‘કેજરીવાલ રાત્રે સપનામાં આવ્યા..’,BJP છોડીને AAPમા ઘર વાપસી પર બોલ્યા કોર્પોરેટર

ગત દિવસોમાં આમ આદમી પાર્ટી (AAP) છોડીને ભાજપમાં સામેલ થનાર દિલ્હીના 5 કાઉન્સિલરમાંથી એક કાઉન્સિલર રામચંદ્રએ ગુરુવારે AAPમાં વાપસી કરી લીધી. તેમણે કહ્યું કે, આ નિર્ણય એક ભૂલ હતી અને તેઓ તેને સુધારવા માગે છે. રામચંદ્ર બોર્ડ નંબર 28થી કાઉન્સિલર છે. રામચંદ્ર બવાના વિધાનસભ્યથી ધારાસભ્ય પણ રહી ચૂક્યા છે. AAPએ નિવેદન જાહેર કરીને કહ્યું કે, 3 દિવસ અગાઉ AAP કાઉન્સિલર છેતરીને પોતાની પાર્ટીમાં સામેલ કરનારી ભાજપને ગુરુવારે જોરદાર ઝટકો લાગ્યો છે.

ભાજપની ઉશ્કેરણીમાં આવીને AAP છોડીને ગયેલા વોર્ડ નંબર 28ના કાઉન્સિલર રામચંદ્ર હવે ફરી પોતાના પરિવારમાં આવતા રહ્યા છે. AAPના કાઉન્સિલર રામચંદ્રએ પાર્ટી નેતાઓને જણાવ્યું કે, તેમને પોતાની ભૂલનો અનુભવ થયો અને વરિષ્ઠ નેતાઓને મળીને પોતાના પરિવારમાં વાપસીની ઈચ્છા વ્યક્ત કરી. રામચંદ્રએ જણાવ્યું કે, ભાજપમાં સામેલ થવું તેમનું મોટી ભૂલ હતી, પરંતુ હવે તેઓ પોતાના પરિવારમાં ફરીને પોતાની આ ભૂલને સુધારાવ માગે છે. ત્યારબાદ પાર્ટીના વરિષ્ઠ નેતાઓએ પૂરા સન્માન સાથે તેમની ઘર વાપસી કરાવી દીધી.

AAPના ફરી વાપસી કરીને કાઉન્સિલર રામચંદ્રએ કહ્યું કે, હું AAPનો એક નાનકડો સૈનિક છું. મેં ખોટો નિર્ણય લઈ લીધો હતો, પરંતુ હવે હું ફરી પોતાના પરિવારમાં આવી ગયો છું. હું AAPના બધા કાર્યકર્તાઓનું સ્વાગત કરું છું. આજે રાત્રે મારા મુખ્યમંત્રી અરવિંદ કેજરીવાલ સપનામાં આવ્યા અને તેમણે ફટકાર લગાવી કે રામચંદ્ર ઉઠો અને જઈને મનીષ સિસોદિયા, ગોપાલ રાય, ડૉ. સંદીપ પાઠક સહિત બધા નેતાઓને મળો. સાથે જ ક્ષેત્રમાં જઈને પોતાના કાર્યકર્તાઓને મળો અને જનતા માટે કામ કરો. મને ફરી પોતાના પરિવારમાં સામેલ કરવા માટે તમારા બધાનો આભાર.

તેમણે વધુમાં કહ્યું કે, આજે હું શપથ લઈને જઇ રહ્યો છું અને હવે હું પોતાના મુખ્યમંત્રી અને AAPથી ક્યારેય દૂર નહીં રહું. કેટલાક લોકોએ મને ઉશ્કેર્યો હતો, પરંતુ હવે ક્યારેય ભવિષ્યમાં ઉશ્કેરાઈને નહીં જાઉ. આ સંબંધમાં મનીષ સીસોદિયાએ X (અગાઉ ટ્વીટર) પર એક પોસ્ટમાં કહ્યું કે, આમ આદમી પાર્ટીના જૂના સાથી, બવાના વિધાનસભાના પૂર્વ ધારાસભ્ય અને વર્તમાન કાઉન્સિલર રામચંદ્ર સાથે મુલાકાત થઈ અને આજે તેઓ પોતાના આમ આદમી પાર્ટી પરિવારમાં પરત ફર્યા છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.