જો ટ્રેન લેટ થઇ તો ચિંતા કરશો નહીં, તમને ટિકિટની પુરી રકમ મળી જશે! જાણો નિયમો

ટ્રેનો મોડી પડવી કે રદ થવી એ સામાન્ય બાબત છે. ઘણી વખત ઠંડી કે અતિશય વરસાદને કારણે ટ્રેન મોડી પડે છે. પરંતુ શું તમે જાણો છો કે ટ્રેન મોડી થવા પર તમને ટિકિટની સંપૂર્ણ રકમ પરત મળી શકે છે. આજે અમે તમને રેલવેના આ નિયમ વિશે જણાવવા જઈ રહ્યા છીએ. રેલ્વે દ્વારા મુસાફરી કરતા ઘણા મુસાફરોને આ નિયમોની જાણ હોતી નથી. જેના કારણે તેઓ તેમના અધિકારોથી વંચિત રહી જાય છે.

જો કે રેલ્વેએ ટ્રેનોને સમયસર દોડાવવા માટે ઘણા સુધારા કર્યા છે, પરંતુ હજુ પણ ઘણી ટ્રેનો સમયસર દોડતી નથી, જેના કારણે મુસાફરોને વિવિધ પ્રકારની સમસ્યાઓનો સામનો કરવો પડે છે. જો તમે વારંવાર ટ્રેનમાં મુસાફરી કરો છો તો તમારા માટે આ જાણવું ખૂબ જ જરૂરી છે.

ઘણા મુસાફરો જ્યારે તેમની ટ્રેન મોડી પડે છે ત્યારે નિરાશ થઈ જાય છે અને વિચારે છે કે, આવી મોડી ટ્રેનમાં ચઢવાથી કોઈ ફાયદો નથી, તેથી ચિંતા કરવાની જરૂર નથી. જો તમારી ટ્રેન મોડી હોય તો તમને રિફંડની રકમ મળી શકે છે. હા, ભારતીય રેલ્વેના ઘણા નિયમો અને કાયદાઓ છે, જેના વિશે લોકો જાણતા નથી. ચાલો આજે તમને ટ્રેન મોડી થવાના કિસ્સામાં આપવામાં આવતા રિફંડ વિશે જણાવીએ. હકીકતમાં, ભારતીય રેલ્વે ટ્રેનના લોકો પાઇલટ સુરેન્દ્ર નિષાદે ઇન્સ્ટાગ્રામ પર પોતાનું એક પેજ બનાવ્યું છે, જેમાં તે મુસાફરોને મહત્વપૂર્ણ માહિતી આપતા રહે છે.

સુરેન્દ્રએ પોતાના ઈન્સ્ટાગ્રામ એકાઉન્ટ પર એક નવો વીડિયો અપલોડ કર્યો છે, જેમાં તેણે માહિતી આપી છે કે, જો તમારી ટ્રેન ત્રણ કલાકથી વધુ મોડી થાય છે તો તમને રિફંડની રકમ મળી શકે છે. વિડિયોમાં તેણે કહ્યું, 'જો તમારી ટ્રેન 3 કલાકથી વધુ મોડી થાય છે, તો રેલવે તમને પુરા પૈસા પરત કરશે. પૈસા પાછા મેળવવા માટે, તમારે TDR ફાઇલ કરવી પડશે. TDR ઑનલાઇન અને ઑફલાઇન બંને રીતે ફાઇલ કરી શકાય છે. TDR ફાઇલ કરવા માટે મુસાફરી કરતા પહેલા સાચી માહિતી હોવી જરૂરી છે, જેમ કે, જો તમારી ટ્રેન 3 કલાકથી વધુ મોડી હોય અને હવે તમે ટ્રેનમાં મુસાફરી કરવા માંગતા નથી, તો તમારે કેટલાક સ્ટેપ્સ ફોલો કરવા પડશે.

સ્ટેપ્સ-1: IRCTC એપ્લિકેશન પર જાઓ અને ફાઇલ TDR પર ક્લિક કરો.

સ્ટેપ્સ-2: પછી જે ટ્રેન મોડી થઈ રહી છે તેને પસંદ કરો.

સ્ટેપ્સ-3: તમે TDR શા માટે ફાઇલ કરી રહ્યાં છો? તમારે તેમાં આનું કારણ લખવાનું રહેશે.

સ્ટેપ્સ-4: રેલવે તમારી વિગતો તપાસશે અને જો વેરિફિકેશન સાચુ હશે તો તમને ટ્રેન ટિકિટની રકમ પરત કરવામાં આવશે.

આ પ્રક્રિયાને અનુસરવા માટે, તમારે IRCT એપ્લિકેશન ડાઉનલોડ કરવી પડશે, અથવા તમે વેબસાઇટ પર જઈ શકો છો અને આ સ્ટેપ્સ ફોલો કરી શકો છો.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.