ગુજરાતમાં અહીં રમાય છે 20 તોલાના ઘરેણા પહેરીને રાસ

પોરબંદર જિલ્લામાં વસતી મહેર જાતિએ આજના આધુનિક યુગમાં પ્રાચીન ગરબો મણિયારો રાસ હજુ જાળવી રાખ્યો છે અને આ ગરબામાં મહિલાઓ 20-20 તોલાના સોનાના ઘરેણાં પહેરીને રાસ-ગરબા રમે છે. પુરુષો પણ આ રાસમાં જોડાતા હોય છે.

મહેર સમાજની મોટી વસ્તી પોરંબદરમાં વસે છે, જે રાજપુત ક્ષત્રિય સમાજ છે. આ એવો સમાજ છે જેમણે વતન માટે યુદ્ધ કર્યું હતું અને જીત મેળવી હતી. ત્યારથી જીતની ખુશી માટે મણિયારો રાસ રમવામાં આવે છે.

મહેર જાતિની મહિલાઓ પરંપરાગત પોષાક જેવો કે ઢારવો, કાપડું, ઓઢણી, ડોકમાં સોનાનો હાર જેને જુમણું કહેવામાં આવે છે, કાનમાં વેઢલો અને કેડે કંદોરો. લગભગ 3થી 4 હજાર મહિલાઓ ગળામાં 20-20 તોલા સોનાના ઘરેણાં સાથે ગરબા રમે છે. એક અંદાજ મુજબ 425 કરોડ રૂપિયાના ટોટલ ઘરેણાં સાથે મહેર મહિલાઓ ગરબે ઘુમે છે.

જ્યારે પુરષો આંગણી, ચોયણી પાઘડી અને ખેસ પહેરીને રાસ રમે છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.