મુસ્લિમ લૉ હેઠળ કર્યા હતા લગ્ન, હવે બાળકોને લઈને વિદેશ ભાગી રહી હતી મહિલા, HCએ..

એક પિતા જેને બાળકથી દૂર કરવાનું ષડયંત્ર રચવાની ઘટના સામે આવી છે. એક માતા પોતાના બાળકોને લઈને દેશથી જ ભાગવાનો પ્લાન બનાવી રહી હતી, પરંતુ ભલું થાય કોર્ટનું કે પિતા અને બાળકની મુલાકાત થઈ શકે. કોર્ટે પહેલા સમાધાન કરાવવાનો પ્રયાસ કર્યો હતો, પરંતુ હવે તેને ફટકાર લગાવી છે. આ ઘટના મહારાષ્ટ્રની છે. બોમ્બે હાઇ કોર્ટે તેને લઈને પહેલા સમાધાન કરાવવાનો પ્રયાસ કર્યો હતો, પરંતુ વિવાદ વધવા પર મહત્ત્વનો નિર્ણય સંભળાવ્યો.

બોમ્બે હાઇ કોર્ટને એક કેસમાં ખબર પડી કે એક વ્યક્તિની પત્ની તેના 2 મહિનાના બાળકને નકલી દસ્તાવેજના આધાર પર દેશથી ભાગવાની તૈયારી કરી રહી છે. એવામાં કોર્ટે વ્યક્તિને પોતાના બાળક સાથે મળવાની મંજૂરી આપી દીધી. હાઇ કોર્ટના ન્યાયાધીશ એ.એસ. ગડકરી અને ન્યાયધીશ શ્યામ ચાંડકની ખંડપીઠે વ્યક્તિ દ્વારા દાખલ અરજી પર સુનાવણી કરી. આ કપલે મુસ્લિમ પર્સનલ લૉ બોર્ડ મુજબ ભારતમાં લગ્ન કર્યા હતા.

હાઇ કોર્ટે પોતાના આદેશમાં કહ્યું કે, 3 વખત તેણે બાળકના હિતને જોતા દંપતી વચ્ચે વિવાદના સમાધાનનો પ્રયાસ કર્યો. કોર્ટે કપલ વચ્ચે સમાધાન કરાવવાનો ખૂબ પ્રયાસ કર્યો હતો, પરંતુ તેનું કોઈ ખાસ પરિણામ ન નીકળી શક્યું. પીઠે કહ્યું કે, બાળક બધી સુનાવણી દરમિયાન કોર્ટ સમક્ષ ઉપસ્થિત હતું. દંપતી વચ્ચે વિવાદ થવા પર પતિએ મહિલા અને તેની માતા વિરુદ્ધ ફરિયાદ નોંધવી હતી. અંધેરીની મેજિસ્ટ્રેટ કોર્ટે 1 જાન્યુઆરી 2024ના રોજ બંનેને જામીન આપી દીધા હતા.

કોર્ટે પોતાના આદેશમાં કહ્યું કે, જ્યારે તેઓ જામીન પર હતા, તો મહિલા અને તેની માતાએ ઉજ્બેકિસ્તાનની યાત્રા માટે એક કટોકટી યાત્રા હેઠળ દસ્તાવેજમાં હેરફેર કરવાનો પ્રયાસ કર્યો છે. તેના કારણે એ બંને જ વિરુદ્ધ એક FIR નોંધી હતી. જો કે પોલીસ રિપોર્ટ અત્યાર સુધી દાખલ કરવામાં આવ્યો નથી. વ્યક્તિના વકીલ જિતેન્દ્ર તિવારીએ કહ્યું કે, તે બાળકની કસ્ટડી કે મુલાકાતના અધિકારની માગ માટે મુંબઇમાં ફેમિલી કોર્ટ સમક્ષ કાર્યવાહી શરૂ કરીશું. ત્યાં સુધી તેમણે સગીર માટે મુલાકાતના અધિકારનો અનુરોધ કર્યો છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.