પેટ કમિન્સે જણાવ્યું તે કયા ભારતીય ખેલાડી સામે બોલિંગ કરતા ડરે છે

પંજાબ કિંગ્સને હરાવીને સનરાઈઝર્સ હૈદરાબાદે IPL પોઈન્ટ ટેબલમાં બીજા નંબર પર કબજો જમાવ્યો છે. વરસાદને કારણે RRvsKKR મેચ ધોવાઈ જવાનો પણ તેમને ફાયદો થયો. પંજાબ સામેની જીતનો હીરો અભિષેક શર્મા રહ્યો હતો. યુવા ઓપનરે પંજાબના બોલરોને ખુબ ધોયા હતા અને બોલરોની આ  મારપીટ પછી તેણે પોતાના જ કેપ્ટનને ડરાવી દીધો. મેચ પછી, પેટ કમિન્સે અભિષેકના બંને ફાસ્ટ બોલર અને સ્પિનરો સામે ખુલ્લેઆમ રમવા બદલ પ્રશંસા કરી. અને થોડો ભય પણ વ્યક્ત કર્યો.

મેચ બાદ બ્રોડકાસ્ટર સાથે વાત કરતા તેણે કહ્યું, 'આ શાનદાર, અદ્ભુત છે. હૈદરાબાદમાં અમે સાતમાંથી છ મેચ જીતી છે. આ એક અદ્ભુત અનુભવ છે. જ્યારે હું આ સિઝનમાં આવ્યો ત્યારે હું મોટાભાગના છોકરાઓને ઓળખતો પણ ન હતો, પરંતુ અમને ઉત્તમ ક્રિકેટ રમવાની મજા આવી. આ છોકરાઓ અદ્ભુત છે. અભિષેક અદ્ભુત છે. મને તેની સામે બોલિંગ કરવાનું પસંદ નથી. તે ડરામણી છે, તે માત્ર ઝડપી બોલરો જ નહીં પરંતુ સ્પિનરોને પણ ખુલીને રમે છે.'

આ વાતચીતમાં કમિન્સે યુવા ઓલરાઉન્ડર નીતિશ કુમાર રેડ્ડીની પણ પ્રશંસા કરી હતી. તેણે કહ્યું, 'તેમને જોઈને ખરેખર સંતોષ અને ઉત્સાહ છે. મેં હજુ સુધી IPLની ફાઈનલ રમી નથી. થોડા કલાકોમાં ખબર પડશે કે આગળ વધવા માટે આપણે કોની સામે રમવાનું છે. શાનદાર ક્રિકેટ રમી રહ્યો છું, આગળ જે પણ આવશે તેના માટે ઉત્સાહિત છું.'

અભિષેકે આ સિઝનમાં 13 ઇનિંગ્સમાં 467 રન બનાવ્યા છે. પરંતુ આ રનની સૌથી મહત્વની બાબત એ છે કે તેઓ 209થી વધુના સ્ટ્રાઈક રેટ અને 40ની આસપાસની એવરેજથી આવ્યા છે. આ સિઝનમાં તેનો સર્વશ્રેષ્ઠ સ્કોર અણનમ 75 રન છે. જો હૈદરાબાદ અને પંજાબની મેચની વાત કરીએ તો પંજાબે પ્રથમ બેટિંગ કરી હતી.

અથર્વ તાયડે એ પ્રભસિમરન સિંહ સાથે મળીને ટીમને સારી શરૂઆત અપાવી હતી. બંનેએ પ્રથમ વિકેટ માટે 9.1 ઓવરમાં 97 રન જોડ્યા હતા. આ ટોટલ પર તાયડે 27 બોલમાં 46 રન બનાવીને આઉટ થયો હતો. જ્યારે પ્રભસિમરને 45 બોલમાં 71 રન બનાવ્યા હતા. રિલી રૂસોએ 24 બોલમાં 49 રન અને જીતેશ શર્માએ 15 બોલમાં 32 રન ઉમેર્યા હતા.

પંજાબે વીસ ઓવરમાં પાંચ વિકેટ ગુમાવીને 214 રન બનાવ્યા હતા. જવાબમાં હૈદરાબાદની શરૂઆત સારી રહી ન હતી. તેણે પહેલા જ બોલ પર ટ્રેવિસ હેડની વિકેટ ગુમાવી દીધી હતી. તે ખાતું પણ ખોલાવી શક્યો ન હતો. પરંતુ બાકીના બેટ્સમેનો પર તેની કોઈ અસર થઈ ન હતી. ખાસ કરીને અભિષેક પંજાબના બોલરો પર ખૂબ જ મહેરબાન રહ્યો હતો. તેણે 28 બોલમાં 66 રન બનાવ્યા હતા. જેમાં પાંચ ચોગ્ગા અને છ છગ્ગાનો સમાવેશ થાય છે.

રાહુલ ત્રિપાઠીએ 18 બોલમાં 33 રન, નીતીશે 25 બોલમાં 37 રન જ્યારે ક્લાસને 26 બોલમાં 42 રન બનાવ્યા હતા. SRHએ પાંચ બોલ બાકી રહેતા ચાર વિકેટે મેચ જીતી લીધી હતી.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.