ફરી એક વખત સંન્યાસ પરત લેવા તૈયાર છે સ્ટોક્સ, જણાવ્યું કોના કહેવા પર કરશે એમ

ઇંગ્લેન્ડની ટેસ્ટ ટીમના કેપ્ટન બેન સ્ટોક્સે ફરી એક વખત વ્હાઇટ બૉલ ક્રિકેટમાંથી સંન્યાસ પરત લેવાની જાહેરાત કરી દીધી છે. જો કે, તેણે શરત રાખી છે કે તેઓ એક વ્યક્તિના કહેવા પર જ વાપસી કરી શકે છે. મંગળવારે બેન સ્ટોક્સે સંકેત આપ્યા કે તે ઇંગ્લેન્ડની સીમિત ઓવરોની ટીમમાં વાપસી માટે તૈયાર છે. બેન સ્ટોક્સે ગયા વર્ષે ભારતમાં રમાયેલ વન-ડે વર્લ્ડ કપ બાદ એક દિવસીય ઇન્ટરનેશનલ ક્રિકેટમાંથી સંન્યાસ લઈ લીધો હતો. T20 વર્લ્ડ કપ 2024માં તે ઇજાના કારણે રમ્યો નહોતો, પરંતુ હવે તેણે ICC ચેમ્પિયન્સ ટ્રોફી 2025માં રમવાની ઈચ્છા વ્યક્ત કરી છે.

2019 વર્લ્ડ કપની વિજેતા અને 2022 T20 વર્લ્ડ કપની વિજેતા ટીમ ઈંગ્લેન્ડ માટે ફાઇનલમાં શાનદાર પ્રદર્શન કરનાર બેન સ્ટોક્સ અત્યારે પણ ફિટ નથી, પરંતુ તેણે કહ્યું કે, જો ટીમના હેડ કોચ બ્રેન્ડન મેકુલમ ઈચ્છે છે તો તેમના માટે તે તૈયાર રહેશે. ઈંગ્લેન્ડ વર્સિસ ઓસ્ટ્રેલિયા ત્રીજી વન-ડે મેચ દરમિયાન ગ્રાઉન્ડથી સ્કાઈ સ્પોર્ટ્સને આપેલા ઇન્ટરવ્યૂમાં બેન સ્ટોક્સે કહ્યું કે, આ સફેદ બૉલવાળી ટીમ એક નવી દિશામાં આગળ વધી ગઈ છે. આપણે કેટલાક વિશ્વસનીય પ્રતિભાઓને ઊભરતા જોઈ છે, તેમાંથી એકનો ઉલ્લેખ કરવા માગીશ: જેકબ બેથેલ, જે મને લાગે છે કે એક સુપરસ્ટાર બનવા જઇ રહ્યો છે.

બેન સ્ટોક્સે વધુમાં કહ્યું કે, મેં ઈંગ્લેન્ડ માટે ખૂબ સીમિત ઓવરોની ક્રિકેટ રમી છે અને રમતના આ ફોર્મેટમાં મેં જે હાંસલ કર્યું છે તેમાં હું ખૂબ ખુશ અને સંતુષ્ટ છું. જો કોઈ પ્રકારે તેને ટીમમાં સામેલ કરવાની યોજના બને છે તો એ સારી વાત હશે. જો મને ફોન (બ્રેન્ડન મેકુલમ તરફથી) આવે છે અને પૂછવામાં આવે છે કે શું તમે આવીને રમવા માગો છો?’ તો નિશ્ચિત રૂપે હા હશે, પરંતુ જો એમ થતું નથી તો હું વધારે નિરાશ નહીં થાઉં, કેમ કે તેનો અર્થ છે કે કોઈ આવ્યું છે અને વાસ્તવમાં સારું પ્રદર્શન કરી રહ્યું છે. હું બસ આરામથી બેસી શકું છું અને બાકી બધાને બહાર જઈને ધમાકા કરતા જોઈ શકું છું.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.