Notifications

Favourite List

ધોની છેલ્લી ઓવર્સમાં કેમ બેટિંગ કરવા આવે છે? ગંભીરે જણાવ્યું કારણ

07 May, 2024
02:31 PM
PC: BCCI

IPLમા અત્યારે સૌથી વધુ કોઈની ચર્ચા હોય તો તે મહેન્દ્ર સિંહ ધોની છે. તે આવીને રમે છે બહુ ઓછા બોલ તેમ છતા તેની જ ચર્ચા થાય છે અને થોડા બોલમાં તે રન સારા બનાવી લે છે, તો ફેન્સ ચર્ચા કરે છે કે, ધોની ઉપરના ક્રમ પર રમવા કેમ નથી આવતો, ત્યારે આ અંગે પૂર્વ ક્રિકેટર ગૌતમ ગંભીરે નિવેદન આપ્યું છે. ગંભીરે કહ્યું હતું કે, ધોની ફક્ત 8-10 બોલનો સામનો કરે છે, તેની પાછળ ચેન્નાઈ સુપરકિંગ્સની સ્ટ્રેટેજી છે. આનાથી ધોનીને ખૂલીને બેટિંગ કરવામાં આઝાદી મળે છે. દરેક ટીમની અલગ-અલગ રણનીતિ હોય છે અને ચેન્નાઈ સુપર કિંગ્સે છેલ્લા 2-3 વર્ષમાં આવું કર્યું છે. આ આઝાદીએ ધોનીને વધુ પ્રભાવ પાડવાની તક આપી છે.

ગંભીરે કહ્યું કે, જ્યારે તમે 20-25 બોલ રમો છો તો તમારા પર એ ઈનિંગને આગળ વધારવાની જવાબદારી આવી જાય છે, પરંતુ જ્યારે તમે ફક્ત 8-10 બોલ રમો છો, ત્યારે તમે ત્યાં જઈને વધુ આઝાદી સાથે રમી શકો છો.

IPL 2024માં ધોનીના પ્રદર્શનની વાત કરીએ તો તે અત્યારસુધીમાં 10 મેચ રમ્યો છે, જેમાં તેણે 110ની સરેરાશ અને 229ની સ્ટ્રાઇક રેટથી 110 રન બનાવ્યા છે. ધોની આ સીઝનમાં ફક્ત એક જ વાર આઉટ થયો છે. ધોનીએ આ સીઝનની 10 મેચમાં 10 ચોક્કા અને 9 છક્કા લગાવ્યા છે.

2 રન આવી જાત પણ ધોની દોડ્યો જ નહીં, મિશેલને પણ પાછો કાઢ્યો, ટ્રોલ થયો માહી

મહેન્દ્ર સિંહ ધોનીને ક્રિકેટ ઈતિહાસનો સર્વશ્રેષ્ઠ ફિનિશર માનવામાં આવે છે. જો કે, ક્યારેક શ્રેષ્ઠને પણ ખરાબ સમયનો સામનો કરવો પડે છે. બુધવારે ચેન્નાઈ સુપર કિંગ્સ અને પંજાબ કિંગ્સ વચ્ચેની મેચમાં કંઈક આવું જ બન્યું હતું, જ્યારે ધોની છેલ્લી ઓવરમાં અર્શદીપ સિંહનો સામનો કરી રહ્યો હતો. ચાર બોલ બાકી હતા ત્યારે તેણે બેટ્સમેન ડેરીલ મિશેલને એક રન લેવા માટે ઇનકાર કર્યો હતો. આશ્ચર્યની વાત એ છે કે, ત્યાં સુધીમાં મિશેલ ધોનીના છેડા સુધી પહોંચી ગયો હતો. આ પછી ધોનીએ ના પાડી દીધી અને મિશેલ ફરીથી નોન-સ્ટ્રાઈકર એન્ડ પર પાછો ફર્યો. એટલે કે તેણે બે રન પૂરા કર્યા હતા.

