ઇઝરાયલ-હમાસ વચ્ચેના યુદ્ધમાં ભારતીયો પણ ઘુસ્યા, જાણો કેવી રીતે?

ઇઝરાયેલ અને હમાસ વચ્ચે યુદ્ધ ફાટી નીકળ્યું છે. આ યુદ્ધ માત્ર રોકેટ અને મિસાઈલના આધારે નથી લડવામાં આવી રહ્યું. હકીકતમાં આ યુદ્ધ સાયબર વર્લ્ડ સુધી પણ પહોંચી ગયું છે. આ પહેલીવાર નથી કે જ્યારે યુદ્ધ વાસ્તવિક દુનિયાથી સાયબર વર્લ્ડ સુધી પહોંચ્યું હોય. અગાઉ, યુક્રેન અને રશિયા વચ્ચેના યુદ્ધ દરમિયાન પણ આપણે સાયબર હુમલાના ઘણા કિસ્સાઓ જોયા છે.

હમાસ અને ઈઝરાયેલ વચ્ચે પણ કંઈક આવું જ જોવા મળી રહ્યું છે. શનિવારે હમાસે અચાનક ઈઝરાયેલ પર હુમલો કર્યો. આ હુમલામાં સેંકડો લોકોના મોત થયા છે. આમાં સૈનિકોથી લઈને સામાન્ય માણસ સુધી દરેકનો સમાવેશ થાય છે. 8 ઓક્ટોબરના રોજ, ઇઝરાયેલ સ્થિત મીડિયા આઉટલેટ જેરુસલેમ પોસ્ટે માહિતી આપી હતી કે, તેમના પર ઘણા સાયબર હુમલાઓ થયા છે.

આ સાયબર હુમલાઓને કારણે જેરુસલેમ પોસ્ટની વેબસાઈટ ક્રેશ થઈ ગઈ. ત્યાં સુધી કે તેમની વેબસાઇટ ઘણા સ્થળોએથી એક્સેસ પણ કરી શકાતી નથી. આ હેકિંગ એનોનિમસ સુદાન દ્વારા કરવામાં આવ્યું હતું.

આ સિવાય અન્ય ઘણા કિસ્સાઓ પણ જોવા મળ્યા છે. ઈઝરાયેલની રેડ એલર્ટ ફોન એપ સિસ્ટમ પણ સાયબર એટેકનો શિકાર બની છે. આ એપની મદદથી ઈઝરાયેલમાં રોકેટ અને મિસાઈલ હુમલા દરમિયાન રિયલ ટાઈમ એલર્ટ મળે છે.

આ સિસ્ટમ પર એનોન ઘોસ્ટ નામના હેકર્સના જૂથ દ્વારા હુમલો કરવામાં આવ્યો હતો. આ સિવાય ઘોસ્ટ ઓફ પેલેસ્ટાઈન નામના ગ્રુપે સાયબર એટેકનું અભિયાન શરૂ કર્યું છે. આ અભિયાનનો હેતુ ઈઝરાયેલના સાયબર ઈન્ફ્રાસ્ટ્રક્ચરને ટાર્ગેટ કરવાનો છે.

X પ્લેટફોર્મ પર, @Cyberknow20એ ઇઝરાયેલ પર સાયબર હુમલાઓ વિશે માહિતી શેર કરી છે. હેન્ડલ અનુસાર, લગભગ 35 પ્રો-પેલેસ્ટિનિયન જૂથો ઇઝરાયેલને નિશાન બનાવી રહ્યા છે. ઈઝરાયેલની સરકારી વેબસાઈટને પણ નિશાન બનાવવામાં આવી રહી છે.

જો અહેવાલો પર વિશ્વાસ કરવામાં આવે તો, ભારત તરફી હેકિંગ જૂથો પણ હેકર્સના યુદ્ધમાં જોડાયા છે, જેઓ પેલેસ્ટાઈનને નિશાન બનાવી રહ્યા છે. આ અંતર્ગત પેલેસ્ટાઈનની વેબસાઈટ્સને નિશાન બનાવવામાં આવી રહી છે.

હમાસની સત્તાવાર વેબસાઈટ, પેલેસ્ટાઈન નેશનલ બેંક અને અન્ય વેબસાઈટ આનો ભોગ બની છે. જવાબમાં, પેલેસ્ટાઈન તરફી હેકર્સના એક જૂથે દિલ્હી સરકારની વેબસાઇટ પર DDoS હુમલો શરૂ કર્યો. જોકે, દિલ્હી સરકારની વેબસાઈટ પર સોમવારથી કામ કરવાનું શરૂ થઇ ગયું હતું.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.