સિનિયર સિટીઝન્સ ફોરમના ઉપક્રમે ગ્રાહક સુરક્ષાના કેસોની ચર્ચા નાટ્યરૂપે કરાઇ

સુરત: સિનિયર સિટીઝન્સ ફોરમ સંસ્થા દ્વારા ગ્રાહક સુરક્ષા અભિયાન અંતર્ગત એક અનોખા પ્રકારના કાર્યક્રમનું આયોજન થયું હતુ. જેમાં ગ્રાહક સુરક્ષા અધિનિયમ અન્વયેના ઈન્સ્યુરન્સ, બેંકીગ, બિલ્ડર્સ અને ટુર્સ/ટ્રાવેલ્સ સંબંધિત કેસીસનું નાટય રૂપે સ્ટેજ પર સર્વ નરેશ કાપડીયા, દિલીપ ધાસવાલા, યામિની વ્યાસ અને જીગીશા દેસાઈ દ્વારા મંચન કરાયું હતુ અને પ્રત્યેક કેસના નાટય-મંચનના અંતે ગ્રાહક સુરક્ષાના નિષ્ણાંત વકીલો શ્રેયસ દેસાઈ, પ્રાચી અર્પિત દેસાઈ તથા ઈશાન દેસાઈ દ્વારા જે-તે કેસોના સંજોગોમાં ગ્રાહકે શું-શું કાળજીઓ લેવી જોઈએ તે બાબતે અને ગ્રાહક સુરક્ષા અધિનિયમ અંતર્ગત ન્યાય મેળવવા કઈ રીતે કાર્યવાહી થઈ શકે તે અંગે માર્ગદર્શન અપાયું હતું.

જીવન ભારતીના રંગભવન ખાતે ખીચો-ખીચ ભરાયેલા હોલમાં પ્રક્ષકોએ આ કાર્યક્રમ છેલ્લે સુધી રસપૂર્વક માણ્યો હતો. કોર્ટ કેસોનું નાટયસ્વરૂપે મંચન કરીને ગ્રાહકોને માર્ગદર્શન આપવાનો આ પ્રકારનો ગુજરાત રાજયમાં પ્રથમ જ પ્રયોગ હતો. સિનિયર સિટીઝન્સ ફોરમના પ્રમુખ રશ્મીભાઈ શાહ તેમજ ઉપપ્રમુખ એ.કે.ત્રિવેદીએ પ્રાસંગિક વિધિઓ કરી હતી તેમજ હાલમાં જ એલ.એલ.એમ. ફર્સ્ટ કલાસ થયેલ એડવોકેટ પ્રાચી દેસાઈ અને અર્પિત દેસાઈનું સંસ્થા દ્વારા સ્મૃતિ ભેટ આપી અભિવાદન પણ કરાયું હતું.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.