ગુજરાત પર 3 સિસ્ટમ સક્રિય છે, જાણો આગામી દિવસે કેવો પડશે વરસાદ

ગુજરાતના હવામાન વિભાગે કહ્યું છે કે 3 સિસ્ટમ સક્રીય થવાને કારણે રાજ્યમાં 29 ઓગસ્ટ સુધી મુશળધાર વરસાદ પડશે. લોકોને એ જાણવામાં રસ છે કે સોમવારે જન્માષ્ટમીના દિવસે વરસાદ કેવો રહેશે?

ઓફશોર ટ્રફ મહારાષ્ટ્રથી કેરળ તરફ હતુ તે આગળ વધીને દક્ષિણ ગુજરાત તરફ સક્રીય થયું છે, બિકાનેર પર મોનસુન સક્રીય હતું તે ગુજરાત તરફ આગળ વધીને જેસલમેર પર સક્રીય થયું છે અને બંગાળની ખાડી પર સર્જાયેલું લો –પ્રેસર ઉત્તર-પૂર્વ મધ્ય પ્રદેશ ઉપર સક્રીય થયું છે જે 26-27 તારીખે ગુજરાત પર સક્રીય થશે.

26 ઓગસ્ટ જન્માષ્ટમીના દિવસે અમરેલી, ભાવનગર, ભરુચ, વડોદરામાં રેડ એલર્ટ જારી કરવામાં આવ્યું છે. મતલબ કે અત્યંત ભારે વરસાદ પડશે.જ્યારે ગીર સોમનાથ, દિવ, જુનાગઢ, રાજકોટ, મોરબી, સુરેન્દ્રનગર, બોટાદ, અમદાવાદ, ગાંધીનગર, આણંદ, ખેડા, અરવલ્લી, મહીસાગર, દાહોદ,પંચમહાલ, છોટા ઉદેપુર, સુરત, નર્મદા,નવસારી, દમણ, દાદરાનગર હવેલીમાં ઓરેંજ એલર્ટ છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.