દુનિયાની પહેલી બાયોનિક આંખ બનીને તૈયાર, નેત્રહીન પણ ચોખ્ખું જઇ શકશે

દુનિયાભરના વૈજ્ઞાનિકો નેત્રહીન વ્યક્તિઓનો ઇલાજ શોધવા માટે રિસર્ચ કરી રહ્યા છે. અત્યાર સુધીમાં સામે આવેલા જુદા જદા બાયોનિક સમાધાન મોટા પાયા પર નેત્રહીન વ્યક્તિઓની મદદ કરવા માટે સક્ષમ થયા નથી. જો કે ઓસ્ટ્રેલિયાના મેલબોર્નમાં આવેલી મોનાશ યુનિવર્સ્ટીની ટીમે દાવો કર્યો છે કે તેમણે એક એવી સિસ્ટમ બનાવી છે જેના કારણે નેત્રહીન લોકો પણ ફરીથી જોતા થઇ શકે છે. તેમના કહેવા મુજબ આ દુનિયાની પહેલી બાયોનિક આંખ છે.

'જેનારિસ બાયોનિક વિઝન સિસ્ટમ' નામની બાયોનિક આંખનો વિકાસ લગભગ એક દશકથી ચાલી રહ્યો છે.જે ક્ષતિગ્રસ્ત ઓપ્ટિક ચેતાને બાયપાસ કરીને રેટિનામાંથી મગજના વિઝન સેન્ટરમાં સિગ્નલો પ્રસારિત કરવાની મંજૂરી આપે છે. યૂઝરને એક કસ્ટમ-ડિઝાઇન કરેલ હેડગિયર પહેરવું પડશે જેમાં કેમેરા અને વાયરલેસ ટ્રાન્સમીટર ઇન્સ્ટોલ કરેલું છે. મગજમાં 9 mm ટાઇલ્સનો સમૂહ રોપવામાં આવે છે જે ઉપરોક્ત રીસીવરમાંથી સંકેતો મેળવે છે.

મોનાશ યુનિવર્સિટીના ઇલેકટ્રિકલ અને કમ્પ્યુટર સિસ્ટમ એન્જિનિયરીંગ વિભાગના પ્રોફેસર આર્થર લોરીએ એક નિવેદનમાં કહ્યુ કે, અમારી ડિઝાઇન પ્રકાશના 172 સ્થાનોના સંયોજનથી એક દ્રશ્ય પેટર્ન બનાવે છે જે વ્યક્તિને ઘરની અંદર અને બહાર નેવિગેટ કરવા માટે જાણકારી પુરી પાડે છે જેનાથી લોકો વાતાવરણ, તેમની આસપાસના લોકો અને વસ્તુઓની ઉપસ્થિતિને ઓળખી શકે. આ ઉપરાંત, સંશોધકો લિંબ પેરોલિસિસ, ક્વાડ્રિપ્લેજિયા જેવી અસાધ્ય ન્યુરોલોજીકલ પરિસ્થિતિઓથી પીડાતા લોકોને મદદ કરવા માટે તેમની સિસ્ટમને આગળ વધારવાનું વિચારી રહ્યા છે.

જો આમા સફળતા મળશે તો મોનશ વિઝન ગ્રુપની ટીમ એક નવા કોર્મશિયલ એન્ટ્રપ્રાઇઝ બનાવવા પર ધ્યાન કેન્દ્રીત કરશે, જે સારવાર કરી શકાય તેવા અંધત્વથી પીડિત લોકોને દ્રષ્ટિ પ્રદાન કરશે અને ક્વાડ્રિપ્લેજિયાથી લકવાગ્રસ્ત લોકોના હાથને હલનચલન પ્રદાન કરશે, તેમની આરોગ્ય સંભાળમાં પરિવર્તન લાવશે, આ સિસ્ટમ સાથે, જેઓ તેમની દ્રષ્ટિ ગુમાવી ચૂક્યા છે તેમના માટે ટનલના અંતે થોડો પ્રકાશ છે અને તેઓ બાયોનિક આંખ દ્વારા વસ્તુઓ જોઈ અથવા અનુભવી શકે છે.

સંશોધકોએ ઘેટાંમાં જ્યાં તે સુરક્ષિત રીતે તેમના મગજમાં રોપવામાં આવી હતી ત્યાં ન્યૂનતમ આડઅસરો સાથે આ આંખના સફળ પરિણામો જોયા છે. હવે તેઓ તેને પ્રથમ માનવ ક્લિનિકલ ટ્રાયલ માટે આગલા સ્તર પર લઈ જવાની તૈયારી કરી રહ્યા છે, જે મેલબોર્નમાં હાથ ધરવામાં આવે તેવી અપેક્ષા છે. જો આ ટેક્નોલોજી માનવીઓ પર સફળ થશે તો અંધ લોકો માટે સામાન્ય માનવીઓની જેમ દુનિયા જોવાનું સરળ બની જશે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.