એલન મસ્કનો ગૂગલને આ રીતે ટક્કર આપવાનું કરી રહ્યા છે આયોજન, સૌથી સફળ પ્રોડક્ટ...

એલન મસ્ક હવે Gmail સાથે સ્પર્ધા કરવાની તૈયારી કરી રહ્યો છે. મસ્કે ખુદ એક યુઝરના સવાલનો જવાબ આપતા આ જાણકારી આપી છે. ChatGPTનું પોતાનું વર્ઝન બહાર પાડ્યા પછી, Elon Muskએ 'Xmail'ના આગામી લોન્ચની પુષ્ટિ કરી છે, જે Googleની Gmail સેવા સાથે સીધી સ્પર્ધા કરશે. પોતાના સોશિયલ મીડિયા પ્લેટફોર્મ X પર એક વાતચીતમાં મસ્કે કહ્યું કે 'Xmail' નામની પ્રોડક્ટ આવી રહી છે. મસ્કે આ જાહેરાત સોશિયલ મીડિયા પર એક નકલી તસવીર વાયરલ થયા પછી કરી હતી, જેમાં દાવો કરવામાં આવ્યો હતો કે Gmail બંધ થવાનું છે.

મસ્કએ તેની આગામી Xmail સેવા વિશે વધુ વિગતો આપી નથી, તેથી તે ક્યારે ઍક્સેસિબલ થશે તે અંગે હાલમાં કોઈ માહિતી નથી. જો કે, તે X એપમાં ઉમેરવામાં આવે તેવી અપેક્ષા છે.

આ પુષ્ટિ ત્યારે થઈ જ્યારે X ની સુરક્ષા એન્જિનિયરિંગ ટીમના વરિષ્ઠ સભ્ય નાથન મેકગ્રેડીએ પોસ્ટમાં કહ્યું કે અમે Xmail ક્યારે બનાવી રહ્યા છીએ? જેના જવાબમાં એલન મસ્કએ કહ્યું, 'તે આવી રહ્યું છે.' એવું કહેવામાં આવી રહ્યું છે કે, Xmailના આગમન સાથે, Email સેવાના ક્ષેત્રમાં મોટી ઉથલપાથલ જોવા મળી શકે છે.

દરમિયાન, એક X વપરાશકર્તાએ ટિપ્પણી કરી, 'Gmailમાંથી વિશ્વાસ ઉઠી ગયો છે. શક્ય તેટલી વહેલી તકે Xmail પર સ્વિચ કરવાનો સમય આવી ગયો છે!' બીજા એક યુઝરે કહ્યું, 'હું મારા Gmailનો એ જ રીતે ઉપયોગ કરીશ, જે રીતે હું મારા હોટમેલનો ઉપયોગ જંક માટે કરું છું.'

ડિમાન્ડ સેજ એ પુષ્ટિ કરી છે કે 2024 સુધીમાં વૈશ્વિક સ્તરે 1.8 બિલિયન (180 કરોડ)થી વધુ સક્રિય વપરાશકર્તાઓ સાથે Gmailએ વિશ્વની સૌથી લોકપ્રિય Email સેવા છે.

સમાચાર પર પ્રતિક્રિયા આપતા, સોશિયલ મીડિયા સ્ટ્રેટેજિસ્ટ રિયા ફ્રીમેને કહ્યું કે Gmail નું વર્ઝન X 'થઈ શકે છે', અને જો તે થયું, તો 'તે જોવું રસપ્રદ રહેશે.' ફ્રીમેને મેઈલ ઓનલાઈનને જણાવ્યું હતું કે, 'એલને ટ્વિટરમાં મોટા પાયે ફેરફારો કર્યા છે, અને એવું લાગે છે કે લોકોનો અભિપ્રાય તેની તરફેણમાં નથી, તેથી લોકો એક્સ પર તેમના Email મેનેજમેન્ટ પર વિશ્વાસ કરશે કે, કેમ તે જોવાનું બાકી છે.'

મસ્કએ અગાઉ કહ્યું હતું કે X માટે તેમનો લાંબા ગાળાનો ધ્યેય તેને 'એવરીથિંગ એપ' બનાવવાનો છે. એવી શક્યતાઓ છે કે XMail એ xAI પર બનાવવામાં આવી રહ્યું છે, જે એક બિઝનેસ જેને મસ્કે એક વર્ષ પહેલા બનાવ્યું હતું, જે આર્ટિફિશિયલ ઇન્ટેલિજન્સ માટે નિષ્ણાત છે.

ખરેખર, X પર એક વાયરલ પોસ્ટમાં દાવો કરવામાં આવ્યો હતો કે, Gmail બંધ થઈ જશે. જેના કારણે લોકો પરેશાન થઈ ગયા હતા. આ પોસ્ટમાં એક સ્ક્રીનશૉટ હતો જેમાં લખ્યું હતું 'Google is kill Gmail', જે સમગ્ર ઈન્ટરનેટ પર જંગલની આગની જેમ ફેલાઈ ગયું હતું.

It’s coming

— Elon Musk (@elonmusk) February 23, 2024

મેસેજમાં લખવામાં આવ્યું છે કે, 'વર્ષો સુધી વિશ્વભરના લાખો લોકોને કનેક્ટ કર્યા, સીમલેસ કોમ્યુનિકેશન સક્ષમ કર્યા અને અસંખ્ય કનેક્શન્સને પ્રોત્સાહન આપ્યા પછી, Gmailની સફરનો અંત આવી રહ્યો છે. 1 ઓગસ્ટ, 2024થી, Gmail સત્તાવાર રીતે બંધ થઈ જશે, જે તેની સેવાના અંતને ચિહ્નિત કરશે. આનો અર્થ એ છે કે, આ તારીખથી, Gmail હવે Email મોકલવા, પ્રાપ્ત કરવા અથવા સંગ્રહિત કરવાનું સમર્થન કરશે નહીં.'

બીજી બાજુ, ગૂગલે શુક્રવારે જાહેરાત કરી હતી કે, Gmail દૂર થઈ રહ્યું નથી અને 'તે અહીં જ રહેશે.'

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.