ટેક્સી ડ્રાઈવરનો દીકરો બન્યો માઇક્રોસોફ્ટ AI CEO, જાણો કોણ છે મુસ્તફા સુલેમાન

માઇક્રોસોફ્ટે ગૂગલ ડીપમાઇન્ડના કો-ફાઉન્ડર મુસ્તફા સુલેમાનને હાયર કર્યા છે. મુસ્તફા સુલેમાને પોતે સોશિયલ મીડિયા પ્લેટફોર્મ X પર આ માહિતી આપી છે. તેણે લખ્યું છે કે, તે નવી ટીમના CEO તરીકે માઈક્રોસોફ્ટમાં જોડાયા છે. આ ટીમ કંપનીના ઉપભોક્તા AI ઉત્પાદનોને સંભાળશે.

આ ટીમ પાસે કોપાયલોટ, બિંગ અને Edge જેવા ઉત્પાદનોની જવાબદારી હશે. આ સાથે જ તેઓ Microsoft AIના એક્ઝિક્યુટિવ વાઇસ પ્રેસિડેન્ટની જવાબદારી પણ નિભાવશે અને કંપનીની વરિષ્ઠ નેતૃત્વ ટીમનો એક ભાગ હશે. આ ટીમ માઈક્રોસોફ્ટના CEO સત્ય નડેલાને સીધો રિપોર્ટ કરશે.

મુસ્તફા સુલેમાને 2010માં AI લેબ ડીપમાઇન્ડની સહ-સ્થાપના કરી હતી, જે 2014માં Google દ્વારા હસ્તગત કરવામાં આવી હતી. અત્રે ઉલ્લેખનીય છે કે, ગૂગલ ડીપમાઇન્ડ દ્વારા આર્ટિફિશિયલ ઇન્ટેલિજન્સ (AI)માં માઇક્રોસોફ્ટ સાથે સ્પર્ધા કરવાની તૈયારી કરી રહ્યું છે. જો કે, સુલેમાન છેલ્લા ઘણા વર્ષોથી આ વિભાગનો ભાગ નહોતો. તેને વર્ષ 2019માં રજા પર મોકલી દેવામાં આવ્યો હતો.

બ્લૂમબર્ગના રિપોર્ટ અનુસાર, તે સમયે તેમના ઘણા પ્રોજેક્ટ્સને કારણે તેમને રજા પર મોકલવામાં આવ્યા હતા. અહીં તમને જણાવી દઈએ કે, ગૂગલ અને ડીપમાઈન્ડે સ્ટાફને હેરાન કરવાના આરોપમાં સુલેમાન વિરુદ્ધ તપાસ પણ શરૂ કરી હતી. સુલેમાને વર્ષ 2022માં Google છોડી દીધું અને Inflection AI સ્ટાર્ટઅપની સહ-સ્થાપના કરી.

મુસ્તફા સુલેમાનની નિમણૂક સાથે, માઇક્રોસોફ્ટ તેની ટીમમાં ઇન્ફ્લેક્શન AIના અન્ય ઘણા કર્મચારીઓને પણ ઉમેરી રહ્યું છે. આમાં કંપનીના સહ-સ્થાપક કેરેન સિમોનિયનનો સમાવેશ થાય છે, જે Microsoft ખાતે કન્ઝ્યુમર્સ AI ગ્રુપના ચીફ સાયન્ટિસ્ટ તરીકે કામ કરશે.

કેવિન સ્ટોક માઈક્રોસોફ્ટના ચીફ ટેક્નોલોજી ઓફિસર અને AI ડિવિઝનના એક્ઝિક્યુટિવ વાઈસ પ્રેસિડેન્ટ રહેશે. આ પ્રસંગે સત્ય નડેલાએ કર્મચારીઓને એક શેર મેમોમાં કહ્યું, 'હું મુસ્તફાને ઘણા વર્ષોથી ઓળખું છું. ડીપમાઇન્ડ અને ઇન્ફ્લેક્શનના સ્થાપક તરીકે, મેં તેમની એક સ્વપ્નદ્રષ્ટા, ઉત્પાદન નિર્માતા અને મહાન ટીમો બનાવવા બદલ પ્રશંસા કરી છે.'

તેમણે કહ્યું, 'આપણી પાસે એક એવી ટેક્નોલોજી બનાવવાની તક છે, જે એક સમયે અશક્ય માનવામાં આવતી હતી. આ ટેક્નોલોજી આપણા મિશનને આગળ વધારશે અને તમામ લોકો સુધી સુરક્ષિત અને જવાબદાર રીતે AIના લાભો પહોંચાડશે. માઇક્રોસોફ્ટે OpenAIમાં પણ ઘણું રોકાણ કર્યું છે.

I’m excited to announce that today I’m joining @Microsoft as CEO of Microsoft AI. I’ll be leading all consumer AI products and research, including Copilot, Bing and Edge. My friend and longtime collaborator Karén Simonyan will be Chief Scientist, and several of our amazing…

— Mustafa Suleyman (@mustafasuleyman) March 19, 2024

મુસ્તફા સુલેમાન (જન્મ ઓગસ્ટ 1984)એ બ્રિટિશ આર્ટિફિશિયલ ઈન્ટેલિજન્સ ઉદ્યોગસાહસિક છે. સુલેમાનના પિતા સીરિયામાં ટેક્સી ડ્રાઈવર હતા, જ્યારે તેની માતા UKમાં નર્સ હતી. સુલેમાને પ્રારંભિક શિક્ષણ થોર્નહિલ પ્રાથમિક શાળામાંથી કર્યું હતું. તેણે ડેમિસ હાસાબીસ સાથે મળીને ડીપમાઇન્ડની શરૂઆત કરી.

જોકે, તેણે માત્ર 19 વર્ષની ઉંમરે યુનિવર્સિટી છોડી દીધી હતી. આ પછી તેણે ટેલિફોન કાઉન્સેલિંગ સર્વિસ મુસ્લિમ યુથ હેલ્પલાઈન શરૂ કરી. આ સંસ્થા પાછળથી UKમાં મુસ્લિમો માટે સૌથી મોટી માનસિક સ્વાસ્થ્ય સહાયક સેવાઓમાંની એક બની.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.