Xiaomiએ લૉન્ચ કર્યો તેનો સૌથી સસ્તો 5G ફોન Redmi 13C, કિંમત માત્ર આટલા રૂપિયા

રેડમીએ ભારતમાં પોતાનો નવો બજેટ સ્માર્ટફોન Redmi 13C લોન્ચ કર્યો છે. આ ફોનને 4G અને 5G બંને વેરિએન્ટમાં લોન્ચ કરવામાં આવ્યો છે. બંને સ્માર્ટફોન ભારતમાં Xiaomiની સત્તાવાર વેબસાઇટ અને Amazon દ્વારા ઉપલબ્ધ થશે. કંપનીની C-સિરીઝમાં આ પહેલો 5G સ્માર્ટફોન છે, જે બજેટ રેન્જમાં આવે છે.

આ કંપનીનો સૌથી સસ્તો 5G ફોન છે. બ્રાન્ડે આ ફોનને 4G અને 5G નેટવર્ક વિકલ્પો સાથે લોન્ચ કર્યો છે. ચાલો જાણીએ Redmi 13C ના બંને વેરિયન્ટની કિંમત અને વિશિષ્ટતાઓ.

કંપનીએ તેનું 4G વેરિઅન્ટ ત્રણ કન્ફિગરેશનમાં લોન્ચ કર્યું છે. આ ફોન 4GB RAM + 128GB સ્ટોરેજ, 6GB RAM + 128GB સ્ટોરેજ અને 8GB RAM + 128GB સ્ટોરેજમાં લોન્ચ કરવામાં આવ્યો છે. તેમની કિંમતો અનુક્રમે 7,999 રૂપિયા, 8,999 રૂપિયા અને 10,499 રૂપિયા છે. 5G વેરિઅન્ટ પણ ત્રણ કન્ફિગરેશનમાં આવે છે.

Redmi 13C 5Gના 4GB RAM વેરિઅન્ટની કિંમત 9,999 રૂપિયા, 6GB RAM વેરિઅન્ટની કિંમત 11,499 રૂપિયા અને 8GB RAM વેરિઅન્ટની કિંમત 13,499 રૂપિયા છે. તેનું વેચાણ 16મી ડિસેમ્બરે થશે. સ્માર્ટફોન પર 1000 રૂપિયાનું બેંક ડિસ્કાઉન્ટ ઉપલબ્ધ છે. તમે તેને Startrail Black, Startrail સિલ્વર અને Startrail Greenમાં ખરીદી શકો છો.

Redmi 13C ના 4G અને 5G વેરિઅન્ટ વચ્ચેનો મુખ્ય તફાવત કેમેરા અને પ્રોસેસર છે. આ સિવાય બંને ફોનમાં મોટાભાગના ફીચર્સ કોમન છે. સ્માર્ટફોન 6.74-ઇંચની ડિસ્પ્લે સાથે આવે છે, જે 90Hz રિફ્રેશ રેટને સપોર્ટ કરે છે. જ્યાં 5G વેરિઅન્ટમાં MediaTek Dimensity 6100+ પ્રોસેસર આપવામાં આવ્યું છે. જ્યારે 4G વેરિઅન્ટ MediaTek Helio G85 પ્રોસેસર પર કામ કરે છે.

બંને વેરિઅન્ટ 8GB રેમ અને 128GB સ્ટોરેજ વિકલ્પમાં આવે છે. સ્ટોરેજને માઇક્રો SD કાર્ડની મદદથી વધારી શકાય છે. ઉપકરણ એન્ડ્રોઇડ 13 પર આધારિત MIUI 14 પર કામ કરે છે. 5G વેરિયન્ટમાં 50MP AI ડ્યુઅલ કેમેરા સેટઅપ ઉપલબ્ધ છે.

જ્યારે 4G વેરિઅન્ટમાં 50MP + 2MP + 2MPનો ટ્રિપલ કેમેરા સેટઅપ છે. બંને ફોનમાં 5MP સેલ્ફી કેમેરા છે. ઉપકરણને પાવર આપવા માટે, તેમાં 5000mAh બેટરી અને 18W ચાર્જિંગ સપોર્ટ છે. સુરક્ષા માટે, કંપનીએ સાઇડ માઉન્ટેડ ફિંગરપ્રિન્ટ સેન્સર આપ્યું છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.