અમરેલીઃ વ્યાજખોરે સગીરા સાથે સેક્સનો વીડિયો બનાવી તેની મા સાથે પણ સંબંધ બાંધ્યો

અમરેલીમાં વ્યાજખોરનો આતંક સામે આવ્યો છે. એક પરિવારને પૈસાની જરૂરિયાત હોવાના કારણે તેને સુરા ભરવાડ નામના માણસ પાસેથી પૈસા લીધા હતા ત્યારે સુરા ભરવાડે પરિવારની સગીર વયની દીકરી પર દુષ્કર્મ આચરીને તેનો વીડિયો ઉતાર્યો હતો. આ વીડિયો વાયરલ કરી દેવાની ધમકી આપીને ભરવાડે સગીરાની માતાને પોતાની સાથે શારીરિક સંબંધ બાંધવા મજબૂર કરી હતી.

એક રિપોર્ટ અનુસાર અમરેલીના નાગધ્રા ગામમાં રહેતા દલિત પરિવારના પૈસાની જરૂર હોવાના કારણે ગામમાં રહેતા સુરા ભરવાડ પાસેથી 50 હજાર રૂપિયા વ્યાજે લીધા હતા. પૈસાની વસુલાત કરવા માટે સુરો ભરવાડ દલિત પરિવાર પાસેથી સતત કામ કરાવતો હતો. સુરા ભરવાડે વાડી ભાગમાં રાખીને દલિત પરિવાર પાસે સતત કામ કરાવતો હતો. આ ઉપરાંત સુરા ભરવાડે દલિત પરિવારની સગીરવયની દીકરી પર દુષ્કર્મ આચારીને તેનો વીડિયો ઉતાર્યો હતો. વીડિયો વાઈરલ કરવાની ધમકી આપીને સુરા ભરવાડે સગીરાની માતાને પોતાની સાથે શારીરિક સંબંધ બાંધવા માટે મજબૂર કરી હતી.

ત્યારબાદ દલિત પરિવારની સગીરવયની દીકરીને કાજલ અને ગીજુબેન તથા દલસુખની મદદથી સુરા ભરવાડે સાવરકુંડલા, જામ ખંભાળીયા સહિત જુદી જુદી ત્રણ જગ્યાએ લગ્નવાંચ્છુક યુવાન સાથે તેની સગાઇ કરાવી હતી અને તે યુવકો પાસેથી પૈસા અને સોના-ચાંદીના ઘરેણાં પડાવી લીધા હતા. આ ઉપરાંત વ્યાજખોરો પૈસા ની વસુલાત કરવા માટે દલિત પરિવારની સગીર દીકરીને તેના માતા-પિતાની સામે જ અલગ અલગ વ્યક્તિઓ સાથે શારીરિક સંબંધ બાંધવા માટે મજબૂર કરતો હતો. સુરા ભરવાડના આ ત્રાસથી કંટાળીને દલિત દંપતી એ વ્યાજખોર સામે સમગ્ર મામલે પોલીસ સ્ટેશનમાં ફરિયાદ દાખલ કરાવી હતી.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.