શું ભવિષ્યમાં સ્માર્ટફોન ખતમ થઇ જશે? એલોન મસ્કે આપ્યો ચોંકાવનારો જવાબ

આ વર્ષે જાન્યુઆરીમાં, એલોન મસ્કની કંપની ન્યુરાલિંકે અહેવાલ આપ્યો હતો કે, તેઓએ પ્રથમ વખત માનવ મગજમાં સફળતાપૂર્વક ચિપનું પ્રત્યારોપણ કર્યું હતું. આ ચિપ 29 વર્ષીય નોલેન્ડ અર્બોગમાં ઇમ્પ્લાન્ટ કરવામાં આવી હતી, જે અકસ્માતમાં ખભા પરથી નીચેના ભાગને હલાવી શકવામાં અસમર્થ થઇ ગયો હતો. 28 જાન્યુઆરીએ સર્જરી થઈ અને બે દિવસ પછી નોલેન્ડની તબિયત સારી હોવાનું જાણવા મળ્યું. 100 દિવસ પૂરા થવા પર, ન્યુરાલિંકે તેમની પ્રગતિનો અહેવાલ પણ શેર કર્યો. મસ્કે અનેક ટ્વિટમાં દર્દીના સ્વસ્થ થવાની માહિતી પણ આપી હતી. હવે ન્યુરાલિંકના વડા કહે છે કે, ભવિષ્યમાં ફોન નહીં હોય, પરંતુ ન્યુરાલિંકનો ઉપયોગ કરનારા લોકો દુનિયા ચલાવશે.

એલોન મસ્કે સોશિયલ મીડિયા પર મજાકમાં કહ્યું છે કે, ભવિષ્યમાં ફોન નહીં હોય, બલ્કે લોકો પોતાના મગજથી વસ્તુઓને સીધી રીતે નિયંત્રિત કરી શકશે. તેણે ટ્વિટર પર પોતાના ફેક એકાઉન્ટનો જવાબ આપતાં આ વાત કહી. હકીકતમાં, તે નકલી એકાઉન્ટે એક તસવીર પોસ્ટ કરી હતી, જેમાં એલન મસ્ક ફોન પકડીને બેઠા હતા અને તેના કપાળ પર ન્યુરાલિંક જેવી ડિઝાઇન બનાવવામાં આવી હતી.

તે તસવીરની સાથે ફેક એકાઉન્ટે એક સવાલ પણ પૂછ્યો હતો કે, 'શું તમે તમારા મગજમાં ન્યુરાલિંક ઇન્સ્ટોલ કરવા અને તમારા નવા X ફોનને તમારા વિચારથી જ કંટ્રોલ કરવા માંગો છો?'

દરમિયાન, ન્યુરાલિંક અન્ય એવા વ્યક્તિની શોધમાં છે, જે તેના મગજની ચિપથી કમ્પ્યુટર અને ફોન બંનેને નિયંત્રિત કરવા ઇમ્પ્લાન્ટ કરાવવા માંગે છે. એલોન મસ્કે થોડા સમય પહેલા ટ્વીટ કર્યું હતું કે, 'ન્યુરાલિંક બીજા વ્યક્તિ માટે અરજીઓ સ્વીકારી રહી છે. આ અમારું ટેલિપેથી સાયબરનેટિક બ્રેઇન ઇમ્પ્લાન્ટ છે, જે તમને તમારા ફોન અને કોમ્પ્યુટરને ફક્ત વિચારીને નિયંત્રિત કરવાની મંજૂરી આપે છે. પ્રથમ વ્યક્તિ વિશે કહેવા માટે નોલેન્ડ (@ModdedQuad) કરતાં શ્રેષ્ઠ કોઈ નથી. ન્યુરાલિંકે તેના પ્રથમ દર્દીનો વિડિયો પણ શેર કર્યો અને કેપ્શનમાં કહ્યું કે, તેઓ તેમના ક્લિનિકલ ટ્રાયલ માટે સહભાગીઓને શોધી રહ્યા છે.

આ વર્ષે માર્ચમાં, ન્યુરાલિંકના અધિકૃત પૃષ્ઠે તેના પ્રથમ દર્દીની પ્રગતિ બતાવવા માટે એક લાઇવ વિડિયો સ્ટ્રીમ કર્યો હતો. વિડિયોમાં, ન્યુરલિંક એન્જિનિયરે નોલેન્ડ આર્બૉગને ટેસ્ટમાં સામેલ કંપનીના પ્રથમ વ્યક્તિ તરીકે દર્શાવ્યા હતા. 29 વર્ષીય નોલેન્ડે વીડિયોમાં જણાવ્યું કે, લગભગ 8 વર્ષ પહેલા એક અકસ્માતને કારણે તેના ખભાથી નીચેનો ભાગ કામ કરી શકતો ન હતો. આ પછી તેણે કહ્યું કે, ન્યુરાલિંક ટેક્નોલોજીના કારણે તે હવે ચેસ રમી શકે છે, જે તેને ખૂબ જ પસંદ છે, પરંતુ અત્યાર સુધી તે એકલા રમી શકતો ન હતો.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.