Tecno નવો 5G ફોન લૉન્ચ, ઓછી કિંમતે મળશે પાવરફુલ ડિઝાઇન અને શાનદાર કૅમેરા

Tecno Pova 6 Pro 5G ભારતમાં પ્રવેશી ચૂક્યું છે. આ ગેમિંગ સ્માર્ટફોન AMOLED ડિસ્પ્લે, ડ્યુઅલ રીઅર કેમેરા, AI સપોર્ટ, 120Hz રિફ્રેશ રેટ, 70W ફાસ્ટ ચાર્જિંગ, MediaTek Dimension 6080+ 5G ગેમિંગ પ્રોસેસર સાથે આવ્યું છે.

Tecno Pova 6 Pro 5G ભારતમાં દાખલ થઇ ચૂક્યું છે. ખાસ કરીને એવા યુઝર્સ કે જે ગેમિંગ સ્માર્ટફોન શોધી રહ્યા છે, તેમના માટે આ એક સારો વિકલ્પ સાબિત થવા જઈ રહ્યો છે. તમને આ ફોનમાં એવા ઘણા ફીચર્સ મળી રહ્યા છે, જે તેને દરેકથી અલગ બનાવે છે. જો આપણે સૌથી મોટી ખૂબીની વાત કરીએ તો એમ કહી શકાય કે, કંપનીએ ફોનની ડિઝાઇન પર સૌથી વધુ કામ કર્યું છે. તો ચાલો હવે તમને ફોનના કેટલાક ફીચર્સ વિશે જણાવીએ અને તેની કિંમત પણ જણાવી દઈએ.

જો આપણે ડિસ્પ્લે વિશે વાત કરીએ તો પણ આ ફોન ઘણો સારો છે, કારણ કે તે તમને AMOLED ડિસ્પ્લે આપે છે. 6.78 ઇંચની સાઇઝ સાથે ફોન 120Hz રિફ્રેશ રેટ સાથે આવે છે. તેનો અર્થ એ છે કે, આ ડિસ્પ્લે ગેમ રમતા લોકો માટે ખૂબ જ સારી સાબિત થશે. ફોનમાં ઘણા બધા ફીચર્સ ઉપલબ્ધ છે, જેમ કે તેનો કેમેરા પણ ઘણો સારો આપવામાં આવ્યો છે. ફોનમાં ડ્યુઅલ રીઅર કેમેરા હશે, જેનો પ્રાથમિક કેમેરા 50MP છે અને તે AI સપોર્ટ સાથે આવે છે.

હવે વાત કરીએ ફોનમાં તમને કેટલી બેટરી મળે છે. 6000mAh બેટરીના કારણે તમને ખૂબ જ સારો બેટરી બેકઅપ પણ મળે છે. આ સિવાય તમને 70W ફાસ્ટ ચાર્જિંગ પણ મળશે. એટલે કે તમને સારો બેટરી બેકઅપ તો મળવાનો જ છે. આ સાથે તમારે ચાર્જિંગ કરવા માટે વધુ સમય પણ નહીં આપવો પડશે. MediaTek Dimension 6080+ 5G ગેમિંગ પ્રોસેસરને ધ્યાનમાં રાખીને કહી શકાય કે, ફોનની સ્પીડ પણ ઘણી સારી છે.

હવે વાત કરીએ ફોન ખરીદવા માટે તમારે કેટલા પૈસા ખર્ચવા પડશે. તમે તેને સરળતાથી ઓનલાઈન ઓર્ડર કરી શકો છો. 12GB રેમ (+12GB એક્સપાન્ડેબલ રેમ) અને 256GB સ્ટોરેજ સાથે, તમારે તેને ખરીદવા માટે 17,999 રૂપિયા ખર્ચવા પડશે. તેનો અર્થ એ કે, તમને ઓછી કિંમતે શાનદાર ફીચર્સ આપવામાં આવી રહ્યા છે, જે તમને ખૂબ જ અલગ અહેસાસ આપશે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.