ઝકરબર્ગની પત્ની અનંતની ઘડિયાળ જોઈને સ્તબ્ધ થઈ ગઈ! કિંમત જાણી ચોકી જશો

દેશમાં ઘણા લોકો ઘડિયાળના ખૂબ શોખીન છે. દરેક વ્યક્તિને પોતાના બજેટ પ્રમાણે ઘડિયાળ ખરીદવી ગમે છે, પરંતુ શું તમે જાણો છો કે, દેશના સૌથી ધનિક વ્યક્તિ મુકેશ અંબાણીના પુત્ર અનંત અંબાણીને પણ ઘડિયાળનો ઘણો શોખ છે. તાજેતરમાં જ અનંત અંબાણી વિશ્વની સૌથી દુર્લભ અને સૌથી મોંઘી ઘડિયાળ પહેરેલા જોવા મળ્યા હતા. તેની કિંમત સાંભળીને દરેકને આશ્ચર્ય થયું.

ગુજરાતના જામનગરમાં અનંત અંબાણી અને રાધિકા મર્ચન્ટની પ્રી-વેડિંગ સેરેમની સતત ચર્ચામાં છે. દેશ અને દુનિયામાંથી ત્યાં આવનારા મહેમાનોને કારણે દુનિયાભરના મીડિયાનું ધ્યાન અહીં છે. આ ત્રણ દિવસીય પ્રી-વેડિંગ સેરેમનીનો છેલ્લો દિવસ રવિવારે (3 માર્ચ, 2024) હતો અને બિલ ગેટ્સ, ઇવાન્કા ટ્રમ્પ, લક્ષ્મી મિત્તલ, ગૂગલના CEO સુંદર પિચાઇ જેવા દિગ્ગજ લોકોએ આ કાર્યક્રમમાં હાજરી આપી હતી.

દરમિયાન, સમારંભનો એક વીડિયો સોશિયલ મીડિયા પર વાયરલ થયો હતો, જેમાં અનંત અંબાણી, આકાશ અંબાણી અને ફેસબુકના માલિક માર્ક ઝકરબર્ગ તેમની પત્ની સાથે ઉભા જોવા મળ્યા હતા. માર્ક અને તેની પત્ની પ્રિસલા અનંત અંબાણી સાથે વાત કરતા જોવા મળ્યા હતા. અનંત સાથે વાત કરતી વખતે અચાનક ઝકરબર્ગની પત્નીની નજર અનંત અંબાણીની ઘડિયાળ પર પડી અને તે જોઈને તે આશ્ચર્યચકિત થઈ ગઈ. તે અનંતને તે ઘડિયાળ વિશે ઘણું બધું પૂછતી પણ જોવા મળી હતી. આવો, જાણીએ એ ઘડિયાળમાં એવું તે શું છે, જેને જોઈને પ્રિસલા દંગ રહી ગઈ.

Mark Zuckerberg & his wife Priscilla was surprised to see Anant Ambani's watch. Anant was seen carrying beautiful audemars piguet royal oak open worked skeleton worth INR 14 crore. 🤑#AnantRadhikaWedding | #AnantAmbani pic.twitter.com/DEql5XFWUA

— Radhika Chaudhary (@Radhika8057) March 3, 2024

અનંત અંબાણીની જે ઘડિયાળ જોઈને પ્રિસલાને આશ્ચર્ય થયું તે 'પાટેક ફિલિપ'ની 'ગ્રાન્ડમાસ્ટર ચાઈમ' ઘડિયાળ છે. આ કાંડા ઘડિયાળની કિંમત 14 થી 18 કરોડ રૂપિયા છે. આ પહેલીવાર નથી જ્યારે અનંત અંબાણીએ આટલી મોંઘી ઘડિયાળ પહેરી હોય. અગાઉ, જ્યારે તેણે એપ્રિલ મહિનામાં નીતા મુકેશ અંબાણી કલ્ચરલ સેન્ટર (NMACC)ના પ્રથમ દિવસે પ્રવેશ કર્યો હતો, ત્યારે પણ તેની ઘડિયાળ મીડિયામાં હેડલાઇન્સ બની હતી. ત્યારે અનંત અંબાણીએ પાટેક ફિલિપની કાંડા ઘડિયાળ પહેરી હતી. તેની કિંમત 18 કરોડ રૂપિયા હોવાનું કહેવાય છે. એવું કહેવાય છે કે આ ઘડિયાળને બનાવવામાં 100,000 કલાકનો સમય લાગ્યો હતો. ઈન્ડિયન હોરોલોજીના ઈન્સ્ટાગ્રામ પેજ મુજબ, આ કાંડા ઘડિયાળમાં રિવર્સિબલ કેસ, ઈન્ડિપેન્ડન્ટ ડાયલ અને છ પેટન્ટેડ ઈનોવેશન જેવી ઘણી સુવિધાઓ છે. રિપોર્ટ અનુસાર, આ સ્પેશિયલ એડિશન ઘડિયાળ કિંમતી હીરા અને નીલમણિથી જડેલી છે.

અનંત અંબાણીના આ ઘડિયાળને લઈને પ્રિસલા ચોંકી જાય છે અને પછી તેની સાથે જોડાયેલી માહિતી માંગે છે, તેનો આ વીડિયો સોશિયલ મીડિયા પર વાયરલ થઈ રહ્યો છે. આ વીડિયો જોઈને યુઝર્સ ઘણા મીમ્સ પણ બનાવી રહ્યા છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.