કોણ છે દક્ષિણની સુષ્મા સ્વરાજ દગ્ગુબાતી પુરંદેશ્વરી જે બની શકે છે લોકસભા સ્પીકર

PM નરેન્દ્ર મોદીના નેતૃત્વમાં સતત ત્રીજી વખત NDA સરકાર બની છે. રવિવારે PM સહિત 72 મંત્રીઓએ શપથ લીધા. મંત્રીઓની યાદીમાંથી આંધ્રપ્રદેશનું એક મોટું નામ ગાયબ હતું ત્યારે તે એક મોટું આશ્ચર્ય હતું. તે નામ હતું આંધ્ર પ્રદેશ BJP અધ્યક્ષ અને રાજમુંદરીના સાંસદ દગ્ગુબાતી પુરંદેશ્વરી. જો કે, હવે એવું લાગી રહ્યું છે કે, BJPએ પુરંદેશ્વરીને મોટી જવાબદારી આપવાનું આયોજન કર્યું હતું. મીડિયા સૂત્રોએ અંદરના સૂત્રોનો ઉલ્લેખ કરીને લખ્યું છે કે, પુરંદેશ્વરીને 18મી લોકસભાના સ્પીકર બનાવવામાં આવી શકે છે. તેઓ લોકસભા સ્પીકર બનવાની રેસમાં સૌથી આગળ છે.

જો પુરંદેશ્વરી લોકસભાના સ્પીકર તરીકે ચૂંટાય છે, તો તે આ પદ સંભાળનાર આંધ્રના બીજા સાંસદ હશે. તેમના પહેલા અમલપુરમના પૂર્વ સાંસદ ગંતિ મોહન ચંદ્ર (GMC) બાલયોગી 12મી લોકસભામાં સ્પીકર રહી ચૂક્યા છે. બાલયોગી જ્યારે લોકસભાના સ્પીકર હતા ત્યારે 2002માં હેલિકોપ્ટર દુર્ઘટનામાં મૃત્યુ પામ્યા હતા.

દગ્ગુબાતી પુરંદેશ્વરી 2023થી આંધ્ર પ્રદેશ BJPના અધ્યક્ષ છે. તે તેલુગુ દેશમ પાર્ટી (TDP)ના સ્થાપક NTRની પુત્રી છે. પુરંદેશ્વરી ત્રણ વખત સાંસદ રહી ચૂક્યા છે. પુરંદેશ્વરીએ 2024ની ચૂંટણી માટે આંધ્રમાં TDP અને જનસેના સાથે BJPનું ગઠબંધન કરવામાં મહત્વની ભૂમિકા ભજવી હતી. લોકસભા ચૂંટણીમાં આંધ્રમાંથી NDAના 21 સાંસદો ચૂંટાયા હતા. જેમાંથી 16 TDPના, ત્રણ BJPના અને બે જનસેનાના છે. વિધાનસભા ચૂંટણીમાં પણ NDAએ 175માંથી 164 બેઠકો જીતી હતી.

રાજમુન્દ્રીથી સાંસદ તરીકે ચૂંટાયા પહેલા પુરંદેશ્વરીએ કોંગ્રેસ વતી 2004માં બાપટલા અને 2009માં વિશાખાપટ્ટનમનું પ્રતિનિધિત્વ કર્યું છે. 2014માં જ્યારે આંધ્રનું વિભાજન થયું, ત્યારે તેમણે કોંગ્રેસમાંથી રાજીનામું આપી દીધું અને BJPમાં જોડાઈ ગયા. જ્યારે આંધ્રપ્રદેશમાં BJPને પ્રવેશ કરવો મુશ્કેલ હતો, ત્યારે પુરંદેશ્વરીને જવાબદારી સોંપવામાં આવી હતી. પુરંદેશ્વરીએ પક્ષને આઠ વિધાનસભા બેઠકો (BJPએ 10 લડ્યા) અને ત્રણ લોકસભા બેઠકો (BJPએ છ બેઠકો) પર જીત અપાવી.

દગ્ગુબાતી પુરંદેશ્વરી અસ્ખલિત રીતે બોલે છે, પૂરા અધિકારથી બોલે છે. તેમના પ્રવચનમાં લાગણીનો સ્પર્શ છે. મીડિયા તેમને 'દક્ષિણની સુષ્મા સ્વરાજ' કહે છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.