મારુતિએ આ કારની કિંમતમાં ઘટાડો કર્યો

દેશમાં સૌથી વધુ કારનું ઉત્પાદન અને વેચાણ કરતી કંપની મારુતિએ કિંમતમાં ઘટાડો કરવાની જાહેરાત કરી છે. મારુતિએ તેની AGS (ઓટો ગિયર શિફ્ટ) કારના 9 મોડલની કિંમતોમાં ઘટાડો કર્યો છે. નવી કિંમતો 1 જૂન, 2024થી અમલમાં આવી છે. શુક્રવારે એટલે કે 31 મે 2024ના રોજ શેર 1.58 ટકા ઘટીને રૂ. 12399 પર બંધ થયો હતો. ભાવ ઘટાડાની અસર સોમવારે એટલે કે 3 જૂન, 2024ના રોજ શેર પર જોવા મળી શકે છે.

કંપનીએ એક સત્તાવાર નિવેદનમાં કિંમતમાં ઘટાડો જાહેર કર્યો, પરંતુ આ નિર્ણય પાછળનું કોઈ ચોક્કસ કારણ જણાવવામાં આવ્યું નથી. જોકે, કંપનીએ તેના AGS વેરિઅન્ટને વધુ સસ્તું બનાવવાના ઈરાદા પર ભાર મૂક્યો હતો. કંપનીએ શનિવારે (1 જૂન) તેના તમામ મોડલ્સના AGS (ઓટો ગિયર શિફ્ટ) વેરિઅન્ટમાં કિંમતમાં ઘટાડો કરવાની જાહેરાત કરી હતી.

ઓટો ગિયર શિફ્ટ (AGS) એક ઓટોમેટિક ટ્રાન્સમિશન ટેક્નોલોજી છે, જે મેન્યુઅલ અને ઓટોમેટિક ટ્રાન્સમિશન બંનેના ફાયદાઓને જોડે છે. આમાં સ્વચાલિત ટ્રાન્સમિશનમાં ઇન્ટેલિજન્ટ શિફ્ટ કંટ્રોલ એક્ટ્યુએટરનો સમાવેશ થાય છે, જે ટ્રાન્સમિશન ઇલેક્ટ્રોનિક કંટ્રોલર યુનિટ દ્વારા સંચાલિત થાય છે.

એક્સચેન્જને મોકલવામાં આવેલી માહિતીમાં કંપનીએ કહ્યું કે, ઘણા વેરિઅન્ટની કિંમતોમાં 5,000 રૂપિયા સુધીનો ઘટાડો કરવામાં આવ્યો છે.

મારુતિએ ALTO K10, S-PRESSOની કિંમતોમાં 5,000 રૂપિયાનો ઘટાડો કર્યો છે. મારુતિએ CELERIO, WAGON-Rની કિંમતોમાં રૂ. 5,000નો ઘટાડો કર્યો છે. મારુતિએ SWIFT અને DZIREની કિંમતોમાં 5,000 રૂપિયાનો ઘટાડો કર્યો છે. BALENO, FRONX અને IGNISની કિંમતોમાં 5,000 રૂપિયાનો ઘટાડો કરવામાં આવ્યો છે.

મારુતિએ 10 એપ્રિલ, 2024ના રોજ કહ્યું હતું કે, ખર્ચમાં વધારાને કારણે તેણે કિંમતોમાં વધારો કર્યો છે. તે સમયે સ્વિફ્ટની કિંમત રૂ. 25,000 મોંઘી થઈ હતી અને ગ્રાન્ડ વિટારા સિગ્મા વેરિઅન્ટ રૂ. 19,000 મોંઘું થઈ ગયું હતું.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.