IPL 2024: બ્રેટ લીએ કરી આગાહી, KKR અને SRHની ફાઇનલમાં આ ટીમ વિજેતા બનશે

ભૂતપૂર્વ ઓસ્ટ્રેલિયન ફાસ્ટ બોલર બ્રેટ લીએ IPL 2024ના વિજેતાની ભવિષ્યવાણી કરી છે. હકીકતમાં, KKR અને હૈદરાબાદની ટીમો ફાઇનલમાં પહોંચી ગઈ છે. IPL 2024ની ફાઈનલ 26 મેના રોજ ચેન્નાઈમાં રમાશે. ફાઈનલની ભવિષ્યવાણી ઓસ્ટ્રેલિયાના ભૂતપૂર્વ દિગ્ગજ ખેલાડી બ્રેટ લી દ્વારા કરવામાં આવી છે. તેમનું માનવું છે કે, આ વખતે KKR ટીમ ફાઇનલમાં ટાઈટલ જીતવામાં સફળ રહેશે.

મીડિયા સૂત્ર સાથે વાત કરતા બ્રેટ લીએ કહ્યું, 'મને RCB પાસેથી શરૂઆતથી જ ઘણી અપેક્ષાઓ હતી, તેથી જ્યારે તેઓ બહાર થયા ત્યારે હું નિરાશ થયો હતો. જો કે, વર્તમાન પ્રદર્શનના આધારે, KKR ફેવરિટ છે. મારા મતે, KKR ટોચ પર રહેવા સૌથી વધુ લાયક ટીમ છે, કારણ કે તેઓએ ફાઇનલમાં જવાનો સીધો માર્ગ સુરક્ષિત કરી લીધો છે, જે અન્ય ટીમો માટે તેમને હરાવવાનું મુશ્કેલ કાર્ય બનાવે છે.'

બ્રેટ લીએ વધુમાં કહ્યું, 'મારા મતે, કોલકાતા નાઈટ રાઈડર્સે સમગ્ર IPL ટુર્નામેન્ટમાં શરૂઆતથી જ સારું પ્રદર્શન કર્યું છે. રાજસ્થાન રોયલ્સે પણ સારું ક્રિકેટ રમ્યું હતું, પરંતુ જેમ જેમ ટુર્નામેન્ટ આગળ વધતી ગઈ તેમ તેમ તેમનું પ્રદર્શન બગડતું ગયું. જો કે, KKR બોલિંગ, બેટિંગ અને ફિલ્ડિંગ, ત્રણેય ક્ષેત્રોમાં મજબૂત રહી છે. તેમના અત્યાર સુધીના પ્રદર્શનના આધારે, હું માનું છું કે KKR આ વર્ષે IPLની સંભવિત વિજેતા છે.'

આ સિવાય બ્રેટ લીએ T20 વર્લ્ડ કપમાં ભારતીય ટીમને લઈને જવાબ આપ્યો. બ્રેટ લીએ કહ્યું કે, ચાર સ્પિનરો અને 3 ફાસ્ટ બોલર વગેરે વિશે વિચારવાથી ફાયદો થતો નથી. સૌ પ્રથમ તમારે એ જોવું જોઈએ કે તમે ક્યાં રમી રહ્યા છો અને પરિસ્થિતિ કેવી છે. ટીમની ઈલેવનને તે મુજબ પસંદ કરવામાં આવે છે.

અત્રે ઉલ્લેખનીય છે કે, T20 વર્લ્ડ કપ માટે ભારતીય ટીમની જાહેરાત થઈ ગઈ છે પરંતુ હવે ટીમમાં ફેરફાર કરવામાં આવી શકે છે. ICCએ ટીમોમાં ફેરફાર કરવા માટેની સમયમર્યાદા 25 મે નક્કી કરી છે. હવે જોવાનું એ રહેશે કે ભારતીય ટીમમાં ફેરફાર કરવામાં આવશે કે નહીં.

અહીં તમને જણાવી દઈએ કે, KKR ટીમ બે વખત IPL ટાઈટલ જીતવામાં સફળ રહી છે. KKRએ 2012 અને 2014માં IPLનો ખિતાબ જીત્યો હતો. જ્યારે KKRએ ખિતાબ જીત્યો ત્યારે KKR ટીમનું નેતૃત્વ ગૌતમ ગંભીરે કર્યું હતું. જ્યારે, આ વખતે KKR ટીમનો મેન્ટર ગૌતમ ગંભીર છે. આવી સ્થિતિમાં KKR ટીમ ત્રીજી વખત ટાઈટલ જીતવામાં સફળ રહેશે કે કેમ તે જોવું રહ્યું.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.