ટેલિકોમ રેગ્યુલેટરી ઓથોરિટી ઓફ ઈન્ડિયા હવે મોબાઈલ કોલ પર નવા નિયમોમાં ફેરફાર કરી રહી છે, જે તમારા માટે જાણવું ખૂબ જ જરૂરી છે, જો તમે પણ મોબાઈલ ફોન પર કોલ કરો છો, તો તમારા માટે આ જાણવું ખૂબ જ જરૂરી છે કે, સરકાર આના માટે કયા નવા નિયમો લાવી રહી છે, નિયમ TRAIનો છે આ નિયમ સરકાર દ્વારા યુઝરની સુરક્ષા સુનિશ્ચિત કરવા અને દેશમાં વધી રહેલી છેતરપિંડી રોકવા માટે લાવવામાં આવી રહી છે.
સરકાર મોબાઈલ કોલિંગમાં સતત ફેરફાર કરતી રહે છે. હવે ટેલિકોમ રેગ્યુલેટરી ઓથોરિટી ઓફ ઈન્ડિયા (TRAI) દ્વારા નવો નિર્ણય લેવામાં આવી રહ્યો છે. આ અંગે ટ્રાઈ દ્વારા ટેલિકોમ કંપનીઓને પૂછવામાં પણ આવ્યું છે. આ પછી, વપરાશકર્તાઓ માટે છેતરપિંડીનો ભોગ બનવું લગભગ અશક્ય થઇ જશે. કારણ કે હવે બહુ જલ્દી ફોન નંબરની સાથે નામ પણ જોવા મળશે. એક રીતે આ ફીચર ટ્રુ કોલરની જેમ કામ કરશે.
ટ્રાઈએ ટેલિકોમ કંપનીઓને આ માટે યુઝર્સ પાસેથી પરવાનગી લેવા કહ્યું છે. એકવાર પરવાનગી આપવામાં આવે, પછી વપરાશકર્તાઓ મોબાઇલ સ્ક્રીન પર નંબર સાથે નામ જોશે. એટલે કે અજાણ્યા કોલરના કિસ્સામાં પણ આવું જ થવાનું છે. તેની મદદ સાથે, છેતરપિંડી થવાની સંભાવના પણ નોંધપાત્ર રીતે ઘટાડે છે. કૌભાંડ કરતા પહેલા કોઈ વિચારશે નહીં અને તમે પણ સજાગ રહેશો.
ટ્રાઈ દ્વારા આ સુવિધાને 'કોલિંગ નેમ પ્રેઝન્ટેશન (CNAP)' નામ આપવામાં આવ્યું છે. તેના અમલીકરણ માટે સરકાર દ્વારા સતત નિર્ણયો લેવામાં આવી રહ્યા છે. હવે તમે વિચારી રહ્યા હશો કે, નામ કેવી રીતે દેખાશે, તો ચાલો તમને જણાવી દઈએ કે, આ સુવિધા ટેલિકોમ કંપનીઓ દ્વારા આપવામાં આવશે. આ લાભ મેળવવા માટે, વપરાશકર્તાઓ પાસેથી પરવાનગી લેવામાં આવશે. હજુ તેનો સંપૂર્ણ અમલ થયો નથી. ટેલિકોમ કંપની આના પર કામ કરી રહી છે, તમામ તૈયારીઓ પૂરી થતાં જ યુઝર્સને તેનો ફાયદો મળવા લાગશે અને જો સ્કેમર્સ નહીં સુધરશે તો હવે તેમણે સજા માટે તૈયાર રહેવું પડશે.
એકવાર આ નિયમો લાગુ થયા પછી, અનિચ્છનીય કૉલ્સ અને નકલી કૉલ્સથી છૂટકારો મેળવવો સરળ બનશે. એકવાર કોલિંગ નેમ પ્રેઝન્ટેશન સર્વિસ એક્ટિવેટ થઈ જાય પછી ગ્રાહકો અજાણ્યા કોલરનું નામ સીધું જોઈ શકશે. તેની મદદથી તમે ફ્રોડ કોલથી પણ બચી શકશો. પરંતુ તેનો સૌથી મોટો ફાયદો એ છે કે તે સ્પામ પણ શોધી કાઢશે. જોકે, હજુ સુધી એ સ્પષ્ટ નથી થયું કે, બિઝનેસ કે કંપનીના કોલનું નામ પણ મોબાઈલ સ્ક્રીન પર દેખાશે કે નહીં.