ધોની 20મી ઓવરમાં અર્શદીપ સિંહનો સામનો કરી રહ્યો હતો. માહીએ આ ઓવરનો બીજો બોલ સ્વીપર કવર તરફ રમ્યો, પરંતુ તેણે રન લેવાની ના પાડી. આ દરમિયાન, મિશેલ રન લેવા માટે એટલો આતુર હતો કે, તે ધોની પાસે ગયો, ક્રિઝને ટેપ કરીને સલામત નોન-સ્ટ્રાઈકર એન્ડ પર પાછો પણ ફર્યો. ટેક્નિકલ રીતે, જો ધોની રન માટે ગયો હોત, તો તે મિશેલ સાથે મળીને CSKના ટોટલમાં વધુ બે રન ઉમેરી શક્યો હોત. જોકે, એવું લાગતું હતું કે, કદાચ ધોનીને તેના પાર્ટનરની ક્ષમતાઓ પર વિશ્વાસ ન હતો. વીડિયોના રિપ્લેમાં ધોની મિશેલ પર બૂમો પાડતો પણ જોવા મળ્યો હતો.

જો કે, ધોનીએ તેના પછીના બે બોલ પર એક ફોર અને એક સિક્સર ફટકારી, જેણે ચોક્કસપણે ચાહકોનું મનોરંજન કર્યું, પરંતુ X (અગાઉનું ટ્વિટર) પર કેટલાક ચાહકો એ જોઈને ખુશ ન હતા કે ધોનીએ મિશેલ જેવા સારા ખેલાડી પાસે રન લેવાનો ઇનકાર કર્યો હતો. આટલું જ નહીં, મિશેલ આઠમા નંબર પર બેટિંગ કરવા આવ્યો હતો. મિશેલ મોટા શોટ મારવામાં અને વિસ્ફોટક ઇનિંગ્સ રમવામાં માહિર છે અને આ ખેલાડીએ ગયા વર્ષે વર્લ્ડ કપ સેમિફાઇનલમાં ભારત સામે શાનદાર ઇનિંગ રમી હતી. આવી સ્થિતિમાં 42 વર્ષીય ધોનીમાં આત્મવિશ્વાસનો અભાવ આશ્ચર્યજનક હતો. ધોની આખરે ઇનિંગના છેલ્લા બોલ પર રનઆઉટ થયો હતો. તે આ સિઝનમાં પ્રથમ વખત આઉટ થયો હતો. ચેન્નાઈએ 20 ઓવરના અંતે 162/7 રન બનાવ્યા હતા. જવાબમાં પંજાબ કિંગ્સે ત્રણ વિકેટ ગુમાવીને લક્ષ્યાંક હાંસલ કરી લીધો હતો.

આ પહેલીવાર નથી જ્યારે ધોનીએ પોતાના પાર્ટનરને સ્ટ્રાઈક આપવાનો કે સિંગલ લેવાનો ઈન્કાર કર્યો હોય. જો કે, આમાંના મોટા ભાગના કેસોમાં તેમના ભાગીદાર તરીકે કોઈ ટેલેન્ડર જ સામેલ હતા. વર્ષ 2014માં તેણે અંબાતી રાયડુ સાથે આવું કર્યું હતું. ધોનીની આ યોજના ઉલટી પડી અને ભારત ઇંગ્લેન્ડ સામે T20 હારી ગયું. ત્યાર પછી ભારતને બે બોલમાં પાંચ રનની જરૂર હતી. ધોનીએ રાયડુને રન ન આપીને પાછો મોકલ્યો અને પછી છેલ્લા બોલ પર પણ બાઉન્ડ્રી ફટકારવામાં નિષ્ફળ રહ્યો. આ પ્રથમ વખત હતો જ્યારે ધોની મેચ સારી રીતે પૂરી કરવામાં નિષ્ફળ રહ્યો હતો. ત્યારે સોશિયલ મીડિયા પર ખૂબ ચર્ચા થઈ હતી અને હવે પણ જ્યારે મિશેલ સાથે આવું થયું ત્યારે ચાહકોએ તેને ટ્રોલ કરવાની કોઈ તક છોડી ન હતી.

ઈરફાન પઠાણે પણ તેની ટીકા કરી છે. તેણે કહ્યું, ધોનીએ આવું ન કરવું જોઈતું હતું. તે એક ટીમ ગેમ છે. ટીમની રમતમાં આવું ન કરવું જોઈએ. ડેરીલ પણ એક આંતરરાષ્ટ્રીય ખેલાડી છે. જો તે બોલર હોત તો મને આ ચાલ સમજાઈ હોત. તમે રવિન્દ્ર જાડેજા સાથે પણ આવું કર્યું છે. આવું ન કરવું જોઈએ.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.

ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp