાં PM મોદીએ સમગ્ર દેશની સમૃદ્ધિ માટે વિશેષ અભિયાન માનસનો ઉલ્લેખ કર્યો છે. દેશના ખૂણે ખૂણે વસતા તમામ ઉંમરના ભારતીયોને તેનો સીધો લાભ મળશે. સૌથી પહેલા જાણીએ કે PM મોદીએ મન કી બાત કેવી રીતે શરૂ કરી?

PM મોદીએ પેરિસ ઓલિમ્પિકથી આજે મન કી બાત કાર્યક્રમની શરૂઆત કરી હતી. આ સિવાય PM મોદીએ મેથ્સ ઓલિમ્પિયાડ જીતનાર ભારતીય વિદ્યાર્થીઓને ફોન કરીને અભિનંદન પાઠવ્યા હતા. આ સિવાય PM મોદીએ ફરીથી તિરંગા સાથે સેલ્ફી લેવાના અભિયાન અંગે લોકોને જાગૃત કર્યા. આ સાથે PM મોદીએ ડ્રગ્સ સામેની લડાઈ માટેના વિશેષ કેન્દ્ર 'માનસ' વિશે પણ ચર્ચા કરી હતી.

ભારતના PM મોદીએ ડ્રગ્સ સામેની લડાઈમાં દેશ માટે એક મોટું પગલું ભર્યું છે. રવિવારે 'મન કી બાત' કાર્યક્રમ દરમિયાન PM નરેન્દ્ર મોદીએ કહ્યું કે, દરેક પરિવારને ચિંતા છે કે તેમનું બાળક ડ્રગ્સનો શિકાર બની શકે છે. હવે આવા લોકોની મદદ માટે સરકારે 'માનસ' નામનું વિશેષ કેન્દ્ર ખોલ્યું છે. ડ્રગ્સ સામેની લડાઈમાં આ એક મોટું પગલું છે. માનસ હેલ્પલાઈન અને પોર્ટલ થોડા દિવસો પહેલા શરૂ કરવામાં આવ્યું છે.

"हर परिवार की ये चिंता होती है कि कहीं उनका बच्चा drugs की चपेट में ना आ जाए | अब ऐसे लोगों की मदद के लिए, सरकार ने एक विशेष केंद्र खोला है, जिसका नाम है – ‘मानस’ | Drugs के खिलाफ लड़ाई में ये बहुत बड़ा कदम है |"

- पीएम @narendramodi.#MannKiBaat pic.twitter.com/svVdTcD1Yx

— Mann Ki Baat Updates मन की बात अपडेट्स (@mannkibaat) July 28, 2024

સરકારે ટોલ ફ્રી નંબર 1933 બહાર પાડ્યો છે. આ નંબર પર કોલ કરીને કોઈપણ વ્યક્તિ જરૂરી સલાહ મેળવી શકે છે. જો કોઈની પાસે ડ્રગ્સ સંબંધિત અન્ય કોઈ માહિતી હોય, તો તેઓ આ નંબર પર ફોન કરીને નાર્કોટિક્સ કંટ્રોલ બ્યુરો સાથે આ માહિતી શેર કરી શકે છે. અહીં દરેક માહિતી ગુપ્ત રાખવામાં આવે છે. PM મોદીએ કહ્યું કે, હું તમામ લોકોને, તમામ પરિવારોને, ભારતને ડ્રગ મુક્ત બનાવવા સાથે સંકળાયેલી તમામ સંસ્થાઓને માનસ હેલ્પલાઇનનો સંપૂર્ણ ઉપયોગ કરવા વિનંતી કરું છું.

"भारत को ‘Drugs free’ बनाने में जुटे सभी लोगों से, सभी परिवारों से, सभी संस्थाओं से मेरा आग्रह है कि MANAS Helpline का भरपूर उपयोग करें I"

- पीएम @narendramodi.#MannKiBaat pic.twitter.com/8Os9sEPdjH

— Mann Ki Baat Updates मन की बात अपडेट्स (@mannkibaat) July 28, 2024

PM મોદીએ વધુમાં કહ્યું કે, આવતીકાલે સમગ્ર વિશ્વમાં આંતરરાષ્ટ્રીય વાઘ દિવસની ઉજવણી કરવામાં આવશે. તેમણે કહ્યું કે, વાઘ ભારતીય સંસ્કૃતિનો અભિન્ન અંગ છે અને જંગલોની આસપાસના ગામડાઓમાં લોકો જાણે છે કે, કેવી રીતે વાઘ સાથે સુમેળમાં રહેવું. તેમણે કહ્યું કે વાઘ અને મનુષ્ય વચ્ચેના સંઘર્ષના કિસ્સામાં વાઘના રક્ષણ માટે અભૂતપૂર્વ પ્રયાસો કરવામાં આવે છે. તેમણે કહ્યું કે, 'કુહાડી વગરની પંચાયત'એ જનભાગીદારીનો એક એવો પ્રયાસ છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.