વર્લ્ડ કપ તો જીતી ગયા પણ હવે T20 મેચ જોવી પહેલા જેવી નહીં હોય

ભારતીય ટીમે શનિવારે દક્ષિણ આફ્રિકન ટીમને હરાવતા T20 વર્લ્ડ કપની ટ્રોફી પોતાના નામે કરી લીધી છે. તેને લઈને દેશભરમાં સેલિબ્રેશનનો માહોલ છે. આ દરમિયાન એક એક કરીને 2 ભારતીય ક્રિકેટરોએ T20 ઇન્ટરનેશનલ ક્રિકેટ ફોર્મેટથી સંન્યાસની જાહેરાત કરી દીધી. પહેલા વિરાટ કોહલીએ કહ્યું કે, આ તેની અંતિમ T20 ક્રિકેટ મેચ હતી, તો તેના થોડા સમય બાદ કેપ્ટન રોહિત શર્માએ પણ T20 ક્રિકેટમાંથી સંન્યાસની જાહેરાત કરી દીધી.

ICCએ પણ પોતાના સત્તાવાર સોશિયલ મીડિયા હેન્ડલ પર તેની જાણકારી આપી. ICCએ લખ્યું કે, વિરાટ કોહલી બાદ કેપ્ટન રોહિત શર્માએ પણ T20 ઇન્ટરનેશનલમાંથી સંન્યાસ લેવાનો નિર્ણય લીધો છે. 37 વર્ષીય રોહિત શર્માની કેપ્ટન્સીમાં ભારતીય ટીમે શનિવારે ઇતિહાસ રચી દીધો. ભારતે T20 વર્લ્ડ કપ પોતાના નામે કરી લીધો છે. તેની સાથે જ ભારતે ચોથી વખત કોઈ વર્લ્ડ કપ (વન-ડે, T20) ટ્રોફી જીતી છે. ભારતીય ટીમે ફાઇનલ મેચમાં દક્ષિણ આફ્રિકન ટીમને 7 રનથી હરાવી દીધી. આ જીત સાથે જ 140 કરોડ ભારતીયોને સેલિબ્રેશન માનવવાનો સોનેરી અવસર આપ્યો, પરંતુ ત્યારબાદ ક્રિકેટ ફેન્સને કોહલી અને રોહિતના T20થી સંન્યાસથી ઝટકો પણ લાગ્યો.

Following Virat Kohli, skipper Rohit Sharma has also decided to call it quits from T20Is 🫡#T20WorldCuphttps://t.co/SiGDxWg4HN

— ICC (@ICC) June 29, 2024

મેચ બાદ રોહિતે પ્રેસ કોન્ફરન્સ દરમિયાન કહ્યું કે, આ મારી અંતિમ મેચ પણ હતી. અલવિદા કહેવા તેનાથી સારો સમય નહીં હોય શકે. હું તેને (ટ્રોફી) ઈચ્છતો હતો. તેને શબ્દોમાં વ્યક્ત કરવું મુશ્કેલ છે. હું એ જ ઈચ્છતો હતો અને એવું જ થયું. હું પોતાના જીવનમાં તેના માટે ખૂબ ઉત્સુક હતો. ખુશી છે કે આ વખત અમે સીમા પર કરી લીધી. રોહિત શર્માએ 159 T20 ઇન્ટરનેશનલ મેચોમાં ભારત માટે 32.05ની એવરેજ અને 140.89ની સ્ટ્રાઈક રેટથી 4231 રન બનાવ્યા.

તેના નામે T20 ઇન્ટરનેશનલમાં 5 સદી અને 32 અડધી સદી છે. આ ફોર્મેટમાં તેનો મહત્તમ સ્કોર નોટ આઉટ 121 રન છે. તે વર્ષ 2007માં T20 વર્લ્ડ કપ જીતનારી ટીમનો પણ હિસ્સો હતો અને તે ભારતનો એકમાત્ર એવો ખેલાડી છે જેણે ભારત માટે 2 T20 વર્લ્ડ કપ જીત્યા છે. રોહિતે ભારત માટે પોતાનું T20 ડેબ્યૂ 2007ના વર્લ્ડ કપમાં ઇંગ્લેન્ડ સામેની મેચથી કર્યો હતો. 2022ના T20 વર્લ્ડ કપમાં પણ ભારતે ટીમ રોહિત શર્માના નેતૃત્વમાં મેદાનમાં ઉતરી હતી, પરંતુ સેમીફાઇનલમાં ટીમને ઇંગ્લેન્ડ વિરુદ્ધ હારનો સામનો કરવો પડ્યો હતો.

તેના એક વર્ષ બાદ રોહિતના નેતૃવ્યમાં ટીમ ઘરેલુ મેદાન પર વન-ડે વર્લ્ડ કપની ફાઇનલ સુધી પહોંચી અને અમદાવાદમાં રમાયેલી મેચમાં ઓસ્ટ્રેલિયા સામે હારી ગઈ. વિરાટ કોહલીએ પણ શનિવારે T20 વર્લ્ડ કપની ફાઇનલ જીત્યા બાદ કહ્યું કે, આ અમારો છેલ્લો T20 વર્લ્ડ કપ હતો. આ એ જ હતો જએ અમે હાંસલ કરવા માગતા હતા. એક દિવસ તમને લાગે છે કે તમે રન નહીં બનાવી શકો અને એવું થઈ જાય છે. બસ અવસર હતો. અત્યારે કે ક્યારેય નહીં જેવી સ્થિતિ. આ ભારત માટે મારી છેલ્લી T20 મેચ હતી. અમે આ કપને ઉઠાવવા માગતા હતા.

તેણે કહ્યું કે, હા મેં જીત્યો છે, આ એક ખુલ્લુ રહસ્ય હતું. એવું કંઇ નહોતું જેને હું હરાવા પર પણ જાહેર કરવાનો નહોતો. આગામી પેઢી માટે T20 રમતને આગળ લઈ જવાનો સમય આવી ગયો છે. અમારા માટે T20 ટૂર્નામેન્ટ જીતવાનો લાંબો ઇંતજાર રહ્યો છે. તમે રોહિત જેવા કોઈ ખેલાડીને જુઓ, તેણે 9 T20 વર્લ્ડ કપ રમ્યા છે અને આ મારો છઠ્ઠો છે. તે તેનો હકદાર છે. કોહલીએ કુલ 125 T20 મેચ રમી છે. આ દરમિયાન તેણે 48.69ની એવરેજથી 137.04ની સ્ટ્રાઈક રેટથી 4188 રન બનાવ્યા. T20માં તેના નામે 1 સદી અને 38 અડધી સદી સામેલ છે. આ ફોર્મેટમાં તેમણે કુલ 124 છગ્ગા અને 369 ચોગ્ગા લગાવ્યા.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.