અદાણીએ આ ક્રિકેટર તરફ લંબાવ્યો હાથ, કહ્યું- તમારી વાર્તા સાંભળી હું ભાવુક થયો

જો તમારામાં હિંમત હોય તો તમને તમારા સપના પૂરા કરતા કોઈ રોકી નહીં શકે. જમ્મુ-કાશ્મીરના આમિર હુસૈન નામના વ્યક્તિએ આ વાત સાચી પાડી છે. તેના બંને હાથ ન હોવા છતાં પણ તે શક્તિશાળી છગ્ગો ફટકારે છે. 26 વર્ષીય હુસૈન કાશ્મીરની પેરા ક્રિકેટ ટીમનો કેપ્ટન છે.

ગૌતમ અદાણીએ બિજબેહરાના વાઘામા ગામના 34 વર્ષીય વિકલાંગ ક્રિકેટર આમિર હુસૈનને મદદનો હાથ લંબાવ્યો છે. ગૌતમ અદાણીએ સોશિયલ મીડિયા પ્લેટફોર્મ X પર લખ્યું કે, આમિરની આ ઈમોશનલ સ્ટોરી અદ્ભુત છે. અમે તમારી હિંમત, રમત પ્રત્યેના સમર્પણ અને પ્રતિકૂળ સંજોગોમાં ક્યારેય હાર ન માનવાની ભાવનાને સલામ કરીએ છીએ.

ગૌતમ અદાણીએ વધુમાં લખ્યું કે, અદાણી ફાઉન્ડેશન ટૂંક સમયમાં આમિરનો સંપર્ક કરશે અને તેને મદદ કરવા માટે તમામ શક્ય પ્રયાસો કરશે. છેલ્લે સોશિયલ મીડિયા પ્લેટફોર્મ X પર લખ્યું કે, તમારો સંઘર્ષ અમારા માટે પ્રેરણારૂપ છે. અહીં તમને જણાવી દઈએ કે, આમિર હુસૈન હાલમાં જમ્મુ-કાશ્મીરની પેરા ક્રિકેટ ટીમનો કેપ્ટન છે.

આમિર 2013થી ક્રિકેટ રમી રહ્યો છે. એક શિક્ષકે તેની ક્રિકેટ પ્રતિભાને ઓળખી અને તેને પેરા ક્રિકેટનો પરિચય કરાવ્યો. આ પછી તે ભારતીય પેરા ક્રિકેટ ટીમ સાથે જોડાયો. તે તેના પગનો ઉપયોગ કરીને બોલિંગ કરે છે અને તેના ખભા અને ગરદન વચ્ચે બેટ પકડીને રમે છે.

પેરા ક્રિકેટ ટીમના કેપ્ટન આમિર હુસૈન આઠ વર્ષના હતા ત્યારે તેમની સાથે એક દુ:ખદ અકસ્માત થયો હતો. આઠ વર્ષની ઉંમરે, તે તેના પિતાની મિલમાં કામ કરતો હતો અને તે દરમિયાન એક અકસ્માત થયો જેમાં તેણે પોતાના બંને હાથ ગુમાવ્યા. પિતા બશીર અહેમદ બેટ બનાવવાની ફેક્ટરીમાં કામ કરતા હતા. તેણે પોતાના પુત્રનો જીવ બચાવવા માટે બધું વેચી નાખ્યું. પાંચ ભાઈ-બહેનોમાં હુસૈન બીજા નંબરે છે. તેને ત્રણ ભાઈઓ અને એક નાની બહેન છે.

आमिर की यह भावुक कर देने वाली कहानी अद्भुत है!

हम आपकी हिम्मत, खेल के प्रति निष्ठा और विपरीत परिस्थिति में भी कभी ना हार मानने वाले जज्बे को प्रणाम करते हैं।@AdaniFoundation आपसे शीघ्र संपर्क कर इस बेमिसाल सफर में आपका हर संभव सहयोग करेगा।

आपका संघर्ष, हम सबके लिए प्रेरणा है। https://t.co/LdOouyimyK

— Gautam Adani (@gautam_adani) January 13, 2024

ત્રણ વર્ષ સુધી હોસ્પિટલમાં રહ્યા પછી હુસૈને પોતાનું જીવન નવેસરથી શરૂ કર્યું અને દાદીની મદદથી તેણે અપંગ લોકોની જેમ કામ કરવાનું શરૂ કર્યું. મારા પગ વડે વસ્તુઓ ઉપાડવાનું શરૂ કર્યું. પાણીનો ગ્લાસ હોઠ વડે પકડીને, પગ વડે કાંસકો પકડીને વાળ ઓળવા લાગ્યો. હુસૈનના કહેવા પ્રમાણે, 'બધું કામ જાતે કરવામાં મને લગભગ બે વર્ષ લાગ્યાં. હવે મોટા ભાગનું કામ હું જાતે જ કરું છું.' હવે હુસૈન પેન્સિલને પગથી પકડીને લખે છે અને પેઇન્ટ પણ કરે છે. તેણે 12મા સુધીનો અભ્યાસ પણ કર્યો છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.