'ઓફિસમાં ઓવરટાઇમ કરવાથી કંઈ થતું નથી...', સ્વિગીના CEOએ કેમ આવું કહ્યું?
ફૂડ એન્ડ માર્કેટપ્લેસ, સ્વિગીના CEO રોહિત કપૂરે તાજેતરમાં હસ્ટલ કલ્ચર પર ખુલ્લેઆમ તેમના મંતવ્યો શેર કર્યા. તેમનું એક નિવેદન સોશિયલ મીડિયા પર વાયરલ થઈ રહ્યું છે. રોહિત કપૂરે સ્પષ્ટ શબ્દોમાં કહ્યું કે, મોડી રાત સુધી કામ કરવું સ્વાસ્થ્ય અને અંગત જીવન માટે હાનિકારક છે. તેમના નિવેદનના વીડિયોને સોશિયલ મીડિયા પર 32,000થી વધુ લાઈક્સ મળી ચુકી છે અને લોકો તેના પર કોમેન્ટ પણ કરી રહ્યા છે.
સોશિયલ મીડિયા પર હસ્ટલ કલ્ચરની ચર્ચા ચાલી રહી છે. ખાસ કરીને અર્ન્સ્ટ એન્ડ યંગ (EY)ના 26 વર્ષીય ચાર્ટર્ડ એકાઉન્ટન્ટ અન્ના સેબેસ્ટિયનના મૃત્યુ પછી. હસ્ટલ સંસ્કૃતિ એવી ઉત્પાદકતાને પ્રતિબિંબિત કરે છે, જેમાં વ્યક્તિ સફળતા અને ઉત્પાદકતાની શોધમાં સતત કામમાં ડૂબી જાય છે.
ફૂડ એન્ડ માર્કેટપ્લેસ, સ્વિગીના CEO રોહિત કપૂરે તાજેતરમાં હસ્ટલ કલ્ચર પર ખુલ્લેઆમ તેમના મંતવ્યો શેર કર્યા. તેમનું નિવેદન સોશિયલ મીડિયા પર વાયરલ થઈ રહ્યું છે. કપૂરે સ્પષ્ટ શબ્દોમાં કહ્યું કે, મોડી રાત સુધી કામ કરવું સ્વાસ્થ્ય અને અંગત જીવન માટે હાનિકારક છે. તેમના નિવેદનના વીડિયોને સોશિયલ મીડિયા પર 32,000થી વધુ લાઈક્સ મળી ચુકી છે અને લોકો તેના પર કોમેન્ટ પણ કરી રહ્યા છે.
ટેકસ્પાર્કસ ઈવેન્ટમાં વાતચીત દરમિયાન કપૂરે કહ્યું કે, કેટલાક દિવસો મોડું કામ કરવું જરૂરી હોઈ શકે છે, પરંતુ દરરોજ આવું કરવું યોગ્ય નથી. તેણે રમૂજી રીતે કહ્યું, જે લોકો રાત્રે 3 વાગ્યા સુધી કામ કરવાની વાત કરે છે, તેઓ બીજા દિવસે બપોરે 1 વાગે ઓફિસ આવે છે તેવું કહેતા નથી. તેમનું માનવું છે કે, આ પ્રકારનું કલ્ચર ન માત્ર કામના વાતાવરણને બગાડે છે, પરંતુ તેની અસર લોકોના અંગત જીવન પર પણ પડે છે.
કપૂરનું આ નિવેદન ત્યારે સામે આવ્યું છે, જ્યારે ઘણા મોટા ઉદ્યોગપતિઓ અને નેતાઓએ હસ્ટલ કલ્ચરને પ્રોત્સાહન આપવાની વાત કરી હતી. થોડા સમય પહેલા નારાયણ મૂર્તિએ પણ યુવાનોને અઠવાડિયામાં 70 કલાક કામ કરવાની સલાહ આપી હતી, જેને લઈને ઘણો વિવાદ થયો હતો.
ઘણા યુઝર્સ કપૂર સાથે સહમત હતા. એકે કહ્યું, આખરે કોઈએ સામાન્ય લોકોની જેમ વાત કરી. અન્ય એક યુઝરે લખ્યું, વધુમાં વધુ લોકોએ આ વિશે વાત કરવી જોઈએ, નહીં તો લોકો હસ્ટલ કલ્ચર પર ફક્ત ચર્ચાઓ જ કરતા રહેશે.
કપૂરે અંતમાં એમ પણ કહ્યું હતું કે, સખત મહેનત મહત્વપૂર્ણ છે, પરંતુ એટલી નહીં કે, તેના માટે તમારે તમારા જીવનની કિંમત ચૂકવવી પડે. તેમણે સલાહ આપી કે, લોકોએ તેમના પરિવાર અને નજીકના લોકો સાથે સમય પસાર કરવો જોઈએ, જેથી કરીને જીવનમાં સંતુલન બની રહે.
નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.
તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.
ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp
