વર્ક ફ્રોમ હોમ અને વર્ક ફ્રોમ ઓફિસ તો સાંભળ્યું, પણ આ વર્ક ફ્રોમ કાર(WFC) શું છે

વર્ક ફ્રોમ હોમ (WFH) અને વર્ક ફ્રોમ ઓફિસ (WFO) જેવા શબ્દ તો તમે સાંભળ્યા જ હશે. કોરોના બાદ વર્ક ફ્રોમ હોમ મોઢા પર કે કહીએ લેપટોપ પર એવું ચડ્યું કે આજે પણ ઉતરવાનું નામ લઈ રહ્યું નથી, પરંતુ શું તમે વર્ક ફ્રોમ કાર બાબતે સાંભળ્યું છે. એકદમ નવો શબ્દ અને કોન્સેપ્ટ છે. કમાલની વાત એ છે કે આ સોશિયલ મીડિયાના ધૂરાંધરોએ નહીં, પરંતુ ટેક જગતની દિગ્ગજ કંપની Microsoftએ શોધ્યો છે. કંપની રિમોટ વર્ક માટે નવું ટૂલ લઈને આવી છે. નામ છે વર્ક ફ્રોમ કાર (WFC).

હવે વર્ક ફ્રોમ કાર શબ્દ વાંચીને કદાચ તમને લાગે કે ક્યાંક માઇક્રોસોટ કોઈ કાર લઈને આવી રહી છે કે પછી કોઈ આર્ટિફિશિયલ ઇન્ટેલિજેન્સ સાથે જોડાયેલો નવો પ્રોજેક્ટ લોન્ચ થવા જઇ રહ્યો છે તો એવું નથી, પરંતુ કંપની વીડિયો કોન્ફરન્સ માટે નવું ટૂલ લઈને આવી રહી છે જે કારમાં ચાલશે. માઇક્રોસોફ્ટની વીડિયો કોલિંગ માટે એક પ્રોડક્ટ છે Teams. ગૂગલ મીટ અને Zoomની જેમ. જો કે ગૂગલ મીટ અને ઝૂમનો ઉપયોગ સામાન્ય યુઝર્સથી લઈને કંપનીઓમાં થાય છે.

તો Teams એક ઓર્ગેનાઇઝેશન બેઝ્ડ પ્રોડક્ટ છે. કામ તેમાં પણ એ જ થાય છે. મતલબ વીડિયો કૉલિંગથી લઈને તેની અંદર ચેટિંગ, ફાઇલ શેરિંગ વગેરે વગેરે. એન્ડ્રોઇડ ઓટો મતલબ ગૂગલે ડેવલપ કરેલું પ્લેટફોર્મ જે તમારા સ્માર્ટફોનને કાર સાથે કનેક્ટ કરે છે. કારથી કે કહો કારમાં લાગેલી સ્ક્રીનથી. સામાન્ય ભાષામાં કહીએ તો ઇન્ફોટેનમેન્ટ સિસ્ટમ. એન્ડ્રોઇડ સ્માર્ટફોનના એપ્સને મિરર કરીને કારમાં ચલાવવાનો શાનદાર જુગાડ. તેમાં ઘણા બધા ફીચર્સ હોય છે.

તો કોલથી લઈને મેસેજને સાઇલેન્ટ કરી શકાય છે. ગૂગલ મેપ્સને મોટી સ્ક્રીન પર ચલાવી શકો છો. વગેરે વગેરે. માઇક્રોસોફ્ટે તેના માટે એક નવું ટૂલ ડેવલપ કર્યું છે. ટૂલ જે Teamsમાં જ જોડાયેલું હશે. માઇક્રોસોફ્ટે તેના માટે નવું ટૂલ ડેવલપ કર્યું છે. ટૂલ જે Teamsમાં જ જોડાયેલું હશે. માઇક્રોસોફ્ટે તેની જાહેરાત ગૂગલની 2023ની વાર્ષિક ડેવલપર કોન્ફરન્સમાં કરી હતી. Teamsનું નવું ટૂલ કારની સ્ક્રીન પર કામ કરશે.

ક્વીક કોલ ફીચર સાથે સ્પીડ ડાયલ જેવો અનુભવ મળશે. કેલેન્ડર એક્સેસથી મીટિંગ શેડ્યૂલ થઈ શકે છે. કહેવાનો અર્થ એ છે કે લેપટોપ કાઢવાની જરૂરિયાત નહીં હોય, બસ ડેશબોર્ડ પર લાગી સ્ક્રીન જ પૂરતી છે. કંપનીએ અમેરિકાના લાસ વેગાસમાં ચાલી રહેલા કન્ઝ્યૂમર ઈલેક્ટ્રોનિક્સ શૉ (CES-24)માં તેનાથી પર્દો ઉઠાવ્યો છે અને તેને વર્ક ફ્રોમ કાર નામ આપ્યું છે. અત્યારે તેના બાકી ફીચર્સ પરથી પર્દો ઊઠવાનો બાકી છે. ફીચર જ્યારે આવશે ત્યારે જોઈશું, પરંતુ વર્ક ફ્રોમ કાર નામ ખૂબ કુલ છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.