ભારત-પાકિસ્તાન મેચ માટે અમેરિકાના સ્ટેડિયમમાં આવી ગઈ પીચ, ક્રેનથી લવાઈ
![](https://khabarchhe.com/uploads/mc_path/171457061872.jpg)
ICC T20 વર્લ્ડ કપ 2024 આ વખતે જૂનમાં યોજાશે. આ ટુર્નામેન્ટ વેસ્ટ ઈન્ડિઝ અને અમેરિકાની યજમાનીમાં રમાશે. આમાંથી કેટલીક મેચ ન્યૂયોર્કમાં પણ યોજાવાની છે. આ સ્ટેડિયમમાં 8 T20 વર્લ્ડ કપ મેચો યોજાવાની છે. જેમાં ભારત અને પાકિસ્તાન વચ્ચેની રોમાંચક મેચ પણ સામેલ છે.
ભારત-પાકિસ્તાન મેચ પહેલા ન્યૂયોર્કમાં એક મોટી રમત રમાઈ રહી છે. જેના માટે ફ્લોરિડામાં છેલ્લા 6 મહિનાથી તૈયારીઓ ચાલી રહી છે. હકીકતમાં, 34,000 સીટવાળા નાસાઉ કાઉન્ટી ઇન્ટરનેશનલ ક્રિકેટ સ્ટેડિયમ, જે આઇઝનહોવર પાર્કમાં છે, ન્યૂયોર્કમાં વર્લ્ડ કપની મેચો યોજવાની જાહેરાત કરવામાં આવી છે.
આ સ્ટેડિયમમાં વર્લ્ડ કપની તમામ મેચો ડ્રોપ-ઈન પીચો પર રમાશે, જે લગભગ 2000 કિલોમીટર દૂર ફ્લોરિડામાં તૈયાર કરવામાં આવી રહી છે. મોટાભાગની પિચો તૈયાર છે અને ન્યૂયોર્ક લાવવામાં આવી રહી છે. આ પીચોની તૈયારીઓ ગયા ડિસેમ્બરથી ચાલી રહી છે. ડ્રોપ ઇન પિચો તે છે, જે મેદાન અથવા સ્થળથી દૂર ક્યાંક બનાવવામાં આવે છે. ત્યાર પછી તેને ટ્રક, ક્રેન અથવા અન્ય કોઈ માધ્યમથી સ્ટેડિયમમાં લાવવામાં આવે છે અને મેદાનમાં ફેલાવી દેવામાં આવે છે.
ડિસેમ્બરથી ફ્લોરિડામાં 10 ડ્રોપ-ઇન પિચ બનાવવામાં આવી રહી છે. આ પીચો એડિલેડ ઓવલ ટર્ફ સોલ્યુશન્સના માર્ગદર્શન હેઠળ બનાવવામાં આવી રહી છે, જેનું નેતૃત્વ એડિલેડ ઓવલના ચીફ ક્યુરેટર ડેમિયર હોગ કરે છે. એવું કહેવામાં આવ્યું છે કે, આ પિચોને 20 સેમી ટ્રક દ્વારા ન્યૂયોર્ક લાવવામાં આવશે.
ICC ની જાહેરાત મુજબ, નાસાઉ સ્ટેડિયમમાં 4 પિચ સ્થાપિત કરવામાં આવશે, જ્યારે 6 નજીકના પ્રેક્ટિસ સ્થળો પર સ્થાપિત કરવામાં આવશે. એડિલેડ ઓવલ ટર્ફ સોલ્યુશન્સ ટીમ ટૂર્નામેન્ટ દરમિયાન પિચની જાળવણીમાં મદદ કરવા માટે ન્યૂયોર્કમાં રહેશે. અહીં તમને જણાવી દઈએ કે, વર્લ્ડ કપ 1 થી 29 જૂન સુધી અમેરિકા અને વેસ્ટ ઈન્ડિઝમાં રમાશે.
ઓસ્ટ્રેલિયામાં ડ્રોપ-ઇન પિચોનું કલ્ચર સૌથી વધુ રહ્યું છે. અગાઉ આવી તૈયાર કરાયેલી પીચોનો ઉપયોગ કરવામાં આવતો હતો, જેથી ક્રિકેટ મેદાનનો ઉપયોગ અન્ય ઈવેન્ટ્સ માટે પણ થઈ શકે. આ મેદાનો પર મ્યુઝિક કોન્સર્ટ, રગ્બી અને ફૂટબોલ મેચ પણ યોજવામાં આવતી હોય છે.
ઉપરાંત, જ્યારે કેરી પેકરે 1970ના દાયકામાં વર્લ્ડ સિરીઝ ક્રિકેટની શરૂઆત કરી ત્યારે તેણે આવી ડ્રોપ-ઇન પિચોનો ઉપયોગ કર્યો, કારણ કે તેને ઘણા સ્થળોનો ઉપયોગ કરવાની મંજૂરી ન હતી. તે પછી, હવે ડ્રોપ ઇન પીચોનો ઉપયોગ ક્રિકેટ સીઝન દરમિયાન તે મેદાનો પર થાય છે, જ્યાં ઓસ્ટ્રેલિયામાં શિયાળામાં ફૂટબોલ મેચ યોજાય છે.
નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.
તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.
ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp