કોણ છે સંત ઉમેશ નાથ મહારાજ, જેમને રાજ્ય સભાના ઉમેદવાર બનાવીને BJPએ ચોંકાવ્યા

ભારતીય જનતા પાર્ટી (BJP)એ બુધવારે રાજ્યસભાની ચૂંટણી માટે મધ્ય પ્રદેશથી 4 સીટો પર પોતાના ઉમેદવારોના નામોની જાહેરાત કરી છે. આ ઉમેદવારોમાં એક ચોંકાવનારું નામ વાલ્મીકિ ધામ આશ્રમના પ્રમુખ પીઠાધીશ્વર બાળ યોગી સંત ઉમેશનાથજી મહારાજનું છે. ઉજ્જૈનના વાલ્મીકિ ધામ આશ્રમના પ્રમુખ પીઠાધીશ્વર બાળ યોગી સંત ઉમેશ નાથજી મહારાજને ભાજપે રાજ્યસભાના ઉમેદવાર બનાવ્યા છે. હેરાનીની વાત એ છે કે મીડિયાના સવાલ પર બાળ યોગી સંત ઉમેશ નાથજી મહારાજે કહ્યું કે, મને પોતાને તમારા લોકોના માધ્યમથી એ જાણકારી મળી છે.

તેમણે કહ્યું કે, મને પહેલા તેની બાબતે કંઇ ખબર જ નહોતી. હું પોતાના દૈનિક પૂજા પાઠ વગરે કાર્યોથી નિવૃત્ત થયો છું અને તમે બધા લોકો પાસેથી મને પોતાના રાજ્યસભા સાંસદ પદ માટે ઉમેદવાર બનાવવાની જાણકારી મળી છે. જ્યારે પણ મહાકાલ કોઈને કોઈ જવાબદારી સોંપે છે તો તેઓ સ્વયં એ કાર્યને નિભાવે છે. મારા 60 વર્ષ સાધુ અને સંન્યાસી જીવનમાં વીતી ગયા અને હવે મને એ દાયિત્વ મળ્યું છે તો હું સત્ય, નિષ્ઠા, મન, વચન અને કર્મથી તેનું નિર્વહન કરવાનો સંપૂર્ણ પ્રયાસ કરીશ. દેશના બધા સાધુ સંતો પાસેથી આશીર્વાદ મેળવીશ અને આ ક્ષેત્રમાં કાર્યરત લોકો સાથે પરામર્શ લઈને હું તેને સારી રીતે નિભાવીશ.

કોણ છે સંત ઉમેશ નાથજી મહારાજ

બાળ યોગી સંત ઉમેશ નાથજી મહારાજના જીવનની વાત કરવામાં આવે તો તેઓ વાલ્મીકિ સમાજનું પ્રતિનિધિત્વ કરે છે અને તેઓ એ વ્યક્તિ છે જેમની પાસે સંઘ પ્રમુખ મોહન ભાગવતથી લઈને કેન્દ્રીય ગૃહ મંત્રી અમિત શાહ, મુખ્યમંત્રી અને તમામ દિગ્ગજ આશીર્વાદ લેવા પણ જઇ ચૂક્યા છે. એવું પણ સાંભળવા મળ્યું છે કે ગત સિંહસ્થ કુંભમાં કેન્દ્રીય ગૃહ મંત્રી અમિત શાહે સંત ઉમેશ નાથજી મહારાજ સાથે સમરસતા નહાન પણ કર્યું હતું. તેઓ વર્ષ 1964 એટલે કે બાલ્યાવસ્થાથી સાધુ છે. માતા-પિતાએ મહાયોગી શ્રી ગોરક્ષાનાથજીની ધૂની પર જન્મ લીધા બાદ જ પોતાના દીકરાને ત્યાં સોંપી દીધો હતો, ત્યારથી આજ સુધી સંન્યાસી જીવન જીવી રહ્યા છે.

યોગી વર્ષ 1992માં 8 પ્રાંતોના રાજકીય અતિથિ રહી ચૂક્યા છે. મધ્ય પ્રદેશ, રાજસ્થાનમાં સૌથી પહેલા રાજકીય અતિથિનો દરજ્જો મળ્યો છે. 'ગૌરવ ઈન્ડિયા' એવોર્ડથી પણ સન્માનિત કરવામાં આવ્યા છે. સાથે જ તમામ એવોર્ડ મળ્યા છે. કર્મવીર, છત્તીસગઢ એવોર્ડ, હરિયાણા એવોર્ડ, સમાજ ગૌરવ એવોર્ડ, રાજસ્થાન એવોર્ડ, તેની સાથે અવધ યુનિવર્સિટી સમરસતા એવોર્ડથી પણ તેમને સન્માનિત કરવામાં આવ્યા છે. તેઓ દેશ-વિદેશોની યાત્રાઓ પણ કરી ચૂક્યા છે.

પોતાનું જીવન પૂર્ણ રૂપે સાદગી અને સરળ જીવન મધુર ભાષી રહે છે. અવંતિકા પૂરી ઉજ્જૈનમાં વાલ્મીકિ સમાજના ધર્મ ગુરુ પ્રાંત સમરનીય અનંત શ્રી વિભૂષિત સ્વામી સોહન દાસજી મહારાજની સમાધિ સ્થળ પર શ્રી ક્ષેત્ર વાલ્મીકિ ધામનું નિર્માણ કરવામાં આવ્યું છે. સંત ઉમેશ નાથજી મહારાજના આશ્રમમાં ખાસિયત છે કે અહી ગુરુકુળ જેવી વ્યવસ્થા છે. પાશ્ચાત્ય સભ્યતાનું ક્યાંય નામોનિશાન મળતું નથી. આ જગ્યાએ પાવન પવિત્ર અને મર્યાદિત સભ્યતામાં રાખવા માટે સંત ઉમેશ નાથજી મહારાજનો સંપૂર્ણ પ્રયાસ કરે છે. સમાજના દરેક અંગના લોકો પણ તેમના વિનમ્ર આદેશને સ્વીકાર કરીને આશ્રમની વ્યવસ્થામાં સંલગ્ન રહે છે. આ આશ્રમની આભા અને ચર્ચા આખા દેશમાં ફેલાઈ રહી છે.

આ જગ્યાએ મહારાજ પહોંચ્યા બાદ 41 દિવસમાં ભૂમિમાંથી શિવલિંગ પ્રકટ થયું. જેનું નામકરણ સંસ્કાર કરીને કમલેશ્વર વાલ્મિકેશ્વર મહાદેવ રાખવામાં આવ્યું છે. નજીક જ વડનું વૃક્ષ અને ગંગાજી પ્રકટ થયા. આશ્રમ પર લગભગ 5 અખંડ જ્યોત સળગી રહી છે. અખંડ ધૂની, અખંડ ભંડારા, અખંડ સાધુ સંતોની સેવા ચાલી રહી છે. અખંડ આરતી પ્રાર્થના પૂજા નિરંતર ચાલુ રહે છે. તેની સાથે આ જગ્યા પર દેશની ઉચ્ચ કોટિના સંત શિરોમણી સમાજ સેવક, મોટા રાજનેતા પ્રશાસનિક અધિકારી બધા પોતાના સ્તર પર પૂજ્ય સંત ઉમેશ નાથજી મહારાજ પાસેથી આશીર્વાદ મેળવવા તેમજ માર્ગદર્શન લેવા માટે સતત આવતા રહે છે. આ જગ્યા પર પાર્ટીગત રાજનીતિથી ઉપર ઊઠીને બધાનું સન્માન કરવામાં આવે છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.