બે ઉમેદવારોને એકસરખા મત મળે તો વિજેતા કેવી રીતે નક્કી થાય? જાણો

મતગણતરીના દિવસે, મોટાભાગના કિસ્સાઓમાં તમામ મતદાન મથકો પર મત ગણતરી પૂર્ણ થયા પછી વિજેતાઓની જાહેરાત કરવામાં આવશે. આ પછી ચૂંટણી પંચે ફક્ત એક પ્રમાણપત્ર આપવું પડશે કે XYZ એ ABC સીટ પરથી જીત મેળવી છે.

દેશભરમાં લોકસભાની 543 બેઠકો માટે સાત તબક્કામાં મતદાન થયું છે. આવતીકાલે એટલે કે 4 જૂને પરિણામ જાહેર થશે. પરંતુ જો બે કે ત્રણ ઉમેદવારોને સરખા મત મળે તો? આવું ક્યારેય બન્યું છે? જવાબ હા છે. જો હા, તો વિજેતા કેવી રીતે નક્કી થાય છે?

ભારતના ચૂંટણી ઇતિહાસમાં આવું ઘણી વખત બન્યું છે, જ્યારે બે ઉમેદવારોને સમાન સંખ્યામાં મત મળ્યા હોય. આવી સ્થિતિમાં, વિજેતા પસંદ કરવા માટે કાયદાઓ બન્યા છે. લોકપ્રતિનિધિત્વ અધિનિયમની કલમ 102 મુજબ, જો બે ઉમેદવારોને સમાન સંખ્યામાં મત મળે તો વિજેતાનો નિર્ણય લોટરી અથવા ટોસ દ્વારા કરવામાં આવશે. આ કાયદા અનુસાર લોટરી જીતનાર વ્યક્તિને વિજેતા જાહેર કરવામાં આવશે. કારણ કે તેને એક વધારાનો મત મળ્યો છે.

આવું હાલમાં જ યોજાયેલી હિમાચલ પ્રદેશમાં રાજ્યસભાની ચૂંટણીમાં કોંગ્રેસના અભિષેક મનુ સિંઘવી અને ભાજપના હર્ષ મહાજનને સમાન મત મળ્યા હતા. પરંતુ લકી ડ્રો 'ડ્રો ઓફ લોટસ'ના નિયમ હેઠળ BJPના હર્ષ મહાજનને વિજેતા જાહેર કરવામાં આવ્યા હતા. જો કે, રાજ્યસભા અને લોકસભામાં વિજેતા જાહેર કરવા માટે લકી ડ્રોના નિયમોમાં મોટો તફાવત છે. લોકસભા ચૂંટણીમાં જે ઉમેદવારની ટિકિટ બહાર આવે છે તે ચૂંટણી હારે છે. જ્યારે રાજ્યસભાની ચૂંટણીમાં જેની ટિકિટ નીકળે છે તે જીતે છે.

2018ની આસામ પંચાયત ચૂંટણી દરમિયાન, ઉમેદવારોને સિક્કો ઉછાળીને છ સ્થળોએ વિજેતા જાહેર કરવામાં આવ્યા હતા. કારણ કે આ તમામ છ બેઠકો પર બે ઉમેદવારોને સરખા મત મળ્યા હતા. ડિસેમ્બર 2017માં, મથુરા-વૃંદાવન મ્યુનિસિપલ કોર્પોરેશનની ચૂંટણીના વિજેતાની જાહેરાત પણ લોટરી દ્વારા કરવામાં આવી હતી. આવી જ ઘટના ફેબ્રુઆરી 2017માં બૃહન્મુંબઈ મ્યુનિસિપલ કોર્પોરેશન એટલે કે BMCની ચૂંટણી દરમિયાન જોવા મળી હતી.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.