PM નરેન્દ્ર મોદીના વખાણ કરવાનું ચિદમ્બરમને ભારે પડ્યું, કોંગ્રેસ જવાબ માંગ્યો

વડા પ્રધાન નરેન્દ્ર મોદીની પ્રશંસા કરવી કાર્તિ ચિદમ્બરમને ભારે પડી ગઇ છે. કારણ કે હવે કોંગ્રેસે તેમને નોટિસ મોકલી છે અને 10 દિવસમાં તેમનો જવાબ દાખલ કરવા જણાવ્યું છે. કાર્તિ ચિદમ્બરમ પી. ચિદમ્બરમના પુત્ર છે, જે અગાઉની યુપીએ સરકારમાં કેન્દ્રીય મંત્રી હતા. જો કે બીજી તરફ હિમાચલ કોંગ્રેસના પ્રમુખ પ્રતિભા સિંહે પણ PMના વખાણ કર્યા હતા, પરંતુ તેમને કોઇ નોટિસ મોકલવામાં આવી હોવાનું જાણવા મળ્યું નથી.

પ્રધાનમંત્રી નરેન્દ્ર મોદીને રાહુલ ગાંધી કરતાં વધુ લોકપ્રિય કહેવા બદલ તમિલનાડુ કોંગ્રેસ શિસ્ત સમિતિના વડા કેઆર દ્વારા કાર્તિ ચિદમ્બરમની નિંદા કરવામાં આવી હતી. રામાસ્વામીએ કારણ બતાવો નોટિસ મોકલીને 10 દિવસમાં જવાબ આપવા જણાવ્યું છે.

કોંગ્રેસ નેતા કાર્તિ ચિદમ્બરમે એક ઈન્ટરવ્યુ દરમિયાન કહ્યું હતું કે વડાપ્રધાન નરેન્દ્ર મોદી રાહુલ ગાંધી કરતા વધુ લોકપ્રિય છે. આ નિવેદન ચિદમ્બરમ માટે સમસ્યા બની ગયું છે. તમિલનાડુ કોંગ્રેસ શિસ્ત સમિતિના વડા કે.આર. દ્વારા કાર્તિ ચિદમ્બરમની ટીકા કરવામાં આવી હતી કે પીએમ મોદી રાહુલ ગાંધી કરતાં વધુ લોકપ્રિય છે.

ઈન્ટરવ્યુમાં કાર્તિ ચિદમ્બરમે ઈલેક્ટ્રોનિક વોટિંગ મશીન (EVM) પર પણ વિશ્વાસ વ્યક્ત કર્યો હતો. આ એક એવો મુદ્દો છે જેના પર કોંગ્રેસનો ચૂંટણી પંચ સાથે વિવાદ ચાલી રહ્યો છે.કોંગ્રેસ EVMના ઉપયોગનો સક્રિયપણે વિરોધ કરી રહી છે, તેમની વિશ્વસનીયતા અંગે ચિંતા દર્શાવીને. પાર્ટીના વરિષ્ઠ નેતા જયરામ રમેશે તાજેતરમાં ફરી ચૂંટણી પંચને પત્ર લખીને આ મુદ્દો ઉઠાવ્યો છે.

જો કે કોંગ્રેસ નેતા કાર્તિ ચિદમ્બરમે પ્રધાનમંત્રી નરેન્દ્ર મોદીના વખાણ પહેલીવાર કર્યા નથી. આ પહેલા વર્ષ 2015માં પણ કાર્તિ ચિદમ્બરમે પ્રધાનમંત્રી મોદીની પ્રસંશા કરી હતી.

તો બીજી તરફ હિમાચલ કોંગ્રેસ અધ્યક્ષ પ્રતિભા સિંહે વડાપ્રધાન નરેન્દ્ર મોદીના વખાણ કર્યા છે. પ્રતિભા સિંહે કહ્યું કે રામ મંદિર નિર્માણમાં વડાપ્રધાન નરેન્દ્ર મોદીનું કામ પ્રશંસનીય છે. જો કે, પ્રતિભા સિંહને નોટિસ મોકલવામાં આવી હોવાનું જાણવા મળ્યું નથી.

વર્ષ 2015માં કાર્તિએ PM મોદીની રાજકીય કુશળતાના વખાણ કર્યા હતા. મોદીના વખાણ કરતા કાર્તિએ કહ્યું હતું કે, ભલે મને મોદી પસંદ નથી. પરંતુ મોદીએ સમગ્ર પક્ષને સાથે લીધો અને જનતાએ પણ તેમનામાં વિશ્વાસ દર્શાવ્યો. કોંગ્રેસ પાર્ટી પર નિશાન સાધતા કાર્તિએ કહ્યું કે તમિલનાડુમાં પાર્ટીની જે હાલત છે તેના કારણે કોંગ્રેસને 5 હજાર વોટ પણ નહીં મળે.તે વખતે પણ કોંગ્રેસે કાર્તિને કારણદર્શાવો નોટિસ મોકલી હતી.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.