આવો છે Appleનો ક્રેઝ,iPhone 15 Pro Max ખરીદવા આ ગુજરાતી 17 કલાકથી લાઈનમાં ઊભો છે
![](https://khabarchhe.com/uploads/mc_path/1695365270iphone-15-Pro-Max.jpg)
Appleના નવા ફોન એટલે કે iPhone 15 સિરીઝનું ઑફલાઇન વેચાણ આજથી શરૂ થઈ ગયું છે. એટલે કે તમે આ ફોનને સીધા સ્ટોરમાંથી ખરીદી શકો છો. આ ફોન માત્ર એપલ સ્ટોરમાંથી જ નહીં પરંતુ અન્ય ઓફલાઈન રિટેલ સ્ટોરમાંથી પણ ખરીદી શકાય છે. પરંતુ આ વખતે એપલ સ્ટોર પરથી iPhone ખરીદવા માટે લોકોનો ઉત્સાહ જોવા મળી રહ્યો છે.
કેમ નહિ! આ પહેલીવાર છે જ્યારે તમે ભારતમાં એપલ સ્ટોર પરથી નવીનતમ iPhone ખરીદી શકશો. આ શ્રેણીમાં, કંપનીએ ચાર ફોન લોન્ચ કર્યા છે, iPhone 15, iPhone 15 Plus, iPhone 15 Pro અને iPhone 15 Pro Max. Appleએ આ વર્ષે તેના સ્ટોર BKC, મુંબઈ અને સાકેત સિલેક્ટ સિટી, દિલ્હીમાં ખોલ્યા છે.
ગઈકાલથી લોકો આ સ્ટોર્સ પર કતારોમાં ઉભા છે અને તેમના વારાની રાહ જોઈ રહ્યા છે. ઘણા વર્ષો પહેલા અમેરિકા અને અન્ય બજારોમાં આવી લાઈનો જોવા મળતી હતી. તે સમયે, લોકો સૌથી પહેલા લેટેસ્ટ આઇફોન મેળવવા માટે કલાકો સુધી લાઈનમાં ઉભા રહેતા હતા.
જોકે સમય જતાં આ ક્રેઝ શમી ગયો. તેનું મુખ્ય કારણ ઓનલાઈન વેચાણની લોકપ્રિયતા છે. સ્ટોર્સ ખુલતા પહેલા જ મુંબઈ અને દિલ્હીના સ્ટોર પર લોકોની ભીડ એકઠી થઈ ગઈ હતી. iPhones હવે સ્ટોર પરથી ઉપલબ્ધ છે.
એક વ્યક્તિએ જણાવ્યું કે, તે iPhone 15 Pro Max ખરીદવા અમદાવાદથી મુંબઈ આવ્યો હતો. આ વ્યક્તિ 21મીએ બપોરે 3 વાગે સ્ટોર પર પહોંચ્યો હતો અને તેણે સૌથી પહેલો આઈફોન ખરીદ્યો હતો.
આ સિવાય એક વ્યક્તિ iPhone ખરીદવા માટે વહેલી સવારે બેંગલુરુથી મુંબઈના સ્ટોર માટે ફ્લાઈટ લઈને ગયો હતો. આ એક-બે લોકોની વાર્તા છે, સ્ટોર પર લાઇનમાં ઉભેલા લોકોમાં ઘણા એપલ ફોન પ્રેમીઓ છે જે બીજા શહેરમાંથી નજીકના સ્ટોર પર પહોંચ્યા છે.
iPhone 15 સિરીઝમાં ચાર નવા મોડલનો સમાવેશ કરવામાં આવ્યો છે. તેના બેઝ વેરિઅન્ટ iPhone 15ની કિંમત 79,900 રૂપિયાથી શરૂ થાય છે. જ્યારે iPhone 15 Plus વેરિયન્ટની કિંમત 89,900 રૂપિયાથી શરૂ થાય છે.
#WATCH | A customer outside the Apple store at Mumbai's BKC says, "I have been here since 3 p.m. yesterday. I waited in the queue for 17 hours to get the first iPhone at India's first Apple store. I have come from Ahmedabad..."
— ANI (@ANI) September 22, 2023
Another customer, Vivek from Bengaluru says, "...I… https://t.co/0deAz5JkCH pic.twitter.com/YE6m5cufC2
પ્રો વેરિઅન્ટની વાત કરીએ તો તે ખૂબ ખર્ચાળ છે. iPhone 15 Proની કિંમત 1,34,900 રૂપિયાથી શરૂ થાય છે. જ્યારે iPhone 15 Pro Maxની કિંમત 1,59,900 રૂપિયાથી શરૂ થાય છે.
એપલ સ્ટોર પર તમને ઘણી ઑફર્સ મળી રહી છે. તમે નવા ફોન પર 6 હજાર રૂપિયા સુધીની બચત કરી શકો છો. iPhone 15 અને iPhone 15 Plus પર 5 હજાર રૂપિયાનું ડિસ્કાઉન્ટ ઉપલબ્ધ છે. iPhone 15 Pro સીરીઝ પર 6,000 રૂપિયાનું ડિસ્કાઉન્ટ છે. આ ઓફર HDFC બેંકના કાર્ડ પર ઉપલબ્ધ છે.
#WATCH | Maharashtra | Apple's iPhone 15 series to go on sale in India from today. Visuals from Apple store at Mumbai's BKC. pic.twitter.com/9Myom1ZiT6
— ANI (@ANI) September 22, 2023
આ સિવાય તમે નો-કોસ્ટ EMI પર પણ ફોન ખરીદી શકો છો. અહીં તમને જણાવી દઈએ કે, જો તમે આ ફોનનો પ્રી-ઓર્ડર કર્યો છે, તો તમે સીધા જઈને ખરીદી શકશો. જેમણે આ ઉપકરણોનો પ્રી-ઓર્ડર કર્યો નથી તેમણે ફોન ખરીદવા માટે નિયમિત લાઈનમાં ઊભા રહેવું પડશે.
નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.
તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.
ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp