શું LSG ટીમના 10 કરોડ રૂ. બાકી છે? મામલો બહાર આવ્યા પછી UP પોલીસે સત્ય જણાવ્યું

ઈન્ડિયન પ્રીમિયર લીગ (IPL) 2024 રમી રહેલી લખનઉ સુપર જાયન્ટ્સ (LSG) ટીમને લઈને UP પોલીસે નવું નિવેદન આપ્યું છે. લખનઉની ટીમને લઈને કેટલાક મીડિયા રિપોર્ટ્સમાં દાવો કરવામાં આવ્યો હતો કે, તેમની પાસે 10 કરોડ રૂપિયા બાકી છે. હવે આ સમગ્ર મામલો વાયરલ થયા પછી UP પોલીસનું નિવેદન સામે આવ્યું છે. જેમાં મામલાની સત્યતા જણાવવામાં આવી છે.

હકીકતમાં, મીડિયા રિપોર્ટમાં એવો દાવો કરવામાં આવ્યો હતો કે, IPLની લખનઉ સુપર જાયન્ટ્સ (LSG) ટીમે લખનઉ પોલીસને સુરક્ષા ચૂકવણી તરીકે 10 કરોડ રૂપિયા ચૂકવ્યા નથી. UP સરકારના ગૃહ વિભાગે પણ બાકી રકમ વસૂલવા માટે કોઈ પ્રયાસો કર્યા ન હતા, જ્યારે લખનઉમાં 7 મેચ રમાઈ હતી. હવે આ સમગ્ર અહેવાલ પર UP પોલીસ દ્વારા સ્પષ્ટતા આપવામાં આવી છે. UP પોલીસે મામલાની સત્યતા જણાવી છે.

જોઈન્ટ સીપી લો એન્ડ ઓર્ડર (JCP Law ઓર્ડર) ઉપેન્દ્ર કુમાર અગ્રવાલે કહ્યું કે, આ માહિતી સાચી નથી. પોલીસે લખનઉ સુપર જાયન્ટ્સને E-બિલ મોકલ્યું નથી. અમે ગણતરી કરી રહ્યા છીએ કે, LSG મેચમાં કેટલા લોકો (પોલીસ ફોર્સ) તૈનાત હતા. ત્યાર પછી જ લખનઉ પોલીસ બિલ LSGના મેનેજમેન્ટને મોકલશે. પોલીસ ચૂંટણી તૈનાતમાં વ્યસ્ત છે, પાંચમા તબક્કા એટલે કે મતદાન પછી બિલ લખનઉ મોકલવામાં આવશે.

હકીકતમાં, આ રિપોર્ટ આવ્યા પછી, યુઝર્સે સોશિયલ મીડિયા પર ઘણા પ્રશ્નો ઉઠાવ્યા હતા. ઘણા ક્રિકેટ ચાહકોએ આ અહેવાલને સાચો ગણાવ્યો અને તેને ભ્રષ્ટાચાર ગણાવ્યો. ઘણા લોકોએ આ અંગે સોશિયલ મીડિયા પર LSGના માલિક સંજીવ ગોયન્કાને નિશાન પણ બનાવ્યા હતા.

જ્યારે IPL 2024માં લખનઉ સુપર જાયન્ટ્સ ટીમની હાલત હવે કફોડી દેખાઈ રહી છે. લખનઉની ટીમે આ IPL 2024માં અત્યાર સુધી 12 માંથી 6 મેચ જીતી છે, તે પોઈન્ટ ટેબલમાં છઠ્ઠા સ્થાન પર છે. તેની પ્લેઓફમાં પહોંચવાની શક્યતા હવે આગળની તમામ મેચો જીતવા અને અન્ય ટીમના પરિણામો પર નિર્ભર રહેશે. હકીકતમાં, 8મી મેના રોજ રમાયેલી મેચમાં લખનઉ સુપર જાયન્ટ્સનો સનરાઇઝર્સ હૈદરાબાદ સામે શરમજનક પરાજય થયો હતો. આ મેચ પછી LSGના માલિક સંજીવ ગોયન્કા દ્વારા KL રાહુલ સાથે કરવામાં આવેલ ગેરવર્તણૂક પણ સમાચારોમાં રહી હતી.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.