સાહેબ, મારી મરઘી ચોરાઈ ગઈ.., પોલીસે ફરિયાદ ન નોંધી ત્યારે મોટા સાહેબે કામ કર્યું

સુરગુજા જિલ્લાના રઘુનાથપુર ચોકી વિસ્તારમાં એક અનોખી ઘટના સામે આવી છે. જ્યાં એક વ્યક્તિ પોતાની મન્નત માટે રાખેલી મરઘીઓની ચોરીની ફરિયાદ નોંધાવવા પોલીસ સ્ટેશન ગયો હતો, પરંતુ તેની ફરિયાદ નોંધાઈ ન હતી. ન્યાય મેળવવા માટે તેણે SP ઓફિસનો દરવાજો ખટખટાવવો પડ્યો હતો. મળતી માહિતી મુજબ, રઘુનાથપુર ચોકી વિસ્તારના લામગાંવનો રહેવાસી ફહીમુદ્દીન છેલ્લા ચાર-પાંચ વર્ષથી એક મન્નત હેઠળ મરઘી પાળે છે. તેણે જણાવ્યું કે, તેના પાડોશી તાજ અહેમદનો તેની સાથે જમીન વિવાદ ચાલી રહ્યો છે. આરોપ છે કે આ વિવાદને કારણે તાજ અહેમદે તેમના ઘરમાં ઘુસીને તોડફોડ કરી અને મન્નતની મરઘીઓ ચોરી લીધી.

પીડિતે આ ઘટના અંગે રઘુનાથપુર પોલીસ સ્ટેશનમાં ફરિયાદ નોંધાવી હતી, પરંતુ પોલીસે તેની ફરિયાદ નોંધવાનો ઇનકાર કર્યો હતો. આનાથી દુઃખી થયેલા ફહિમુદ્દીને સુરગુજા SP ઓફિસમાં ફરિયાદ નોંધાવી હતી. SP ઓફિસમાં પીડિતની ફરિયાદ સાંભળ્યા પછી અધિક પોલીસ અધિક્ષકે મામલાની તપાસ કરીને કાર્યવાહી કરવાની ખાતરી આપી છે.

ફહીમુદ્દીને જણાવ્યું કે, તે ઘણા વર્ષોથી મરઘીઓ પાળે છે. આ મન્નત પૂર્ણ કરવા માટે તેણે મરઘી પાળવાનું શરૂ કર્યું. પરંતુ તેના પાડોશી તાજ અહેમદ સાથે જમીનનો વિવાદ ચાલી રહ્યો હતો. ફહીમુદ્દીનનો આરોપ છે કે, આ વિવાદને કારણે તાજ અહેમદે તેના ઘરમાં ઘૂસીને તોડફોડ કરી અને મન્નતની મરઘીઓ ચોરી લીધી.

પોલીસે પીડિતની ફરિયાદ કેમ નોંધી નથી તે હાલ સ્પષ્ટ નથી. અધિક પોલીસ અધિક્ષકે આ મામલે તપાસ કરીને કાર્યવાહી કરવાની ખાતરી આપી છે. પોલીસ હવે આ મામલે તપાસ કરશે અને દોષિતો સામે કાર્યવાહી કરશે. આ ઘટના પછી લોકોમાં રોષ જોવા મળી રહ્યો છે. પોલીસ પીડિત સાથે અન્યાય કરી રહી હોવાનો લોકો આક્ષેપ કરી રહ્યા છે. લોકોનું કહેવું છે કે પોલીસે દરેક ફરિયાદને ગંભીરતાથી લેવી જોઈએ અને પીડિતને ન્યાય અપાવવો જોઈએ.

અધિક પોલીસ અધિક્ષક અમોલક સિંહ ધિલ્લોને જણાવ્યું હતું કે, 'ફરિયાદી ફહીમુદ્દીન અને પાડોશી તાજ અહેમદનો જમીન વિવાદ અંગે સિવિલ કોર્ટમાં કેસ ચાલી રહ્યો છે. ફરિયાદીએ જણાવ્યું હતું કે, દુશ્મનાવટના કારણે તેણે ફરિયાદીએ બનાવેલી કામચલાઉ છત તોડી નાખી હતી અને ચોરી કરી હતી. મરઘી ચોરીની ફરિયાદને આધારે પોલીસ તપાસ કરશે અને આગળની કાર્યવાહી કરશે.'

અહીં તમને બતાવી દઈએ કે, જિલ્લાના આ જ પોલીસ સ્ટેશન વિસ્તારમાં આવો જ એક અજીબોગરીબ કિસ્સો સામે આવ્યો હતો, જ્યારે રઘુનાથપુરના એક વ્યક્તિની વહાલી બકરીને કેટલાક લોકો ચોરી ગયા હતા, પરંતુ બકરીને શોધવા પોલીસ ટીમ નીકળી હતી, ત્યાં સુધીમાં દુર્ગના મટન માર્કેટમાં તેને કતલ કરવામાં આવી હતી, ત્યાર પછી પોલીસે આરોપીની ધરપકડ કરી કાર્યવાહી હાથ ધરી છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.