રસ્તા પર ભાગવા લાગ્યો સોફો, આનંદ મહિન્દ્રાએ વીડિયો શેર કર્યો

તમે રોજ રસ્તા પર કાર દોડતી જોતા હશો, પરંતુ જો ગેરેજમાં રાખેલો ટુ સીટર સોફા રસ્તા પર આવે અને કારની જેમ દોડવા લાગે તો કેવું લાગશે તમને? તમે કહેશો શું મજાક કરો છો, પણ આ વાત  શક્ય છે. બિઝનેસમેન આનંદ મહિન્દ્રાએ પોતાના ટ્વીટર એકાઉન્ટ પર એક વીડિયો શેર કર્યો છે, જેમાં સોફા રોડ પર સ્પીડમાં ભાગી રહ્યો છે અને તે પણ ખાલી નથી તેના પર બે પેસેન્જર બેઠા છે.

તેમની આ પોસ્ટ સોશિયલ મીડિયા પર ખૂબ જ વાયરલ થઈ રહી છે અને આ વીડિયો શેર કરતી વખતે તેમણે એક વાત કહી છે કે વાયરલ વીડિયોમાં શું છે ખાસ?

આનંદ મહિન્દ્રાએ શેર કરેલા 1 મિનિટ 45 સેકન્ડના આ વીડિયોમાં એક સોફો છે જેમાં બે લોકો બેઠેલા છે તે ગેરેજમાંથી બહાર આવે છે અને રસ્તા પર દોડવા લાગે છે, કાર કે અન્ય કોઈ વાહનની જેમ ટર્ન પર મારે છે. આ પછી તેને બનાવવાની સમગ્ર પ્રક્રિયા પણ વીડિયોમાં બતાવવામાં આવી છે.

આ વીડિયો ક્લિપ શેર કરતી વખતે આનંદ મહિન્દ્રાએ તેના કેપ્શનમાં એક મજાની વાત લખી છે. તેમણે લખ્યું હતું કે 'આ એક મજેદાર પ્રોજેક્ટ છે, પણ તેમાં જે જુસ્સો અને એન્જિનિયરિંગનો પ્રયાસ થાય છે તે જુઓ, જો કોઈ દેશ ઓટોમોબાઈલ ક્ષેત્રે જાયન્ટ બનવા માગતો હોય તો તેને આવા ઘણા ગેરેજના આવિસ્કારોની જરૂર છે. તેમણે પોસ્ટમાં આગળ લખ્યું કે, હેપ્પી ડ્રાઈવિંગ કિડ્સ, હું એ જોવા માગું છું કે જ્યારે હું રજિસ્ટ્રેશન કરાવવા જઈશ ત્યારે ભારતના RTO ઈન્સ્પેક્ટરના ચહેરા પર શું પ્રતિક્રિયા હશે?

આનંદ મહિન્દ્રાની આ પોસ્ટને 5 લાખથી વધુ વ્યૂઝ મળી ગયા  છે. મહિન્દ્રાના ચેરમેન દ્વારા કરવામાં આવેલી આ વીડિયો પોસ્ટ પણ તેમની અન્ય પોસ્ટની જેમ સોશિયલ મીડિયા પર વાયરલ થઈ રહી છે અને ઘણા યુઝર્સ તેના પર પોતાની પ્રતિક્રિયા આપી રહ્યા છે. આ યુઝર્સે આનંદ મહિન્દ્રાને ગેમ શો શરૂ કરવાનો આઈડિયા પણ આપ્યો હતો. તેમાં લખ્યું હતું કે, સર જ્યાં તમે આવી પ્રતિભાઓ શોધો છો ત્યાં તમે ગેમ શો કેમ શરૂ નથી કરતા? વિજેતાઓને તમારી સાથે પ્રોજેક્ટ પર કામ કરવાની તક મળે છે, તમે શું કહો છો?

Just a fun project? Yes, but look at the passion and engineering effort that went into it. If a country has to become a giant in automobiles, it needs many such ‘garage’ inventors…
Happy driving kids, and I’d like to see the look on the face of the RTO inspector in India, when… pic.twitter.com/sOLXCpebTU

— anand mahindra (@anandmahindra) December 30, 2023

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.