BCCIએ ટેસ્ટ રમતા ખેલાડીઓ માટે તિજોરી ખોલી, મેચ ફી સિવાય પ્રોત્સાહનની જાહેરાત કરી
![](https://khabarchhe.com/uploads/mc_path/170998915871.jpg)
ભારતીય ક્રિકેટ ટીમે ધર્મશાલામાં રમાયેલી પાંચમી અને છેલ્લી ટેસ્ટ મેચમાં ઈંગ્લેન્ડને એક દાવ અને 64 રને હરાવીને મોટી જીત મેળવી અને 5 મેચની શ્રેણી પણ 4-1થી જીતી લીધી હતી. રોહિત શર્મા એન્ડ કંપનીએ પ્રથમ ટેસ્ટ હાર્યા પછી સતત 4 ટેસ્ટ મેચ જીતીને ઈતિહાસ રચ્યો હતો. 112 વર્ષમાં આ પ્રથમ વખત છે, જ્યારે કોઈ ટીમે શ્રેણીની પ્રથમ ટેસ્ટ હાર્યા પછી સતત 4 ટેસ્ટ મેચ જીતી હોય. ભારતીય ક્રિકેટ કંટ્રોલ બોર્ડ (BCCI)ને પણ ટીમ ઈન્ડિયાના આ ઐતિહાસિક પ્રદર્શન પર ગર્વ છે. આ જીત પછી તરત જ ટીમ ઇન્ડિયાને મોટો ફાયદો થયો. BCCIએ પાંચમી ટેસ્ટની સમાપ્તિ પછી ભારતીય ખેલાડીઓ માટે તિજોરી ખોલી દીધી હતી. બોર્ડના સચિવ જય શાહે ટેસ્ટ રમી રહેલા ખેલાડીઓ માટે પ્રોત્સાહન રકમની જાહેરાત કરી હતી.
BCCI સેક્રેટરી જય શાહે X.com પર લખ્યું, 'ભારતીય પુરૂષ ક્રિકેટ ટીમના ખેલાડીઓ માટે ટેસ્ટ ક્રિકેટ પ્રોત્સાહન યોજનાની જાહેરાત કરતાં મને આનંદ થાય છે. તેનો ઉદ્દેશ્ય અમારા રમતવીરોને નાણાકીય વૃદ્ધિ અને સ્થિરતા પ્રદાન કરવાનો છે. 2022-23 સીઝનથી શરૂ થનારી, આ 'ટેસ્ટ ક્રિકેટ પ્રોત્સાહક યોજના' ટેસ્ટ મેચો માટેની હાલની મેચ ફી રૂ.15 લાખ ઉપરાંત એક વધારાના મળનારા પુરસ્કારના માળખા તરીકે સેવા આપશે.' જય શાહે તેને 'ટેસ્ટ ક્રિકેટ પ્રોત્સાહન યોજના' તરીકે જાહેર કરી છે, જેમાં ટેસ્ટ ક્રિકેટ પ્રમોશન સ્કીમ નામ આપવામાં આવ્યું છે.
દરેક સિઝનમાં ઓછામાં ઓછી 9 ટેસ્ટ મેચો હોઈ શકે છે, તેથી જો કોઈ ખેલાડી આમાંથી ચાર ટેસ્ટ રમે છે, તો તેને દરેક મેચ માટે 15 લાખ રૂપિયાની વર્તમાન રકમ મળશે, જ્યારે રિઝર્વ ખેલાડીઓને તેનો અડધો ભાગ મળશે. પરંતુ જો તે ઓછામાં ઓછી પાંચથી છ મેચ રમશે, તો શરૂઆતના 11માં સામેલ ખેલાડીની મેચ ફી બમણી થઈને 30 લાખ રૂપિયા થઈ જશે, જેમાં રિઝર્વ ખેલાડીઓને દરેક મેચ માટે 15 લાખ રૂપિયા મળશે.
I am pleased to announce the initiation of the 'Test Cricket Incentive Scheme' for Senior Men, a step aimed at providing financial growth and stability to our esteemed athletes. Commencing from the 2022-23 season, the 'Test Cricket Incentive Scheme' will serve as an additional… pic.twitter.com/Rf86sAnmuk
— Jay Shah (@JayShah) March 9, 2024
સીઝનમાં સાત કે તેથી વધુ મેચો માટે ખેલાડી પ્રારંભિક અગિયારમાં આવતાની સાથે જ તેને દરેક મેચ માટે 45 લાખ રૂપિયાની રકમ મળશે અને રિઝર્વ ખેલાડીઓને 22.5 લાખ રૂપિયા મળશે, જે પ્લેઇંગ ઇલેવનમાં રમી રહેલા ક્રિકેટરની વર્તમાન મેચ ફી (રૂ.15 લાખ) કરતાં વધુ હશે.
નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.
તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.
ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp