26th January selfie contest

જાણો ઇતિહાસમાં 17 એપ્રિલનું મહત્ત્વ...

PC: indiatimes.in

આજના દિવસે વર્ષ 1975મા ભારતના બીજા રાષ્ટ્રપતિ ડૉ. સર્વપલ્લી રાધાકૃષ્ણનનું મૃત્યુ થયું હતું. તેમને ભારતના સૌથી મોટા ફિલોસોફર ગણવામાં આવે છે. ડૉ. સર્વપલ્લી રાધાકૃષ્ણનનું માનવું હતું કે દેશમાં સૌથી સારી બુદ્ધિ ધરાવતા વ્યક્તિએ શિક્ષક બનવું જોઈએ. જો તેમની આ વાત પર અમલ થયો હોત તો આજે આપણો દેશ વિકસીત દેશોના નામની લિસ્ટમાં સ્થાન પામ્યો હોત.

Loading...

 

આજના દિવસે વર્ષ 1790મા વૈજ્ઞાનીક, લેખક અને રાજનેતા બેન્જમીન ફ્રેન્કલીનનું મૃત્યુ થયું હતું. બેન્જમીન ફ્રેન્કલીને એ સાબિત કર્યું હતું કે મેઘ વિદ્યુત એટલે કે લાઈટનિંગ એ એક પ્રકારની વીજળી જ હોય છે. તેમણે વાવાઝોડા દરમિયાન પતંગ ચગાવીને આ પ્રયોગ કર્યો હતો. આ પ્રયોગને પતંગ પ્રયોગ તરીકે ઓળખાય છે. જેવી રીતે ભારતીય કરન્સી પર ગાંધીજીનો ફોટો હોય છે તેવી રીતે અમેરિકન ડોલર પર બેન્જમીન ફ્રેન્કલીનનો ફોટો હોય છે.

 

આજે વર્લ્ડ હેમોફીલિયા ડે છે. હેમોફીલિયા બીમારી મોટાભાગે જન્મજાત હોય છે અને ઘણી વાર આ બીમારી એક જ પરિવારમાં ઘણા લોકોને હોય છે. દુનિયામાં 69 લાખથી વધુ લોકો આ બીમારીથી પીડાય છે. આ બીમારીમાં દર્દીનો ઘા રુઝાતો નથી અને જ્યારે ઓપ્રેશન કરવામાં આવે ત્યારે લોહી વહેતું અટકતું નથી. આ બીમારીથી પીડાતા લોકોમાંથી 75% લોકોને આ બીમારી વિષે સંપૂર્ણ માહિતી નથી.

 

વર્ષ 2014મા કોલંબિયાના પ્રખ્યાત લેખક અને શોર્ટ સ્ટોરી લખનાર ગેબ્રિયલ ગાર્સિયા માર્કેઝનું મૃત્યુ થયું હતું. તેમણે જ મેજિક રીયાલીઝમની શરૂઆત કરી હતી, જેમાં વાસ્તવિક સ્ટોરીને કાલ્પનિક રીતે પ્રસ્તુત કરવામાં આવી હતી.

દેશ અને દુનિયાના સમાચારથી માહિતગાર થવા તેમજ દરેક અપડેટ સમયસર મેળવવા ડાઉનલોડ કરો Khabarchhe.com એપ અને ફોલો કરો Khabarchhe.com ને સોશિયલ મીડિયા પર.

Loading...