રાહુલે EVM પર સવાલ ઉઠાવ્યા તો રામદાસ આઠવલે બોલ્યા- ‘શું EVM હેકના કારણે..’

કેન્દ્ર સરકારમાં મંત્રી અને મહારાષ્ટ્રના નેતા રામદાસ આઠવલેએ રાહુલ ગાંધીના EVM પર સવાલ ઉઠાવવા પર નારાજગી વ્યક્ત કરતા કહ્યું કે, રાહુલ ગાંધી સતત ત્રીજી વખત સત્તાથી દૂર થવાના કારણે EVM હેકનો ભ્રમ ફેલાવી રહ્યા છે. EVMથી મતદાન કરવાનું ભાજપ સરકાર લાવી નહોતી, તેને કોંગ્રેસના શાસનકાળમાં લાવવામાં આવ્યું હતું. જો EVM હેક થવાની વાત વારંવાર વિપક્ષ ઉઠાવી રહ્યું છે તો બધા વિપક્ષી દળ એકમત થઈને બોલ્યા કે EVMની જગ્યાએ બેલેટ પેપરથી ચૂંટણી કરાવવામાં આવે.

તેમણે આગળ કહ્યું કે, બેલેટ પેપરથી ચૂંટણી બહુમત કોમ્પલિકેટેડ થાય છે અને પરિણામ આવવામાં મોડું થાય છે એટલે EVM આવ્યું. ચૂંટણી પંચે પણ વારંવાર પડકાર આપ્યો કે, EVM હેક કરીને દેખાડો, ત્યારે બધા ચૂપ રહ્યા. RPI નેતા રામદાસ આઠવાલેએ આગળ કહ્યું કે, લોકતંત્રમાં વારંવાર EVM પર સવાલ ઉઠાવવું યોગ્ય નથી. જો રવીન્દ્ર વાયકરની ચૂંટણી જીત પર EVMની ગરબડીનો આરોપ રાહુલ ગાંધી લગાવી રહ્યા છે તો તેની પણ તપાસ થવી જોઈએ કે INDIA ગઠબંધન અને કોંગ્રેસની એટલી સીટો કેમ આવી?

રામદાસ આઠવલેએ કહ્યું કે, શું કેટલીક જગ્યાઓ પર EVM હેક થયા? જો ક્યાંક એક બે જગ્યા પર EVM હેકની ફરિયાદ છે તો તેની તપાસ થઈ રહી છે. 2004 અને વર્ષ 2009માં કોંગ્રેસની UPA સરકાર લઘુમતમાં હતી. છતા પણ 10 વર્ષ સરકાર ચાલી. શું એ સમયે NDA કે BJPએ સવાલ ઉઠાવ્યા? EVM હેક થવાના આરોપ લગાવ્યા? રામદાસ આઠવાલેએ કહ્યું કે, આ વખત કેટલીક ભૂલો થઈ, જેના કારણે ભાજપને પૂર્ણ બહુમત ન મળ્યું, પરંતુ 2014-19માં ભાજપને બહુમત બાદ પણ NDA સરકાર હતી.

આ વખત પણ NDA સરકાર છે. ભાજપ સાથે અમારી પણ આ વખત કેટલીક ભૂલો થઈ. તેને સુધારીશું અને 2029માં ફરીથી મોદીજી વડાપ્રધાન બનશે. રાહુલ ગાંધી આમ જ EVM હેક રાગ આલાપી રહ્યા છે. રાહુલ ગાંધીને સવાલ થવો જોઈએ કે શું EVM હેકના કારણે INDIA ગઠબંધન 234 સીટો જીતી? કેન્દ્રીય મંત્રીએ કહ્યું કે, જો સંજય રાઉત કે INDIA ગઠબંધન પાસે લોકસભા સ્પીકરના કોઈ ઉમેદવાર છે તો ઊભા કરે. લોકસભા સ્પીકર એક મહત્ત્વપૂર્ણ પદ હોય છે.

ચંદ્રબાબુ નાયડુ એક ઈમાનદાર અને સારા નેતા છે. તેઓ NDA સાથે જ રહેશે. જો ચંદ્રબાબુ નાયડુ પાસે સ્પીકર માટે સારા ઉમેદવાર છે કે BJP પાસે છે તો તેની ચર્ચા NDAમાં થશે. અમને INDIA ગઠબંધનના સમર્થનની જરૂરિયાત નથી. તેઓ પોતાની ચિંતા કરે. તેઓ પણ ચંદ્રબાબુ નાયડુને લોભાવવાનો પ્રયાસ કરી રહ્યા છે, પરંતુ એવું કંઇ નહીં થાય. સાંસદ અધિવેશન શરૂ થવા દો, ખબર પડી જશે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.