બજેટ પહેલા મોબાઈલને લઈને મોટો નિર્ણય, જાણો સસ્તા થયા કે મોંઘા

વચગાળાના બજેટના એક દિવસ પહેલા મોદી સરકારે મોબાઈલ ફોનના ઘટકોની આયાત ડ્યુટી ઘટાડવાની જાહેરાત કરી છે. અહીં તમને જણાવી દઈએ કે, આ નિર્ણય એશિયાની ત્રીજી સૌથી મોટી અર્થવ્યવસ્થામાંથી નિકાસ વધારવાના હેતુથી લેવામાં આવ્યો છે. મળતી માહિતી મુજબ, સરકારે મોબાઈલ ફોનના ઉત્પાદનમાં ઉપયોગમાં લેવાતા ભાગો પરની આયાત ડ્યૂટી 10 થી 15 ટકા ઘટાડવાનો નિર્ણય કર્યો છે.

નાણા મંત્રાલયે બેટરી કવર, મુખ્ય લેન્સ, બેક કવર અને ફોનના અન્ય પ્લાસ્ટિક અને મેટલ મિકેનિકલ વસ્તુઓ સહિત ઘણા ઘટકો પરની આયાત ડ્યૂટીમાં ઘટાડો કર્યો છે. આ પછી, આ ઘટકોની કિંમતમાં 10 ટકાનો ઘટાડો થયો છે.

સરકારના આ પગલાનો હેતુ સ્થાનિક ઉત્પાદન અને નિકાસને પ્રોત્સાહન આપવાનો તેમજ સ્થાનિક બજારોમાં ઉત્પાદનોની કિંમતોમાં ઘટાડો કરવાનો છે. નાણા મંત્રાલયે 30 જાન્યુઆરીએ સેલ્યુલર મોબાઈલ ફોન માટે સ્ક્રૂ, સિમ સોકેટ્સ અથવા અન્ય મેટલ મિકેનિકલ વસ્તુઓ સહિતના ઘટકોની આયાત પર ડ્યૂટી ઘટાડવા અંગેની સૂચના બહાર પાડી હતી.

ગ્લોબલ ટ્રેડ રિસર્ચ ઈનિશિએટિવ (GTRI)ના સહ-સ્થાપક અજય શ્રીવાસ્તવે જણાવ્યું હતું કે, ભારતમાં બનેલા મોબાઈલ ફોનની નિકાસ સ્પર્ધાત્મકતામાં સુધારો કરવા પર ડ્યૂટી કટની કોઈ અસર થશે નહીં કારણ કે નિકાસ માટે મોબાઈલ ફોન બનાવવા માટે ઉપયોગમાં લેવાતા તમામ ઘટકો અને ભાગો. સ્પેશિયલ ઈકોનોમિક ઝોન (SEZ), એડવાન્સ ઓથોરાઈઝેશન જેવી વિવિધ સરકારી યોજનાઓ હેઠળ પહેલાથી જ શૂન્ય ડ્યુટી પર આયાત કરવામાં આવે છે. એપલ જેવી કંપનીઓ આ યોજનાઓનો લાભ લે છે.

શ્રીવાસ્તવે જણાવ્યું હતું કે, 'સરકારે એ જોવું જોઈએ કે શું ડ્યુટી કટનો લાભ ઘરેલું મોબાઈલ ફોન ખરીદનારાઓને ભાવમાં ઘટાડા દ્વારા આપવામાં આવે છે કે નહીં.' ઈન્ડિયન સેલ્યુલર એન્ડ ઈલેક્ટ્રોનિક્સ એસોસિએશન (ICEA)ના ચેરમેન પંકજ મહેન્દ્રુએ જણાવ્યું હતું કે, ભારતમાં મોબાઈલ મેન્યુફેક્ચરિંગને સ્પર્ધાત્મક બનાવવા માટે સરકાર દ્વારા આ એક મહત્વપૂર્ણ નીતિગત હસ્તક્ષેપ છે.

Union Minister for Electronics & Information Technology, Ashwini Vaishnaw says, "This rationalisation of custom duties brings much-needed certainty and clarity for the industry and in customs processes. I thank Hon’ble PM & FM for this step towards strengthening the mobile phone… pic.twitter.com/bAb6MOS1I8

— ANI (@ANI) January 31, 2024

મહેન્દ્રુએ કહ્યું, '2024માં ઈલેક્ટ્રોનિક્સ ભારતનું 5મું સૌથી મોટું નિકાસ ક્ષેત્ર બની ગયું છે, જે થોડા વર્ષો પહેલા 9મા સ્થાને હતું.' તેમણે કહ્યું, 'ઉત્પાદન સાથે જોડાયેલ પ્રોત્સાહન યોજનાને કારણે ઈલેક્ટ્રોનિક્સ નિકાસમાં 52 ટકાથી વધુ મોબાઇલનું યોગદાન છે. આ છેલ્લાં આઠ વર્ષમાં આયાતથી નિકાસમાં ફાળો આપનાર આ પહેલો ઉદ્યોગ છે.'

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.