દિવાળી પહેલા મુકેશ અંબાણીનો મોટો દાવ, 1100થી ઓછી કિંમતમાં લોન્ચ કર્યા બે નવા ફોન

મુકેશ અંબાણીની રિલાયન્સ જિયોએ પોતાના ગ્રાહકોને દિવાળીની ભેટ આપી છે. રિલાયન્સ જિયોએ ઇન્ડિયા મોબાઇલ કોંગ્રેસ 2024 (IMC 2024)માં બે નવા 4G ફીચર ફોન લોન્ચ કર્યા છે. આ બંને ફીચર ફોન V3 અને V4ને 4G ફીચર ફોન Jio ભારત સીરીઝ હેઠળ લોન્ચ કરવામાં આવ્યા છે. નવા મોડલને 1099 રૂપિયાની કિંમતે માર્કેટમાં લોન્ચ કરવામાં આવશે. ગયા વર્ષે કંપનીએ Jio Bharat V2 મોડલ લોન્ચ કર્યું હતું. આ ફોને લોન્ચ કર્યા પછી તરત જ ભારતીય ફીચર ફોન માર્કેટમાં હલચલ મચાવી દીધી હતી. કંપનીનો દાવો છે કે, JioBharat ફીચર ફોન દ્વારા લાખો 2G ગ્રાહકો 4G નેટવર્ક પર શિફ્ટ થયા છે. આવી સ્થિતિમાં હવે જોવાનું એ રહેશે કે, લોકોને Jio ભારત સીરીઝ V3 અને V4 કેટલા પસંદ આવે છે.

નવી નેક્સ્ટ જનરેશનનો 4G ફીચર ફોન લેટેસ્ટ ડિઝાઇન, 1000 mAh પાવરફુલ બેટરી, 128 GB સુધી એક્સપાન્ડેબલ સ્ટોરેજ સાથે લોન્ચ કરવામાં આવ્યો છે. આ ફીચર ફોન 23 ભારતીય ભાષાઓને સપોર્ટ કરે છે. Jio Bharat ફોન માત્ર 123 રૂપિયામાં માસિક રિચાર્જ કરી શકાય છે. તેમાં અમર્યાદિત વોઈસ કોલ અને 14 GB ડેટાની સુવિધા મળશે.

Jio ભારત શ્રેણી હેઠળ રજૂ કરાયેલ V3 અને V4 બંને મોડલ Jio-TV, Jio-Cinema, Jio-Pay અને Jio-Chat જેવી કેટલીક શ્રેષ્ઠ પ્રી-લોડેડ એપ્સ સાથે બજારમાં આવશે. 455થી વધુ લાઈવ TVની સાથે ગ્રાહકોને આ ફોનમાં એક ક્લિક પર મૂવીઝ, વીડિયો અને સ્પોર્ટ્સ કન્ટેન્ટ પણ મળશે. બીજી તરફ, JioPay સરળ ચુકવણીઓ પ્રદાન કરે છે અને JioChat અમર્યાદિત વૉઇસ મેસેજિંગ, ફોટો શેર અને જૂથ ચેટ વિકલ્પો પ્રદાન કરે છે.

JioBharat V4 ડિઝાઇન આધારિત ઉપકરણ ફોન તરીકે દેખાય છે. તે ગુણવત્તાની સાથે શૈલી પર ધ્યાન કેન્દ્રિત કરનારા વપરાશકર્તાઓની જરૂરિયાતોને પૂર્ણ કરે છે. JioPayને UPI (યુનિફાઇડ પેમેન્ટ્સ ઇન્ટરફેસ) સાથે લિંક કરવામાં આવ્યું છે, તેમાં એક સાઉન્ડ બોક્સ પણ લગાવવામાં આવ્યું છે. તે સરળતાથી ડિજિટલ પેમેન્ટ કરવામાં મદદ કરે છે. Jio Bharat V3 અને V4 ટૂંક સમયમાં જ તમામ મોબાઇલ સ્ટોર્સ તેમજ JioMart અને Amazon પર ઉપલબ્ધ થશે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.