લાગોસમાં શરમજનક રેકોર્ડ, T20 ક્રિકેટનો સૌથી ઓછો સ્કોર, ટીમ માત્ર 7 રનમાં ઓલઆઉટ

ટીમ 7 રનમાં ઓલઆઉટ...તે પણ આંતરરાષ્ટ્રીય મેચમાં, આ સાંભળીને થોડું આશ્ચર્ય પણ થાય છે. પરંતુ આઇવરી કોસ્ટે નાઇજીરીયા સામે આ શરમજનક રેકોર્ડ બનાવ્યો હતો. રનના મામલે રેકોર્ડ જીત પણ નોંધાઈ હતી.

આ T20 ઈતિહાસનો સૌથી ઓછો સ્કોર છે. T20 ઈન્ટરનેશનલમાં સૌથી ઓછો સ્કોર પણ છે. નાઈજીરિયાએ આ મેચ 264 રને જીતી લીધી હતી. આ મેચ લાગોસના તફવા બાલેવા સ્ક્વેર ક્રિકેટ ઓવલના મેદાનમાં યોજાઈ હતી.

લાગોસમાં ICC મેન્સ T20 વર્લ્ડ કપ પેટા-પ્રાદેશિક આફ્રિકા ક્વોલિફાયર ગ્રુપ C મેચમાં નાઇજીરિયા સામે આઇવરી કોસ્ટ માત્ર 7 રનમાં ઓલ આઉટ થઇ ગઈ હતી અને 264 રનથી હારી ગયું હતું. અત્રે ઉલ્લેખનીય છે કે, આંતરરાષ્ટ્રીય ક્રિકેટમાં ટોચના 5 સૌથી ઓછા સ્કોરમાંથી 4 તો વર્ષ 2024માં જ બન્યા છે.

પુરુષોની T20 આંતરરાષ્ટ્રીય આ મેચમાં સિંગલ ડિજિટ ટીમના સ્કોરનું પ્રથમ ઉદાહરણ છે. આ ફોર્મેટમાં અગાઉનો ન્યૂનતમ સ્કોર 10 રન હતો. આ સ્કોર પર ટીમ બે વખત ઓલ આઉટ થઇ છે.

એક, આ વર્ષે સપ્ટેમ્બરમાં મંગોલિયાની ટીમ સિંગાપોર સામે 10 રન સુધી સીમિત રહી હતી, જ્યારે ગયા વર્ષે આઈલ ઓફ મેનની ટીમ સ્પેન સામે આ જ સ્કોર પર ઓલઆઉટ થઈ ગઈ હતી.

Dominant Performance by Nigeria!

🇳🇬 Nigeria: 271/4 (20.0 overs)
🇨🇮 Côte d'Ivoire: 7 all out (7.3 overs)

Nigeria delivers a record-breaking performance, securing an emphatic victory with bat and ball.#T20AfricaMensWCQualifierC#T20MensAfricaWCQualifierC… pic.twitter.com/VqLK0quSji

— Nigeria Cricket Federation (@cricket_nigeria) November 24, 2024

પુરુષોની T20 ઈન્ટરનેશનલમાં સૌથી મોટી જીતની વાત કરીએ તો, નાઈજીરિયાની 264 રને જીત ગત મહિને ત્રીજી સૌથી મોટી જીત છે. ઝિમ્બાબ્વેએ ગેમ્બિયાને 290 રને હરાવ્યું હતું, જ્યારે નેપાળે મંગોલિયાને સપ્ટેમ્બર 2023માં હાંગઝોઉ એશિયન ગેમ્સમાં 273 રનથી હરાવ્યું હતું.

T20 ઇન્ટરનેશનલમાં સૌથી ઓછો સ્કોર: આઇવરી કોસ્ટ-7 રન, વિ નાઇજીરીયા (નવેમ્બર, 2024), મંગોલિયા-10 રન, વિ સિંગાપોર (સપ્ટેમ્બર, 2024), આઇલ ઓ મેન-10 રન, વિ સ્પેન (ફેબ્રુઆરી, 2023), મંગોલિયા-12 રન, વિ જાપાન (મે, 2024), મોંગોલિયા-17 રન, વિ હોંગકોંગ (ઓગસ્ટ, 2024), માલી-18 રન, વિ તાન્ઝાનિયા (સપ્ટેમ્બર, 2024).

T20 ઇન્ટરનેશનલમાં સૌથી મોટી જીત (રન દ્વારા): ઝિમ્બાબ્વે-290 રનથી-ગામ્બિયા સામે (ઑક્ટોબર, 2024), નેપાળ-273 રનથી-મંગોલિયા સામે (સપ્ટેમ્બર, 2023), નાઇજીરિયા-264 રનથી-આઇવરી કોસ્ટ સામે (નવેમ્બર, 2024).

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.