Xiaomiએ લોન્ચ કરી ઈલેક્ટ્રિક કાર, 800 Kmની રેન્જ-શાનદાર સ્પીડ, કિંમત જાણી લો

સ્માર્ટફોનની સાથે ઘણા લોકપ્રિય ગેજેટ્સ બનાવતી કંપની Xiaomiએ પણ લાંબી રાહ જોયા પછી પોતાની ઇલેક્ટ્રિક કાર લોન્ચ કરી છે. Xiaomi SU7 અને Xiaomi SU7 Max નામની બે ઇલેક્ટ્રિક કાર લોન્ચ કરવામાં આવી છે. Xiaomi SU7 2.78 સેકન્ડમાં 0-100 kmphથી વેગ આપે છે અને તેની ટોપ સ્પીડ 210 km/h છે.

Xiaomi, કંપની કે જેણે Mi અને Redmi જેવી બ્રાન્ડના સ્માર્ટફોન વડે વિશ્વભરના ગ્રાહકોના દિલ જીતી લીધા છે, હવે તેણે ઇલેક્ટ્રિક કાર સેગમેન્ટમાં પણ પ્રવેશ કર્યો છે અને SU7 શ્રેણીની કૂપે સેડાન EV લોન્ચ કરી છે. Xiaomi ઈલેક્ટ્રિક કાર, જે Tesla, Porsche, Audi, BMW અને Mercedes-Benz સહિતની ઘણી લોકપ્રિય કંપનીઓની પ્રીમિયમ ઈલેક્ટ્રિક કારને ટક્કર આપવા માટે આવી છે, તે દેખાવમાં ખૂબ જ અદ્ભુત છે.

Xiaomiએ XiaomiSU7 અને XiaomiSU7 Max લોન્ચ કર્યા છે. કંપની તરફથી પોસ્ટ કરવામાં આવ્યું છે કે, XiaomiSU7 એ એક મહત્વપૂર્ણ પ્રગતિ કરી છે. કારણ કે, Xiaomiએ Human x Car, x Home સ્માર્ટ ઇકોસિસ્ટમને સ્માર્ટફોન ઉદ્યોગથી લઈને ઓટોમોટિવ સેક્ટર સુધી પૂર્ણ કરી રહ્યું છે.  Xiaomi SU7 હંમેશા તે લોકો સાથે મુસાફરી કરશે જેઓ તેમના સપનાને અનુસરે છે.

કંપની અનુસાર, Xiaomi SU7 Max 2.78 સેકન્ડમાં 0-100 કિલોમીટર પ્રતિ કલાકની ઝડપે તેની ઝડપ પકડી લે છે. Xiaomi SU7 0-100 kmphથી 5.28 સેકન્ડમાં 0-100 કિલોમીટર પ્રતિ કલાકની ઝડપે તેની ઝડપ પકડી લે છે. SU7ની ટોપ સ્પીડ 210 km/h છે અને SU7Maxની ટોપ સ્પીડ 265 km/h છે. આ એક જ ચાલ સાથે, સત્તાવાર રીતે '2S સુપરકાર ક્લબ'માં જોડાય ગઈ છે.

Xiaomiએ કહ્યું છે કે કંપનીની નવી ઈલેક્ટ્રિક કાર ત્રણ કલર વેરિઅન્ટમાં ઉપલબ્ધ હશે- એક્વા બ્લુ, મિનરલ ગ્રે અને વર્ડન્ટ ગ્રીન. EVમાં વપરાતી પાંચ મુખ્ય તકનીકો છે E-મોટર્સ, બેટરી, હાઇપરકાસ્ટિંગ, ઓટોનોમસ ડ્રાઇવિંગ અને સ્માર્ટ કેબિન. તેમની કિંમતો પણ આગામી સમયમાં જાહેર કરવામાં આવશે. એવું કહેવામાં આવી રહ્યું છે કે, SU7ની કિંમત 200,000 Yuan થી 300,000 Yuan (અંદાજે 25 થી 35 લાખ રૂપિયા) વચ્ચે હશે. SU7નું વેચાણ આવતા વર્ષે શરૂ થવાની શક્યતા છે. તેનું ઉત્પાદન ચીનની માલિકીની ઓટોમેકર BAIC ગ્રૂપની બેઇજિંગ ફેક્ટરી દ્વારા 2,00,000 વાહનોની વાર્ષિક ક્ષમતાવાળા ઉત્પાદન એકમમાં કરવામાં આવશે.

અહીં તમને જણાવી દઈએ કે, OnePlus, Vivo, Oppo અને Apple સહિત ઘણી ટેક કંપનીઓ આવનારા સમયમાં ઈલેક્ટ્રિક કાર લોન્ચ કરવાની તૈયારી કરી રહી છે. આવનારા 5 વર્ષોમાં, Xiaomi અને અન્ય ટેક કંપનીઓના EVs ભારતીય રસ્તાઓ પર જોવા મળી શકે છે, જેને કારણે EV સેક્ટરમાં ઘણી બધી હરીફાઈ જોવા મળી શકે છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.