કોર્ટે પતિની એન્ટ્રી પર લગાવી રોક તો ચૈતરની બંને પત્નીઓએ સંભાળ્યો પ્રચારનો મોરચો

ભરૂચ લોકસભા સીટ પર ચૂંટણીમાં મુકાબલો ખૂબ રસપ્રદ માનવામાં આવી રહ્યો છે. આમ આદમી પાર્ટી (AAP)એ અહીથી ચૈતર વસાવાને ઉમેદવાર બનાવ્યા છે અને કોંગ્રેસે પોતાનું સમર્થન આપ્યું છે. ચૈતર વસાવા માટે એક તરફ મુશ્કેલી એ છે કે કોર્ટના આદેશના કારણે તેઓ લોકસભાના કેટલાક વિસ્તારોમાં પ્રચાર માટે નહીં જઇ શકે, તો બીજી તરફ તેમના માટે સારું પહેલું એ છે કે તેની બંને પત્નીઓ તેના માટે ચૂંટણી પ્રચાર કરી રહી છે. ચૈતર વસાવા સામે 6 વખતના સાંસદ મનસુખ વસાવા મેદાનમાં છે.

ભરૂચ એ 2 સીટોમાંથી એક છે જેને કોંગ્રેસે ગુજરાતમાં INDIA ગઠબંધન હેઠળ આમ આદમી પાર્ટી માટે છોડી દીધી છે. ભરૂચ લોકસભા સીટની ચૂંટણી એટલે પણ રસપ્રદ છે કે અહી છોટુ વસાવાના પુત્ર દિલીપ વસાવા ભારતીય આદિવાસી પાર્ટી (BAP) તરફથી ચૂંટણી લડી રહ્યા છે. તો ઓલ ઈન્ડિયા મજલિસ એ ઇત્તેહાદુલ મુસ્લિમીન (AIMIM)એ પણ અહીથી ઉમેદવાર ઉતારવાની વાત કહી છે. દિલીપ વસાવાની એન્ટ્રીથી ચૈતર વસાવાને નુકસાન થવાની સંભાવના છે. જો કે, તેમની પત્નીઓ શકુંતલા વસાવા અને વર્ષ વસાવા ચૂંટણી પ્રચારમાં પૂરો જોર લગાવી રહી છે.

ગુજરાતમાં મોટા ભાગના આદિવાસી સમુદાયોમાં બહુવિવાહ એક સ્વીકૃત સામાજિક પ્રથા છે અને અનુસૂચિત જનજાતિઓને હિન્દુ મેરેજ એક્ટના પ્રાવધાનોમાંથી છૂટ આપવામાં આવી છે. ચૈતર વસાવા અને શકુંતલાના લગ્ન 15 વર્ષ અગાઉ થયા હતા, જ્યારે વર્ષ સાથે તેના લગ્ન 13 વર્ષ અગાઉ થયા હતા. આ બધા પોત પોતાના બાળકો સાથે એક સાથે રહે છે. ચૈતર વસાવા માટે તેમની બંને પત્નીઓ ચૂંટણી પ્રચાર કરી રહી છે. વર્ષાએ જાન્યુઆરીમાં નેત્રંગ તાલુકામાં એક રેલીમાં ચૈતર તરફથી મોરચો સંભાળ્યો હતો, જેમાં આમ આદમી પાર્ટીના સંયોજક અરવિંદ કેજરીવાલ તેમજ પંજાબના મુખ્યમંત્રી ભગવંત માન પણ હાજર રહ્યા હતા.

ચૈતર વસાવા એ સમયે વન અધિકારીઓ પર હુમલો કરવાના એક કથિત કેસમાં ન્યાયિક કસ્ટડીમાં હતા. તેમની પત્ની વર્ષાએ રેલીમાં ચૈતર વસાવાનો સંદેશ પણ વાંચ્યો હતો. ચૈતર વસાવાને જામીન તો મળ્યા, પરંતુ કોર્ટે આદેશ આપ્યો કે, તેઓ પોતાના ગૃહ જિલ્લા નર્મદામાં પ્રવેશ નહીં કરી શકે છે. આ જિલ્લો ભરૂચ લોકસભા સીટ અંતર્ગત આવે છે એટલે જ્યારે ચૈતર ભરૂચના બાકી હિસ્સામાં પ્રચાર કરી રહ્યા છે તો શકુંતલા અને વર્ષા ઘરે ઘર જઈને નર્મદામાં તેમના માટે વોટ માગી રહી છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.